JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kontinua funsiona to’o lejislatura foun hahú ”Deputadu IV lejislatura lahetan PV

PN kontinua funsiona to’o lejislatura foun hahú   ”Deputadu IV lejislatura lahetan PV

Sekretariu Jeral Parlamentu Nasional (PN), Mateus Belo, esplika, Prezidente Repúblika, Francisco Guterres ‘Lú Olo’ deside disolve ona Parlamentu Nasionál (PN), maibe deputadu IV lejislatura liu hosi komisaun permanente kontinua hala’o nia knaar to’o mandatu V lejislatura foun hahú.

“PN hetan disolve ona, maibe tuir lei ne’ebé mak iha, Parlamentu Nasionál komisaun permanente mak asegura funsionamentu Parlamentu Nasionál,  númeru deputadu ba komisaun permanente ne’e iha ona, bazeia proporsional pursentu partidu sira nian iha ne’ebé hetan asentu iha parlamentu, maibe agora sei prosesa mak deputadu sira nia naran, maibe komisaun permanente komesa hala’o dadauk nia knaar, tanba ita labele husik parlamentu ne’e mamuk, karik iha buat ruma sira komisaun permanente mak sei rezolve tuir kompetensias,”dehan Mateus Belo ba jornalista iha PN, Segunda(29/01/2018).

Mateus informa, komisaun permanente ne’ebé sei asegura funsionamentu PN ne’e sei diriji husi Prezidente Parlamentu Nasionál ho nia Vise nain rua to’o lejislatura foun hahú nia mandate dahuluk.

Mateus haktuir, deputadu IV lejislatura nian ne’ebé la inklina iha komisaun permanente mós kontinua marka prezensa tuir konsiensia, ka bele deskansa, maibe kontinua hetan salariu no uza fasilidade parlamentu nian to’o V lejislatura hahú nia mandatu, tanba laiha lei ruma atu regula deputadu ne’ebé la inklina iha komisaun permanente.

Sorin seluk, tuir deputadu bankada KHUNTO, José Agostino, katak, estabelesimentu komisaun permanente sei delibera iha plenaria, tanba ne’e depende ba Prezidente PN, Aniceto Guterres nia posibilidade atu dirije plenaria.

Enkuantu membru ba komisaun permanente hamutuk 29, kompostu husi bankada FRETILIN deputadu nain 9, CNRT deputadu nain 10, PLP 4, PD 2 no bankada KHUNTO 1, inklui Prezidente Parlamentu Nasionál ho Vise Prezidente nain rua.

Lee hotu :   PD apoiu PR halo viajen ba rai liur ■ Abel Pires: Antes vizita, PR tenki promulga OJE 2018

Deputadu IV lejislatura lahetan PV

Nune’e mos, Deputadu IV lejislatura sei laiha direitu atu hetan Pensaun Vitalísia (PV), tanba mandatu IV lejislatura la kompleta, hafoin hetan dissolve husi Xefi Estadu.

 Sekretariu Jeral Parlamentu Nasional (PN), Mateus Ximenes Belo, esplika, deputadu sira hala’o nia mandatu kompleta to’o fulan 45 mak foin bele hetan pensaun vitalísia, maibe deputadu IV lejislatura sei iha direitu ba re-integrasaun nu’udar rekoñesimentu ba servisu deputadu nian durante fulan neen.

“Pensaun Vitalísia ne’e, titular ida didika nia an to’o fulan 45 tuir lei, laharé ba lejislatura, tanba ne’e, fulan neen de’it ne’e sira laiha direitu atu hetan pensaun vitalísia, tuir normas ne’ebé mak, inklui iha lejislatura anterior, deputadu ne’eb’e subtitui de’it lato’o fulan 45 ne’e laiha direitu atu hetan pensaun, maibe sira hetan de’it re-integrasaun de’it, tanba sira dedika ona nia an ba Estadu,” Informa Sekretariu Jeral Parlamentu Nasionál, Mateus Ximenes Belo, ba jornalista, iha PN, Segunda (29/01/2018).

