JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN aproveita diskuti OR lekar frakeza Governu anterior ”BOAMP konsidera VII Governu halai husi responsabilidade

FRETILIN aproveita diskuti OR lekar frakeza Governu anterior ”BOAMP konsidera VII Governu halai husi responsabilidade

Diskusaun Orsamentu Retifikativu (OR) la’o loron rua ona iha Parlamentu Nasional, maibé bankada Governu ho opozisaun seidauk hetan konsensu kona ba OR ne’e, tanba opozisaun mantein ho sira-nia rekursu ne’ebé aprezenta ona ba meja PN kona ba OR no bankada apoiu Governu hakarak kontinua diskuti OR, maske la tempu ona.

Opozisaun nafatin no konsidera OR ne’e la iha ona fatin atu diskuti iha tempu hanesan ne’e tamba liu ona. Maibe bankada FRETILIN hatene desvia hodi esplika objetivu husi OR ne’e iha plenária, hodi lekar frakeza Governu anterior nian kona-ba dívidas.

Deputadu Angelica Rangel, husi bankada FRETILIN hateten, objetivu husi hatama mosaun sensura ba Governu, rekursu ba OR, no karta destituisaun atu troka PPN ne’e, tanba opozisaun lakohi atu públiku hatene sira nia frakeza.

“Opozisaun hakarak hadau poder ne’e mak halo buat tun sa’e ne’e, tanba sira ko’alia iha kotuk ami rona hela dehan, imi tu’un tiha ba, divídas ne’e ami mak halo, imi tu’un tiha ba ma kami selu divídas ne’e. Ha’u dadus iha kona ba divídas sira ne’e, US$ 1.2 bioloens, no orsamentu ne’ebé mak atu re-apropria ba 2018 US$ 700 biloens, tanba ne’e mak imi hakarak hadau ukun atu ba selu,” relata Maria Angelica Rangel iha plenária Tersa (19/12).

Nia afirma, OR ne’e Governu atu selu divídas sira ne’e balun, maibé tanba saida mak opozisaun rezeita no lakohi koopera.

Maria Angelica Rangel hatutan,  deskorda ho desizaun PPN nian kona ba diskusaun rekursu opozisaun nian ba Orsamentu Retifikativu.

Nia esplika,  norma PN durante tinan 15 ne’e, kuandu proposta Orsamentu Jeral Estadu ka Orsamentu Retifikativu tama iha PN, laiha tan ajenda seluk.

Lee hotu :   Apuramentu nasional CNE ba dala ikus, AMP sai primeiru vensedor ho votus 309.663

“Ha’u la kompriende, deputadu Arão Noe ho Terezinha Viegas mai husi primeiru lejislatura, maibé la kompriende fali normas ne’e mak ha’u mós binngung. Tanba ne’e, rekursu ne’ebé atu halo andamentu ne’e laiha fatin, tanba rekursu ne’e rasik foti fali ami nia materia no relatóriu komisaun C nian ba urjensia OR ne’e mak sira  hatama fali iha rekursu ida ne’e,” katak Angelica Rangel.

Tanba ne’e, Maria Angelica Rangel konsidera rekursu opozisaun nian laiha ona fatin atu diskuti iha plenária,  tanba laiha baze legal.

Maibé Xefi bankada CNRT, Arão Noe hateten, kestaun ne’ebé bankada Governu levanta ne’e, la’os dividas, maibé komprimisu ne’ebé mak tenki selu, tanba Estadu mak halo kompañia sira.

“Ha’u la dehan divídas, maibé komprimisu, tanba ida ne’e Estadu nian, kualker Governu ida mai tenki selu, tanba Estadu mak halo kontratu sira ne’e,” katak Arão Noe.

Alende ne’e, deputada Maria Terezinha Viegas, husi bankada CNRT hateten, rekursu ne’e opozisaun hatama kedas, bainhira Prezidenti PN foti desizaun hodi baixa proposta OR ne’e ba komisaun C.

“Ho hanoin ida ne’e mak, ami insiste nafatin ami nia rekursu ne’e, molok atu tama ba diskusaun OR, maibé desizaun ita bo’ot (PPN) nian, interfere tiha ona funsionamentu Parlamentu nian, kona ba realizasaun konferensia lider bankadas, molok tama ba plenária,” katak Terezinha Viegas.

Eis Sekretáriu Estadu Asuntu Parlamentar ne’e rekuñese katak, los duni iha primeiru lejislatura nia reprezenta FRETILIN hodi sai deputadu iha Parlamentu Nasional.

