JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Eis-ministru balun benefisia-an ho fasilidade Estadu

Eis-ministru balun benefisia-an ho fasilidade Estadu

Foto: Facebook Fernanda Lay

Deputada Komisaun C Parlamentu Nasionál (PN), trata asuntu Finansas Públika, Fernanda Lay, deklara, eis-ministru balun kontinua uza telemovel Estadu hodi benefisia-an, no tau hela tusan telekomunikasaun nian ba Estadu.

“Eis-ministru balun kontinua uza telemovel Estadu hodi benefisia-an,”dehan deputada komisaun C, Fernanda Lay liu hosi audiensia Komisaun C ho governu dahitu kona-ba Orsamentu Retifikativu iha PN, Segunda (11/12/2017).

Deputada Fernanda Lay, hato’o informasaun ne’e, relasiona ho  Ministru Finansas,  Rui Gomes nia deklarasaun, kona-ba dívidas husi kompañia telekomunikasaun Timor-Telekom (TT) ne’ebé prevé hotu iha Orsamentu Retifikativu ne’ebé governu aprezenta ba PN hodi apresia.

“Tusan ne’e ba interese Estadu nian duni ka lae? Governu tenke print sai dadus sira ne’e, lakohi parlamentu aprova atu selu dívidas ne’ebé laiha benefisiu ba Estadu, tanba eis ministru balun lori telefoni ne’ebé uluk nia uza ba nia pozisaun, mandatu, hotu mós uza nafatin, ida ne’e laloos. Bainhira TT lori nia dívidas 8 mil dolar, tuir loloos mandatu hotu ona, ita tenke entrega telefoni ne’ebé ita uza ba ita-nia pozisaun, la’os uza fasilidade Estadu ba benefisiu privadu, hanesan ne’e eis ministru sira tenke selu uza osan rasik,”haktuir deputada Fernanda Lay husi bankada CNRT ne’e.

Entretantu, Ministru Finansas, Rui Gomes, relata, hakarak ka lakohi, Estadu tenke selu dívidas ne’ebé dadaun iha, atu labele implika ba servisu kompañia sira nian iha prosesu hotu.

“Dívidas nafatin dívidas, hakarak ka lakohi ita tenke selu. Ita bo’ot deputadu sira, aban bainrua ita haree fali oinsa mak servisu telekomunikasoens, iha ema barak ne’ebé la dezempeña ona funsaun maibe  sei utiliza internet no telefoni, ne’e tinan ba tinan hanesan ne’e hela. Tanba ida ne’e seidauk iha kontrolu ida ne’ebé diak, maibe ida ne’e mós implika ba ita-nia Orsamentu Jeral Estadu, ida ne’e hanesan alerta ida para ita atu tetu hamutuk, atu  nune’e ba oin labele rai tusan bo’ot hanesan ne’e,”dehan Ministru Finansa ne’e.

Lee hotu :   FRETILIN akuza CNRT fahe projetu hodi sosa votus CNRT-PLP ezije TC tenki brani auditoria ZEESM

Rui Gomes informa tan, nia parte haruka ona ekipa verifikasaun tun ba terrenu atu halo verifikasaun dadus loloos kona-ba dívidas sira ne’ebé iha.

“Agora dadaun ekipa verifikasaun halo hela verifikasaun, atu hatene loloos. Ha’u rasik husi planemanentu finanseiru haruka ona funsionariu sira atu haree didiak relatoriu transferensias ba Timor-Telekom, konjuga halo ho banku rekonsiliasaun bankaria, para bele hatene loloos osan hamutuk hira? ba saida de’it? maibe ida ne’e prosesu naruk no sei han tempu lubuk, tanba dívidas ne’ebé dadaun iha hahú husi tinan 2006 nian to’o agora 2017, tinan 11 ona, tanba ne’e komplikadu loos,”afirma Rui.

Tuir Rui, dívidas ba TT ne’e katgoria urjenti, tanba kompañia presija hadia sistema velosidade liña telekomunikasaun sira atu fasilita servisu hotu ho diak no lalais.

Não me digas ita utiliza hela sistema sira ne’e, atu husik de’it, konserteja ne’e urjenti. Kuandu ita ezije empreza ne’ebé fornese telekomunikasoens sira atu halo nia intervensoens ruma atu aumenta sevisu velosidade internet, maibe nia atu investe ladiak bainhira orsamentu lato’o, ida ne’e implika hotu viabilidade ba empreza ne’e rasik, servisu ne’ebé atu presta ba sidadaun mós difisil,”dehan Rui.

Nia subliña, dívidas ne’ebé iha tenke selu, tanba ne’e mak kapitaliza fila fali empreza sira ne’ebé iha situasaun difisil,  tanba kompañia mós presija fasilita nia traballador sira.Say

Add to Comments Here!!!!

error: Content is protected.
Secured By miniOrange
You might also like:
PFM, UDT no PUDD forma koligasaun hasoru EA

Partidu Frenti Mudança (PFM), Partidu União...

Segundu programa governu hanaran anotasaun

Ministru Prezidenti Konselho Ministrus, Adriano do...

Konsidera akuzasaun, PPN lori karta destituisaun BOAMP ba Tribunal

Prezidenti Parlamentu Nasional (PPN) lori Bloku...

Close