JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konsidera prezensa iha FDD illegal, Kuadrus FM sei hato’o keixa ba TR

Konsidera prezensa iha FDD illegal, Kuadrus FM sei hato’o keixa ba TR

Membru Komisaun Polítika Nasional Partidu FRENTI Mudança (FM), lamenta tebes ho polítika Prezidenti Partidu FM, José Luis Guterres iha FRENTI Dezenvolvimentu Demokrátiku (FDD). Tanba ne’e, membru KPN partidu FM sei hato’o keixa ba Tribunal Rekursu (TR), kona ba prezensa FM nian iha FDD ne’e.

Membru KPN partidu FM, Luciano Conceição, informa katak, iha semana hirak liuba, Prezidente partidu FRENTI Mudança, José Luis Guterres ho Vise Prezidenti Ijidio de Jesus, no Seretáriu Jeral FM, Ricardo Cardoso Nheu, hili dalan ba hamutuk ho partido seluk hodi forma FDD, laiha koñesimentu no laiha autorizasaun ka reuniaun nivel interna partidu FM nian.

“Wainhira Prezidenti Repúblika dekreta eleisaun antesipada, CNE ajenda kona ba eleisaun  ninian ba partidu bloku ka aliansa ba rejistu iha Tribunal Rekursu, ami enkuantu aprejenta keixa ba Tribunal Rekursu,  FDD hela ho naran. Ami sei husik prosesu la’o lai, uluk Indonesia iha ita nia rain tinan 24 ilegal, ami lakoi ami nia partidu FM halo fali aktividade ilegal ho partidu seluk,”hateten Luciano Conceição ba jornalista sira liu husi konferensia imprensa, Sabadu (03/02).

Nia hatutan, kuadrus partidu FM sei la tolera kualker atu illegal husi membrus FM,  tanba aktus illegal ne’e, hatun dignidade partidu.

Eleisaun antesipada Prezidenti Repúblika seidauk dekreta, semana kotuk Prezidenti disolve Parlamentu Nasional to’o ohin loron Jornal da Repúblika seidauk anunsia, ne’e katak, desizaun Presidenti Repúblika sei illegal hela.

“Tanba illegal hela ami seidauk bele fó estetmentu ba ne’ebé los, maibe klaru ami sei fó apoiu ba kritéria ne’ebé mak ami iha. Joven hanesan ita karik ita komprende, tanba esperensia se  menus mas eis xefi delegasaun externa FRETELIN naran José Luis Guterres, fundador ASDT FRETELIN, eis Vise Primeiru Ministru Timor Leste tinan 5 mak halo aktu illegal, halo moe liu povu Timor,” relata Luciano.

Nia afirma, nu’udar kuadru FM ne’ebé mós partisipa aktivamente iha FRENTI diplomátiku, ho ha’u nia belun sira, ha’u sente moe, lider nasional fó exemplu aat ba povu Timor Leste em jeral.

“Ba ami ne’ebé mak durante ne’e hakilar iha justisa nasional, ami laiha toleransia ba ami nia kolega se deit, laiha limite nia halo sala ami kontra nia halo diak ami apresia,” katak Luciano.

Lee hotu :   STAE rekomenda total eleitor 784, 286 ba Gráfica Nacional

Nia mós afirma, iha estatutu FRENTI Dezenvolvimentu Demokrátiku ne’e,  poder bo’ot liu iha Agustinho Tinolina nia liman.

“Horseik ami rua hasoru malu, ha’u husu kestaun ida ne’e nia rasik hateten, prezensa José Luis Guterres iha eventu AMP nian iha Hotel Novo Turismu ne’e illegal, FDD laiha konesimentu, entaun José Luis Guterres abitua ona, halo illegal iha ne’e, halo mos illegal iha fatin seluk, ami sei bolu nia José Luis Guterres illegal,” relata nia.

Nia salient, hahalok ne’ebé Prezidenti José Luis Guterres ho nia Vise no Sekretáriu Jeral halo ne’e, nu’udar aktu ne’ebé sériu kontra estatutu partidu FM nian.

“Loron tolu ka ha’at liu ba, Vices Prezidentess nain rua, kamarada Victor da Costa no kamarada Vicente Maubusi hamutuk ho kamaradas balun, fila hikas ba partidu FRETELIN. Aktus ne’ebé Vise Prezidenti nain rua ho kamaradas sira seluk halo, nu’udar direitu sivil  no direitu polítiku sidadaun Timor ida idak nian, ami respeitu laiha problema. Ba ha’u nia kamarada sira ne’ebé mak ohin loron hamutuk ho FRETELIN ami agradese no ami fó parabens ba sira, tanba ida ne’e ami la kestiona buat ida,” tenik nia.

Ho razaun hirak ne’e, Luciano hato’o ba publiku,  nomós ba militantes simpatizantes partidu FM katak, sira sei mantein  oposizaun hodi partidu FM kontinua eziste.

“Ho eleisaun antesipada ne’ebé ita sei infrenta, iha fulan hirak mai ami deklara katak, partidu FM sei fó apoiu total ba partidu ka aliansa ne’ebé lidera husi figura rezistensia, ho razaun seluk figura ne’ebé bele garante governativa la’o ho diak. Apela mós ba militantes no simpatizantes FM hotu katak, hakmatek i wainhira realizasaun eleisaun antesipada hotu, ita sei organiza fila fali ita nia partidu hodi bele la’o hanesan mós partidu sira seluk,” katak Luciano.

Timor Leste liu husi prosessu oi-oin, uluk luta ba ukun aan ne’e,  ema balun luta oituan, no balu balun la konsege luta to rohan, nune’e mós iha nia istória rasik.