“Ha’u sai husi FRETILIN, tanba situasaun iha momentu ne’eba mak obriga duni. Iha 2006 krize nia laran, ha’u iha persegisaun maka’as, entaun ha’u tenki evakua ha’u nia laen ba Manatuto, ha’u nia laen la’os ema kualker ida,” relata Terezinha Viegas.

Lee hotu :   Governu desvia programa ho OR, Opozisaun insiste la apoia

Nia hatutan, opozisaun lahateten katak, OR ne’e la importante, tanba ne’e mak iha momentu proposta OR ne’e tama iha PN, opozisaun sira ezije kedas ba bankada Governu atu konfirma ba Governu katak, OR ne’e mai kedas ho programa Governu ka lae.

“Maibé iha momentu ne’eba bankada Governu hateten, la’e programa Governu de’it mak mai, OR laiha. Entaun diferensa saida kuandu iha momentu ne’eba dehan labele, maibé agora dehan fali bele. Ha’u hanoin ita tenki honestu ba ita-nia aan rasik, relasiona ho atuasaun sira ne’e hotu, ita hatudu kulpa de’it fasil, maibé atu responsabiliza no atu deklara ida ne’e susar,” katak Terezinha.

Deputadu Abel Pires husi bankada PLP hateten, rekursu opozisaun nian ne’e, kona ba desizaun PPN nian ba OR ne’e, tanba bainhira OR ne’e hetan rejeisaun iha plenária, PPN baixa kedas proposta OR ne’e ba Komisaun C.

“Haree ba potensia konflitu intrese, no haree mós ba rejimentu artigu 59, ha’u hanoin sei furak liu tan, kuandu plenária ida ne’e diriji husi Vise Prezidenti ida, tanba Prezidenti Parlamentu mós sei ko’alia iha plenária, relasiona ho rekursu ne’e,” katak Abel Pires.

Nune’e mós Xefi bankada CNRT, Arão Noe ezije ba PPN atu la’o tuir rejimentu Parlamentu Nasional, tanba rekursu ne’ebé mak opozisaun aprezenta ne’e, bazeia ba rejimentu artigu 99.

“Ami aprezenta rekursu ne’e iha plenária tuir rejimentu hateten, no tuir lolos rekursu ne’e tenki debate kedas iha loron 20 Novembru, maibé Prezidenti Parlamentu mak dada to’o agora,” dehan Arão Noe.

Hatan kona ba kestaun ne’e, Prezidenti Parlamentu Nasional, Aniceto Guterres hateten, rejimentu  ida ne’ebé mak hateten, Prezidenti PN labele diriji meja PN, bainhira iha diskusaun ruma kona ba rekursu.

Lee hotu :   Programa VII Governu la pasa Alkatiri: “Ha’u lakohi aprezenta tan”

Aniceto hatutan, plenária atu diskuti kona ba rekursu ne’e, nia ajenda ona iha plenária, ho razaun atu husu tempu nu’udar autor ba rekursu ida ne’e, nia tenki halo justifikasaun.

“Tanba fundamentu sira ne’ebé aprezenta ne’e, laiha buat ida ho rekejitus admisaun formal akuzasaun, tanba rejimentu mós la fó dalan atu ha’u tenki halo justifikasaun,” katak Aniceto.

Entretantu, iha parte lorokraik, Xefi bankada PLP, Fidelis Magalhães, hatete, Bankada Opozisaun Maioria Parlamentar (BOAMP) konsidera VII Governu minoritariu ne’ebé lidera husi Primeiru Ministru, Mari Alkatiri, tenta desvia públiku ho Orsamentu Retifikativu hodi lakohi aprezenta programa Governu nian ba daruak. Tamba ne’e, PLP konsidera Governu halai husi responsabilidade.

“Governu tenta lakohi lori programa daruak mai PN, ne’e dada tempu,”dehan Fidelis.

Xefi bankada KHUNTO Luis Roberto, la konkorda ho aktu Governu nian ne’ebé tenta politiza sasan ho Orsamentu Retifikativu, tamba la tempu ona atu diskuti. Maibe Governu nafatin ‘ulun to’ hodi la rona opiniaun BOAMP nian tuir rejimentu Parlamentu Nasional no tuir konstituisaun RDTL.

“Governu ne’e hakarak dada tempu, tenta buat oi-oin,”dehan Luis Roberto.

OR ne’e rasik, tuir Ministru Finansa, Rui Gomes, deklara katak, la tempu ona atu ezekuta.cos

Add to Comments Here!!!!

error: Content is protected.
Secured By miniOrange
You might also like:
Governu sei notifika nain ba moru Dolok-Oan

Governu liu husi ekipa Task force...

Governu anterior halo tusan, Governu aktual selu tusan

VII Governu Konstitusional ne’ebe lidera husi...

”Pro Memoria” GMNTV eps 02

Close