JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo: Timor la’os iha krize polítika, maibe krize lideransa

PR Lú Olo: Timor la’os iha krize polítika, maibe krize lideransa

Tuir perspektiva Prezidenti Repúblika(PR) Francisco Guterres Lú Olo, katak, situasaun ne’ebé oras ne’e dadaun la’o hela iha rai laran, la’os tanba krize iha polítika, maibe krize lideransa.

“Joven sira nia intervensaun baku liu ba lider sira mak tenki hamutuk, afinal de konta la’os tanba krize políika, ker dizer ke krize lideransa, ita boot sira bele konkorda ho ha’u liuhusi lia menon ne’ebe ita boot sira hato’o, ne’e katak krize la’os iha polítika, polítika la’o loos no diak hela,”hato’o PR Francisco Guterres Lú Olo, wainhira halo dialogu ho Conselho Nasional Juventudi Timor Leste (CNJTL) ne’ebe kompostu husi lideransa juventudi resistensia, lideransa partidaria no universitaria sira iha salaun Nobre Repúblika Popular China, Palacio Prezidensial Bairu Pite  Dili, relasiona ho tensaun politka iha rai laran, Tersa(5/17).

Conselho Nasional Juventudi Timor Leste (CNJTL) hala’o diálogu ho Prezidente Republika (PR) Francisco Guterres Lú Olo, Tersa-feira (05/12/2017). Foto GMN

Tanba ne’e PR hateten, desde prinsipiu sempre iha hanoin promove dialogu entre lider sira atu bele hamutuk hodi la’o ba oin no garante futuru ida ne’ebe estavel ba jovem sira.

 “Ha’u hatete katak tinan 5 ne’e krusial ba ita katak husik kultura diak ida para atu bele lao ba oin, kultura ne’ebe liuhusi ita nia esperiensia demokratiku rasik durante tinan 15 nia laran. Maski ita foin ukun an durante tinan 15 nia laran, buat loos barak ita halo ona, governu anterior mos halo, parlamentu anterior sira halo, entaun nusa mak ita labele tau hamutuk buat loos sira ne’ebe mak sira uluk ne’e halo tiha ona, hodi sai hanesan kultura, biar ita bele iha sistema ida, biar ita bele iha lei no kontituisaun, ita lao tuir dalan ne’e nafatin, maibe valores sira ne’e hotu ita bele tau iha konsiderasaun, bele ka lae?.hanoin valores sira ne’e hotu mak ita kuda iha ita nia fuan, dalaruma valores sira ne’e hotu, halo ema bele komprende kontitisuisaun diak liutan no laiha interpretasaun ba karuk ba loos, ba a ka ba b nia interes laiha ida.”esplika PR.

Lee hotu :   ALKATIRI: KOLIGASAUN LA’OS ATU FAHE PODER ■Tama Governu tenki aprezenta CV

Iha dialogu ne’e CNJTL mós hato’o rekomendasaun balun ba PR atu fo hanoin nafatin ba lider jerasaun tuan sira atu kaer metin nafatin ba prinsipiu valores ukun an no tane aas interese nasional hodi garante estabilidade nasional.

“Husu ba lider Kay Rala Xanana Gusmão, Mari Alkatiri, Taur,Jose Ramos Horta no Lere Anan Timur atu kaer metin prinsipiu no valores ukun rasik an hodi tane a’as interes nasional no estabilidade nasional. Nafatin ami husu ba PR atu foti desizaun tuir mandatu konstitusional hodi hapara tensaun politika ne’ebe oras ne’e dadaun la’o tuir interese partidaria, grupu, individu hodi la prioritize interes nasional nudar prinsipiu estadu demokratiku. Nafatin ami husu ba lider nasional sira atu sai mata dalan diak ba jerasaun foun sira.”hato’o Prezidenti CNJTL Maria Dadi liuhusi leitura rekomendasaun ba PR.ías 

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-06 Fulan-Dezembru Tinan-2017

JORNAL NACIONAL GMNTV Loron-05 Fulan-Dezembru Tinan-2017

Mari Alkatiri: Mosaun sensura, La’os obstaklu boot ba Governu

Maske Bloku Opozisaun Aliansi Maioria Parlamentar...

Close