JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

BOAMP lamenta PPN kansela debate OR

BOAMP lamenta PPN kansela debate OR

Bloku Opozisaun Aliansa Maioria Parlamentar (BOAMP), lamenta desizaun Prezidenti Parlamentu Nasional (PPN), Aniceto Guterres ne’ebé halo kanselamentu ba debate Orsamentu Retifikativu (OR) ho razaun ne’ebé PPN aprezenta laiha lójika, tamba preokupa fali ho seguransa ba deputadu ida-idak.

Xefi bankada CNRT, Arão Noe, esplika, PPN hasai ona desizaun atu ajenda OR ne’e ba plenária iha loron ohin Kinta (14/12), maibé BOAMP hakfodak bainhira rona fali desizaun husi PPN atu adia debate OR ne’e ba Segunda semana oin.

“Prezidenti marka ohin (horseik) loron atu aprova giaun debate OR, maibé bainhira ami to’o iha ne’eba atu halo reuniaun, PPN fó fali konvite ida mai ami katka, adia fali ba Sesta feira, no jeneralidade OR ne’e ba Segunda,” lamenta Arão Noe ba jornalista sira liu husi konferensia ba imprensa iha PN, Kuarta (13/12).

Tanba ne’e, Opozisaun lamenta ho desizaun ne’ebé mak PPN foti ona hodi muda diskusaun OR ne’e, la ho razaun fundamental ida.

Nune’e mós, Xefi bankada PLP, Fidelis Magalhães hateten, kuandu PPN kansela  ona debate OR, ba oin opozisaun laiha ona tempu atu halo diskusaun ba OR ne’e rasik.

“Laiha razaun atu adia to’o Segunda, tanba saida la deskuti aban (ohin). Ida ne’e atu hatudu katak, partidu sira iha Governu (FRETILIN-PD), so uza OR ne’e hanesan instrumentu polítiku de’it, atu halo jogu polítiku ida hodi dada prosesu ba mai,” katak Fidelis.

Nia hatutan, ida ne’e prova ida ne’ebé hatudu katak, Bloku Koligasaun uza OR ne’e hanesan polítika ida hodi atrai povu nia simpatia.

Alende ne’e, Xefi bankada KHUNTO, Luis Roberto da Silva hateten, opozisaun lamenta, tanba  PPN dada tempu ba bebeik hodi to’o ikus fó sala nafatin ba partidu tolu ne’e (CNRT, PLP no KHUNTO).

Lee hotu :   Komisaun Permanente kontinua lafunsiona hafoin EA

“Ida ne’e hatudu katak, PPN la imparsial, tanba buat hotu sira mak ko’alia dehan katak importante, maibé ikus mai PPN rasik mak adia diskusaun ne’e ho de’it razaun seguransa ba deputadu sira. Ami haree katak, seguransa iha ita nia rai laran la’o diak nafatin, maibé PPN preokupa fali ho seguransa, lahatene saida mak atu mosu,” dehan Luis Roberto.

Tanba ne’e, Luis Roberto konsidera PPN mak ignora buat hotu, atu kria buat ruma iha rai laran ne’ebé ema hotu la espera.

Maibé Vise Xefi bankada Partidu Demokrátiku (PD), Luis Mendes, esplika, tuir lolos aban (ohin), PN halo debate ba jeneralidade OR, tanba liders bankada sira konkorda hotu ona, maibé realidade la konsege diskuti no sei muda ba Segunda.

“Konforme informasaun ne’ebé PPN hato’o mai katak, razaun seguransa ba deputadu sira, entaun presija adia orariu hodi haree fila fali seguransa nian iha área Parlamentu,” katak Luis Mendes.

Maibé tuir informasaun ne’ebé GMN asesu iha PN katak, dalaruma Segunda mós sei la konsege halo diskusaun ba OR ne’e.cos

Add to Comments Here!!!!

error: Content is protected.
Secured By miniOrange
You might also like:
Happy Hour Eps.19 hamutuk ho ”Mitu Freitas”

Mari Alkatiri:”lideransa lahatene rezolve situasaun polítika”

Primeiru Ministru Mari Alkatiri afirma situasaun...

BOAMP konsidera PPN halo teatru polítika

Bloku Opozisaun Aliansa Maioria Parlamentar (BOAMP),...

Close