JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fahe kadeira AMP depende líder partidu 3

Fahe kadeira AMP depende líder partidu 3

Kolokasaun kadeira ba lejislatura no ezekutivu, depende ba konsensu líder partidu tolu (CNRT, PLP no KHUNTO) ne’ebé inklina iha bloku koligasaun Aliansa Mudansa ba Progresu (AMP) nian, bainhira iha ona rezultadu eleisaun antesipada, dehan deputadu PLP, Fidelis Magalhães ba jornalista iha Parlamentu Nasionál (PN), Segunda (26/02/2018).

Tuir Vise-Prezidente PLP ne’e, AMP luta atu hetan vitoria, hodi ultrapassa situasaun polítika aktual, maibe la’os ba interese partidu ida-idak nian.

“Hanesan iha ami-nia akordu dehan ona, laiha problema relasaun ho lista nian, ami la preokupa ho ida ne’e, lista ba deputadus ne’e, depois  mak bazeia ba konsensus de’it, ne’eduni kompozisaun primeiru 35 kadeiras nian, sei bazeia ba CNRT 22, PLP 8 no Khunto 5, depois de 35 ne’e mak fahe fali ba 19 ba CNRT, PLP 18 no Khunto 18, tanba ne’e laiha preokupasaun ho lista,”Fidelis haktuir.

Nia hateten tan, líder partidu 3 hanesan Kay Rala Xanana Gusmão, Taur Matan Ruak, no José naimori sei foti desizaun tuir konfiansa votantes nian.

“Ami hotu iha ne’e, atu asegura buat ida de’it, mak vitoria ba AMP, ne’ebé ami seila preokupa ho lista, tanba lista 1 to’o 3 ne’e iha tiha ona, 4 to’o 35 ba leten ne’e, desizaun ba konsensu ami nia lideres másimu sira partidu nian, hodi deside konaba kompozisaun ida ne’ebé diakliu, atu bele asegura konfiansa votantes nian, ne’eb’e desizaun final ne’e sei mai husi konsensu líder tolu ne’e nian, sekarik mak dehan PLP ikusliu mós ami lapreokupa, maibe ami hatene katak 35 kadeiras ne’e vitoria serta, ami konfia ida ne’e,”dehan Fidelis.

Líder Polítiku PLP ne’e garante,  ho mekanizmu ne’ebé mak bloku ne’e iha, AMP nia kadeira sei la tun iha Eleisaun Antesipada (EA).

Lee hotu :   PR Lú Olo: ‘Estadu seidauk garante direitu sosiais’

“Ami la uza mekanizmu komplikadu, maibe ami-nia mekanizmu ne’e bazeia ba konfiansa entre parte hirak ne’ebé involve iha AMP, ami AMP nia kadeiras ne’e ami garante 40 ba leten, maibe tun ba 25 ba kraik ne’e susar, maibe tanba demokrasia, entaun desizaun iha povu nia liman, ne’ebé 25 ou 10 mós posivel, bazeia ba servisu no konfiansa ne’ebé partidu 3 ne’e hatudu tiha ona, maibe ami lafiar atu tun to’o 25, ami nia akordu ne’e simples, no ami nia lista ne’e, bazeia ba boa vontade husi parte tolu nian,”Fidelis subliña.

Líder PLP ne’e informa, AMP sei tun baze ho programa no líderansa hotu, tanba programa mesak sei la garante mudansa ba povu.

“Imposivel ba ami tun ba baze la lori programa, partidu hotu iha nia programa, lideransa ne’e aspeitu ka xave ida, ba prosesu harí nasaun no harí estadu, maibe ami mós hatene katak, programa diak de’it lato’o, tanba ne’e lideransa mós tenke diak, maibe lideransa mak diak de’it mós lato’o, tenke iha programa ne’ebé di’ak, maibe AMP iha buat rua ne’e hotu, lideransa no programa diak, agora ne’e momentu oportunu para ami sai nain ba ami nia programa hodi implementa rasik, tanba antes ne’e mós entre partidu 3 ne’e, partidu CNRT perna ukun tiha ona, ne’ebé CNRT fila fali ho nia programa rasik, diferente mak agora kombina hamutuk, programa  PLP no KHUNTO nian, hodi sai na’in rasik ba programa,”esplika líder PLP ne’e.

Alende ne’e, deputadu KHUNTO, José Agostino mós reforsa, kuadrus AMP sei esforsu maka’as hodi garante kadeira 35 iha PN.

Lee hotu :   STAE rekomenda total eleitor 784, 286 ba Gráfica Nacional

“Ami AMP iha konjuntura polítika ne’ebé mak forte, kompozisaun ba lista kompetensia ami-nia superior sira nian, ami partidu ne’e prontu para submete desizaun saida mak sira líder nain tolu sei foti, tanba ita esforsu an hodi luta lai, atu garante ami nia kadeiras ida 35 ne’e, labele halo espekulasaun lai, agora nia atividade partidu nia la’o hela para oinsa mak bele susesu iha EA,” haktuir sekretariu jeral KHUNTO.

Antes ne’e, hafoin Prezidente Repúblika, Francisco Guterres ‘Lú-Olo’ dissolve Parlamentu Nasionál iha loron 26 fulan Janeiru liu ba, Xefi Estadu mós anunsia ona eleisaun antesipada sei realiza iha loron 12, fulan Maiu, tinan ne’e.

Kampaña eleitoral rasik sei hahú iha loron 10 fulan Abril to’o loron 9 fulan Marsu tinan ne’e.Say

Add to Comments Here!!!!

error: Content is protected.
Secured By miniOrange
You might also like:
Total numeru eleitor sei fo sai hafoin resensiamentu

Diretór Jeral Sekretariu  Tekniku Administrasaun  Eleitoral...

FRETILIN lakohi sosa kadeira iha Audian

Foto:GMNTV Sekretariu Jeral partidu FRETILIN, Mari...

Padre Martinho: “Ha’u husu lelaun kareta ba Xanana lao’s apoiu kareta”

Tribunal Distrital Dili (TDD), Segunda (...

Close