Lee hotu :   [:pt]Estabilidade governativa, Lere: Diak liu fó ba maioria[:id]Estabilidade governativa, Lere: Diak liu fó ba maioria[:en]Estabilidade governativa, Lere: Diak liu fó ba maioria[:tl]Estabilidade governativa, Lere: Diak liu fó ba maioria [:]

“Ami mai husi FRETILIN, diverjensia iha FRETILIN ami ses, hamutuk ho  CNRT iha 2007 to’o dalan klaran ami ses. Tanba saida mak ami la mantein, tamba sira rende lalais ba partidu seluk, sira laiha objetivu atu liberta rai ka liberta povu. Sira nia objetivu para oinsa hetan posizaun lalais, oinsa para bele hetan fasilidade Estadu lalais, no oinsa para bele fas parte ba kolonialista foun ne’ebé kontinua existe iha ita nia rain,” katak Luciano.

Nia haktuir, kuaze partidu bo’ot hotu iha Timor laran iha lider históriku hotu, maibé entre lider históriku sira ne’e, balun lider históriku ne’ebé naran morin deit iha Timor laran, maibé balun naran morin iha Timor nomos rai liur.

“Tamba ida ne’e ami sei fó ami nia apoiu ba lider históriku ne’ebé naran morin iha rai laran no rai liur, lider ida ne’ebé mak la’os luta deit ba ita nia independensia uluk, mas to’o ohin loron ita nia independensia seidauk kompletu, ita nia soberania Estadu, fa’an ba Australia ba tinan 50 iha 2006 ohin loron lider ne’e luta nafatin oinsa para kompleta ita nia integridade  territorial. Ami lahatene atu apoiu se? tanba iha FRITELIN Mari Alkatiri dehan, atu dada fali kadoras ba fali iha Australia ne’eba, i ami nia kamarada sira ba ona iha FRITELIN, ami fó parabens se ami mak ba karik ami ba ona iha ne’eba ho sira, mas laiha,” relata Luciano.

Prezensa FM iha FDD la’os ilegal

Iha parte seluk, konselleiru partidu FM Munisípiu Dili, Daniel Perreira rezeita akuzasaun ne’e hodi hateten katak, prezensa FM iha FDD ne’e legal tamba hetan apoiu máximu husi estrutura FM husi Munisípiu 12, inklui Rejiaun Administrativa Espesial Oe-cusse Ambeno.

Daniel hatutan, bazeia ba deklarasaun polítika interna partidu FM nian, ne’ebé públiku tomak akompaña kona ba grupu renovador FRETILIN, lidera husi Vise Prezidenti nain rua partidu  FM, ne’ebé fila hikas ba FRETILIN iha loron 02/02 tinan ida ne’e, no membru Komisaun Polítika Nasional balun halo protesta ba lider máximu partidu FM, kona ba desizaun partidu FM nian hodi hamutuk ho Partidu PUDD, UDT, PDN no PR hodi hari’i no funda FRENTI DEZENVOLVIMENTU DEMOKRÁTIKU (FDD).

Lee hotu :   Deside ba EA PR Lú Olo: Povu maka bele rezolve impase polítika

“Ho nune’e ami hakarak hato’o ami nia deklarasaun hanesan grupu renovador fila hikas ba FRETILIN, ami konsidera ne’e direitu pesoal ema ida-idak nian. Ba militantes ka kuadrus ne’ebé hetan kargu iha partidu laran ne’ebé halai ona ba partidu seluk etikamente tenki submete karta resignasaun ba partidu FM,” hateten Daniel Perreira ba jornalista sira liu husi konferensia ba imprensa iha sede partidu FM Vila Verde Dili Sábadu (10/02).

Estrutura FM Munisípiu Dili sei firme nafatin ho lideransa máximu partidu FM aktual ne’ebé lidera husi Prezidenti José Luis Guterres no Sekretáriu Jeral Ricardo Cardoso Nheu.

“Ba kuadrus FM ne’ebé krítika lider FM liu husi média kona ba desizaun FM nian hodi hamutuk ho partidu 4 seluk iha FDD, liu husi biban ida ne’e ami hakarak hato’o pontus hirak tuir mai, katak desizaun partidu FM hamutuk ho partidu 4 seluk hodi harí FDD liu hosi desizaun ho prosesu hanesan enkontru diresaun nasional, maioria deside no konkorda atu hamutuk ho FDD,” katak Daniel.

Enkontru nivel kordenador Munisípiu 12, inklui Rejiaun Administrativa Espesial Oe-cusse Ambeno, hotu-hotu apoiu desizaun partidu nian.

Ikus liu desizaun membru komisaun polítika nasional representa ema nain 5 kada Munisípiu hotu hotu afavor ba desizaun partidu nian.

“Ho nune’e ami hakarak hato’o ba públiku espesialmente ba kuadrus militantes partidu FM nian katak deklarasaun grupu kiik oan ne’ebé halo krítika ba desizaun partidu nian ne’e sala no lalos, (Baseless and Nonsense)”

Estatutu partidu FM artigu 11 konsagra ona liberdade no krítika de opiniaun, maski nune’e maneira hato’o krítika no opiniaun tenki ho étika.

Partidu FM rekuiñese ninia membru sira nia direitu, opiniaun, krítika no autokrítika maibe eziji respeitu ba desizaun Demokrátiku tuir estatutu partidu nian.cos

Add to Comments Here!!!!

error: Content is protected.
Secured By miniOrange
You might also like:
TR simu ona pedidu halo auditoria ba RAEOA

Tribunal Rekursu (TR) dau-daun ne’e simu...

Missa Kuarta-feira Sinzas, Hakribi sala fiar iha Envangelho

Igreja Katólika Mundo tomak inklui Timor-Leste,...

JORNAL NACIONAL GMNTV Loron-14 Fulan-Fevereiru Tinan-2018

Close