JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Timor-oan protesta Embaixada Portugal

Timor-oan protesta Embaixada Portugal

Timor-oan hamutuk 3000-resin manifesta sira nia insatisfasaun hasoru Embaixada Portugal (EP) iha Dili tanba laiha informasaun ida serteza kona-ba prosesu sertidaun narativa atu bele hetan Bileti Identidade (BI) para bele fasilita halo passaporte Portugal.
Timor oan rihun ona mak hetan Passaporte Portugal nian liu husi Embaixada Portugal nian mai Timor-Leste no maioria husi Timor oan hirak ne’e utiliza pasaporte Portugal hodi ba buka serbisu iha Irlanda no Englatera.
Iha Kuarta (28/02/2018), tuku 10:00 OTL, Timor ona lubun ida ne’ebe maioria idade jovens hobur no halo protest hasoru Embaixada Portugal iha Dili tanba la fo informasuan klareza sobre prosesu trata sira nia dokumentus Narativa nian.
Laurentino Tavares nudar portavos Timoroan ne’ebe sai mos vitima ba prosesu dokumentus atu sai sidadaun Portugal, hateten, nia parte hatama ona dokumentus no hetan vistu iha embaixada maibe to’o oras ne’e dadauk laiha rezultadu.
“Momentu ami mai vistu sira promote dehan fulan nén, maibe to’o agora tinan tolu ho balun tiha ona tama ba tinan hát,rezultadu laiha, to’o ikus ami tenke mai ejiji nafatin,” hateten Laurentino Tavares.
Laurentino ho lian maka’as dehan prosesu ba dokumentus sira la iha solusaun pozitivu ba sira, sira sei organiza halo manifestasaun pasifika ne’ebe bo’ot to’o hetan solusaun.
Laurentino mos dehan halo’o manifestasaun ne’e laiha ligasaun ho politika satan kona-ba partidu politiku ruma, maibe ejiji dereitu ba prosesu dokumentus atu hetan sertidaun narativa.
Iha fatin hanesan, Reinaldo Pereira dehan tanba seida Timoroan barak sai vitima embaixada Portugal iha Timor Leste tanba, prosesu hotu ami konklui hodi to’o mai embaixada Portugal hodi vistu maibe to’o ikus fali dehan pendenti.
“Ami mai iha ne’e hakarak ejiji, ami hakarak sai nasionalidade portuguesa, liu husi prosesu hotu to’o mai iha embaixada hodi hetan vistu no ami selu taxa ho US$ 127,87 cent, kada ema ida,” informa Reinaldo Pereira.
Reinaldo hatutan katak iha prosesu pendenti ne’e parte embaixada la informa buat ruma, husu klarifikasaun mos sira dehan pendent laiha razaun, agora pendenti tanba dehan dokumentus balun la lo’os tuir lolos sira hato’o kedas antes selu.
“Sira hatene katak lo’os ona mak sira vistu, depois ami halo pagamentu ba Embaixada Portugal sira tenke hatene ida ne’e, depois desidi tiha data ne’ebe sertidaun narativa ne’e atu ami dehan pendenti razaun ne’e seida, ami mai hamutuk iha ne’e atu husu klarifikasaun,” hatene Reinaldo.
Iha asaun manifestasaun ne’e hetan intervensaun autoridade seguransa Polisia Nasional Timor Leste (PNTL) Munisipiu Dili husi ekipa Taskforce.
Jornalista GMN koko konfirma asuntu refere ba Embaixador Portugal iha Timor Leste, maibe portaun Embaixada nian taka ba publiku, inklui media atu asesu tama to’o embaixada laran. eus

Lee hotu :   AMP hetan vitoria iha EA, Xanana: “Ha’u lá ba ukun”

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-28 Fulan-Fevereiru Tinan-2018

HABURAS VIDA ESPIRITUAL Eps12

JORNAL NACIONAL GMNTV Loron-27 Fulan-Fevereiru Tinan-2018

Close