JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Preokupa mosaun sensura, plenaria PN laiha

Preokupa mosaun sensura, plenaria PN laiha

Deputadu Parlamentu Nasional IV lejislatura, Tersa (21/11/17), abandona sesaun plenária ho lian Portugues, tanba preokupa ho mosaun sensura ne’ebé aprezenta husi bankada opozisaun Aliansa Maioria Parlamentar hanesan CNRT, PLP no KHUNTO.

Sekretaria Meja Parlamentu Nasional, Lidia Norberta, haktuir, sesaun plenária laiha, tanba  iha sesaun dader bankada opozisaun sira sei hadia deklarasaun ne’ebé inklui mós mosaun sensura antes entrega ba estrutura meja PN.

Enkuantu iha sesaun lorokraik, Lidia dehan,  Prezidente Parlamentu Nasional  (PPN), Aniceto Guterres, konvoka reuniaun líder bankada,  hodi deside ajenda diskusaun ba mosaun refere.

“Plenária ohin (Horiseik-red) laiha, tanba normalmente kuandu Prezidente PN baisa ona proposta ruma  ba komisaun espesializada permanenete sira hodi estuda, tanba ne’e servisu parlamentu nian konsentra ba iha komisaun ida-idak,”haktuir Sekretaria Meja PN Lídia Norberta, ba jornalista sira iha PN, Tersa (21/11/2017).

Norberta informa, alen de deklarasaun polítika ne’ebé inklui mosaun ba governu dahitu, iha mós rekursu ne’ebé bankada CNRT aprezenta ba PPN, maibe nia parte rasik seidauk hatene kontiudu hosi karta refere.

“Iha reuniaun líder bankada ne’e atu ko’alia mós kona-ba rekursu ne’ebé hatama husi bankada CNRT ba meja PN, alen de karta deklarasaun bankada ne’e iha rekursu ne’ebé so Prezidente PN mak bele asesu, tanba kontiudu husi rekursu ne’e ami labele hatene, tanba seidauk baisa ba komisaun,”informa Lídia.

Enkuantu meja PN simu ona deklarasaun polítika hosi CNRT ne’ebé aprezenta, maibe seidauk distribui ba komisaun hotu atu bele hatene kontiudu loloos husi deklarasaun ne’ebé inklina mós mosaun sensura.

Enkuantu, deputadu bankada PLP, Mericio Juvinal, hatete, dinámika polítika ne’ebé opozisaun iha, inklui mosaun sensura ne’e hanesan polítika atual, la’o tuir regra konstituisional nian. Tanba ne’e, regra konstituisaun ne’e rasik mak sei determina rezultadu ikus iha tempu ruma.

Lee hotu :   PD louva PR nia esforsu durante ne’e

GMN tenta atu halo konfirmasaun ba kontiudu karta refere ba bankada CNRT, maibe la fo komentariu tanba razaun okupadu.Say

Add to Comments Here!!!!

error: Content is protected.
Secured By miniOrange
You might also like:
NOTÍCIAS NACIONAL MEIO-DIA Loron-22 Fulan-Novembru Tinan-2017

Xanana, Taur- Naimori ofisialija ezistensia AMP “Husu ba povu hakmatek”

Prezidenti Partidu CNRT, Kay Rala Xanana...

GRANDE ENTREVISTA Hamutuk ho Dr.Jose Ramos Horta

Close