JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu laiha kompetensia altera lei ■Branco:Ne’e la’os lei

Governu laiha kompetensia altera lei ■Branco:Ne’e la’os lei

Deputadu bankada CNRT, Arão Noe, hatete, Governu ne’ebé lidera husi Primeiru Ministru, Mari Alkatiri, laiha kompetensia atu halo dekretu lei ruma hodi altera lei ne’ebé ezisti, maibe Parlamentu Nasionál (PN) mak iha kompetensia atu halo.

“Governu bele halo mak proposta de lei lori mai PN, depois PN mak sei aprova, Governu labele halo dekretu lei para altera lei, ne’e laiha dalan,”dehan deputadu CNRT, Arão Noe ba jornalista iha, PN, Kinta (15/02/2018), relasiona ho deklarsaun Primeiru Ministru, Marí Alkatri nian, kona-ba Governu ida ne’e atu halo alterasaun lei eleitoral ho dekretu lei.

Lejislador ne’e konsidera, aktu Governu nian ne’e, nu’udar abuju poder, no viola regras normais ne’ebé iha.

“Tuir ita nia lei aktual konaba eleisaun parlamentar, lei nú 6/2008, lei eleitoral para o eleisaun parlamentar, iha artigu 41, iha númeru 1 hateten, iha territoriu laran, vota tuir fatin ne’ebé rejistu eleitoral ba,  se atu muda ne’e, tenke altera lei, maibe ami rona fali PM dehan dekreta lei mak atu altera fali lei ne’e, ne’e ita sala bo’ot, tanba ne’e ita viola ona regras normais iha Estadu direitu ne’e, se hanoin hakarak mudansa sira ne’e, tenke altera lei ne’e, se altera lei ne’e kompetensia Parlamentu nian,”esplika Arão.

Arão afirma tan, Komisaun Permanente (KP) bele halo alterasaun lei, tuir artigu 102, kompetensia  KP nian, no bele konvoka sesaun plenaria.

“Iha dalan nakloke ba ida ne’e, la signifika PN dissolve laiha ona kompetensia, interpretasaun hanesan ne’e sala. Tanba iha artigu 100 konstituisaun alinea 2 hateten, PN ne’e sei funsiona nafatin to’o sesaun primeiru plenaria lejislatura foun nian, tanba ne’e kompetenesia KP nian tuir K-RDTL mós hateten, iha dalan atu halo kontrola no akompaña ba atividades Governu, relasaun atividades interese nasionál, inklui alterasaun ba lei sira, bele konvoka plenaria estra-ordinaria ba debate,”Arão subliña.

Lee hotu :   Mariano Assanami: Ukun ne’e povu nian, presiza hamutuk ■PM Alkatiri kontaktu José Neves

Relasiona ho preokupasaun ba lei eleitoral ne’e, deputadu husi KP, hanesan bankada CNRT, PLP no KHUNTO, hatama ona projetu lei ida ba Prezidente Parlamentu Nasionál (PPN), Aniceto Guterres atu halo alterasaun.

“Ami hatama tiha ona projetu de lei ida para halo alterasaun ba lei eleitoral parlamentu nian, maibe to’o agora Prezidente Parlamentu seidauk admiti no seidauk ajenda, se preokupasaun ne’e mak sai prioridade duni, entaun mai ajenda projetu lei ne’e para ita hodi diskute, maibe labele tenta altera lei ho dekretu lei, maibe ne’e kabe ba PPN tenke iha boa fé, para bele konsidera sasaan sira ne’e, labele husik Governu halo abuju de poder, hodi interpreta katak, lori dekretu lei, bele altera lei ida, se ida ne’e akontese, nia impaktu ne’e bo’ot ba rezultadu eleisaun, tanba se ema ruma lori ba Tribunal, bele inválida total rezultadu ne’e,”informa Arão.

Sorin seluk, tuir deputadu bankada FRETILIN, Francisco Miranda Branco, hateten, dekretu lei hanesan tékniku, ne’e la’os lei, tanba ne’e kompetensia ezekutivu nian.

 “Dekreta lei ne’e, em termos tékniku, ne’e la’os lei, tanba dekretu lei, teknikamente iha ezekutivu nia kompetensia, PN nian mak liña jeral, tanba teknikamente atu implementa ne’e iha ezekutivu. Tanba ne’e, ezekutivu mak atu determina oinsa iha kondisoens ne’ebé diakliu atu halo nível partisipasaun vota ne’e as, atu nune’e votantes mós lalika gasta osan barak, tanba ne’e mak agora dadaun Governu esforsu hela, maibe la’os lei. Liu hosi dekretu lei atu bele hamosu tan estasaun votus balun, tenta mós estuda oinsa para koloka tan urnas iha Dili, hodi fasilita ita nia estudante sira, atu labele dezloka ba sira nia Munisípiu atu vota, tanba sira nia dezlokasaun ne’e mós presija despezas,”Francisco esklarese.

Lee hotu :   Governu rezeita uza patrimoniu Estadu ba politika

Francsico dehan tan, dekretu lei ne’e importante tebes, tanba bele fasilita votante sira atu vota iha kualker fatin, liu-liu ferik no katuas, inklui defisientes.Say

Add to Comments Here!!!!

error: Content is protected.
Secured By miniOrange
You might also like:
Halo oan monu, fen matan metan

Tribunal Distrital Dili halao julgamentu ba...

Asegura kampaña EA, ParPol labele mobiliza masa husi munisípiu

Atu labele mosu aktus krimi no...

Governu gasta US$ 175 mil sosa tinta EA husi India

Governu liu husi Ministériu Administrasaun ESTATAL,...

Close