 Iha biban seluk, deputadu bankada KHUNTO, José Agostino mós rekoñese, mandatu IV lejislatura lakompleta. Tanba ne’e, maske  nu’udar membru PN laiha hanoin atu eziji direitu ba pensaun vitalísia.

 “Ami laiha ezijensia ba buat sira ne’e, importante liu mak tenke iha solusaun ne’ebé justu, hodi rezolve impase polítika ida ne’e. Tanba ne’e interese ema hotu nian,”dehan Agostino.

Enkuantu, Prezidente Repúblika Francisco Guterres Lú-Olo, anunsia  dissolve Parlamentu Nasionál, iha loron 26 fulan Janeiru ne’e, hodi hakotu impasse polítika entre partidu governasaun no opozisaun.

PN funsiona to’o quintu legislatura

Husi sorin seluk diretor ezekutivu Judicial System Monotoring Programe (JSMP), Luis Oliveira, esplika katak,  membru parlamentu kuartu lejislatura nafatin asumi sira nia kargu nudar deputadu to’o formasaun membru parlamentu quintu lejislatura.

Lee hotu :   TR anunciou resultado do sorteio dos partidos candidatos às eleições

Tuir konstitusaun RDTL artigu 100 konaba disolusaun aliña 2 hakerek,disolusaun parlamentu nasional nian la hamate mandatu deputadu sira nian to’o parlamentu nia reuniaun dalauluk, liu tiha eleisaun subsekuente sira.

Kompetensia komisaun permanente iha periodu ne’ebe parlamentu nasional para hela mak akompaña servisu sira governu nian no administrasaun tuir artigu 102 konaba komisaun permanente.

Luis Oliveira hatete, membru parlamentu sei halao kna’ar hanesan babain to’o deputadu foun iha quintu lejislatura mai. Maibe kona ba sira sei bele halo lei, fiskalizasaun no plenáriu ida ne’e artigu ne’e la hatete klaru.

“Deputadu sira iha para bele haree ba orsamentu ba eleisaun antesipada nian inklui observa servisu CNE no STAE to’o eleisaun remata,”dehan Luis ba jornalista sira iha Colmera, Segunda (29/01).

Tuir lei eleitoral parlamentu nasional numeru 9/2017 artigu 17 hakerek, bainhira Prezidenti Republika halo disolusaun, orgaun administrasaun eleitoral iha loron 60 atu organiza diak liu eleisaun antesipada. Nune’e mos orsamentu, Estadu iha meius hotu atu bele uza rekursu orsamentu ne’ebe iha ou bele empresta husi rai liur para bele sustenta eleisaun antisipada.

“Ita haree situasaun ne’ebe ita infrenta hela ne’e emerjensia, entaun dala ruma eleisaun bele lalais liu, dala ruma la to’o tan loron 60 bele hakat ba eliasaun ona,’’dehan Luis Oliveira.

Prezidente Republika Francisco Guterres Lú Olo deside disolve PN, hodi hakotu impase politika ne’ebe iha. Tanba bloku maioria opozisaun parlamentar ne’ebe kompostu husi CNRT, PLP no KHUNTO kontinua la fo ulun hodi vota kontra ba programa no orsamentu retifikativu ne’ebe setimu governu lori ba PN atu debate.

Durante fulan neen setimu governu moris iha politika inserteza nia laran, tanba ne’e desizaun PR nian ba eleisaun antesipada nudar solusaun diak hodi fo fila poder ba povu atu deside partidu ida ne’ebe mak bele kaer ukun.say/nia

Add to Comments Here!!!!

error: Content is protected.
Secured By miniOrange
You might also like:
CNE aprova ona kalendáriu ES ba eleitor “Alcino Barris: Hakarak vota tuir hela fatin, muda eleitoral

Atu responde Eleisaun Antesipada (EA) ne’ebé...

GRANDE ENTREVISTA Hamutuk ho Sr. Abílio Serano koordenadór AIFAESA nomos Empresariu Nacional Rui Castro

JORNAL NACIONAL GMNTV Loron-29 Fulan-Janeiru Tinan-2018

Close