JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Solusiona polítika atual, BOAMP hakarak liu mak ajenda mosaun sensura

Solusiona polítika atual, BOAMP hakarak liu mak ajenda mosaun sensura

Bloku Opozisaun Aliansa Maioria Parlamentar (BOAMP) hakarak liu mak Prezidenti Parlamentu Nasionál (PPN), Aniceto Guterres Lopes, tenki tau ba ajenda Mosaun Sensura, hodi diskuti iha plenária, atu bele solusiona situasaun polítika inserteza ne’e.

Xefi Bankda CNRT, Deputadu Arão Noé de Jesus informa ba jornalista sira, hafoin hamutuk ho membru BOAMP husi bankada PLP no KHUNTO inklui CNRT rasik, hato’o votus parabens natal no tinan foun 2018 ba Prezidenti Repúblika, Francisco Guterres Lú Olo iha Palásiu Prezidensiál Nicolau Lobato, Kuarta (17/1).

“Ami nia pozisaun deskreve klaru iha mosaun sensura, sé hakarak buka konteudu loloos ne’e iha ne’ebá no razaun saida mak ami aprezenta mosaun sensura ne’e klaru. Ne’ebé agora ami hein de’it ona atu ajenda para bele debate para solusiona tiha situasaun ida agora ne’e. Órgaun másimu Parlamentu Nasionál nian mak plenária, plenária ne’e mak soberanu no la’os iha ema ida-idak nian. Tanba ne’e ami husu ba Prezidenti Parlamentu Nasionál tau ajenda ne’e ba plenária para ita diskuti, ida ne’e mak solusaun ba problema ne’ebé mak iha em relasaun ba tuir prosesu demokrátiku,”hateten Arão Noé.

Bankada Parlamentar (CNRT, PLP no KHUNTO) ne’ebé haman-an iha Bloku opozisaun Aliansa Maioria Parlamentar (BOAMP), ne’e aprezenta proposta tolu mak hanesan, mosaun sensura ba Governu ho intensaun atu sensura ka hamonu VII Governu konstitusionál, proposta ida seluk mak karta rejeisaun ba Orsamentu Retifikativu no karta destituisaun ba Prezidenti Parlamentu Nasionál.

Husi proposta tolu ne’e, karta rejeisaun ba Orsamentu Retifikativu pasa iha parlamentu ho votus a favor 35, kontra 30 abstensaun 0. No karta destituisaun ba Prezidenti Parlamentu Nasionál nian, la ajenda iha plenária maibé Prezidenti Parlamentu Nasionál Aniceto Guterres Lopes haruka ba Tribunal Rekursu hodi halo fiskalizasaun. Entretantu proposta Mosaun Sensura ne’ebé ho karakter atu hamonu Governu ne’e, aprezenta ona meza Parlamentu, tanba ne’e opozisaun kontinua ezjiji ba Prezidenti Parlamentu Nasionál tenki ajenda lalais atu bele tama ba iha diskusaun. Maibé to’o oras ne’e Prezidenti Parlamentu Nasionál seidauk ajenda Mosaun Sensura.

Lee hotu :   PN SEI APROVA VIZITA PR LÚ OLO BA RI

Entretantu membru Bloku Opozisaun nu’udar mós Xefi Bankada PLP, Fidelis Mangalhães hateten katak, iha enkontru ho Prezidenti Repúblika ne’e, membru Bloku Opozisaun Aliansa Maioria Parlamentar sira la koalia konaba kestaun polítika ne’ebé mak oras ne’e dadaun la’o iha PN. Maibé hakarak espresa de’it votus parabéns natal no tinan foun 2018 ne’e bele lori susesu ba PR.

Antes ne’e Bloku Koligasaun ne’ebé kompostu husi partidu FRETILIN no PD mós hato’o ona votus parabens natal no tinan foun ba PR.

To’o nutísia ne’e fó sai, GMN seidauk hetan konfirmasaun husi Prezidenti Parlamentu Nasionál (PPN) Aniceto Guterres Lopes, konaba razaun la ajenda mosaun sensura ne’ebé mak BOAMP aprezenta ba meza Parlamentu.ías

Add to Comments Here!!!!

error: Content is protected.
Secured By miniOrange
You might also like:
Lere: Uza kilat ilegal lalika mehi halo funu

Xefi Estadu Maior F-FDTL, Major Jeneral...

BK akuza BOAMP la kolaborativu ■BOAMP konsidera BK manobra povu

Bloku Koligasaun (BK) husi FRETILIN no...

Telkomcel sei instala fiber optic husi Atambua

Kompañia operador telekomunikasaun husi Indonezia, Telekomcel...

Close