JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana hakerek karta ba PR Lú Olo •Husu fo rekonhesimentu ba advogadu ne’ebe defende TL

Xanana hakerek karta ba PR Lú Olo •Husu fo rekonhesimentu ba advogadu ne’ebe defende TL

Xefe Negosiador Prinsipal ba Negosiasaun Delimitasaun Fronteira Maritima, Kayrala Xanana Gusmão, haruka ona karta ba Prezidente Repúblika (PR), Francisco Guterres “Lú Olo”, atu lori Estadu no povu Timor Leste nia naran fo kondekorasaun ka rekoñesementu ba ekipa advogadu internasional ne’ebe fo advokasia ba lala’ok negosiasaun fronteira maritime to’o nia rohan.

Xanana mos esklarese katak,  to’o agora nia seidauk simu apresiasaun ou liafuan agradesementu ida husi Governu, tantu verbal no eskrita, hafoin asina tiha akordu ba Fronteira Maritima ho Austalia iha loron 6 fulan Marsu, foin lalais ne’e, iha Noiva Iorke.

Xanana Gusmão deklara lia hirak ne’e “Seidauk simu, maibe dala ruma imi dehan katak hau maka iha ne’eba maka imi bolu maun, avo, tiu, hau seidauk simu agradementu ne’e, mas hau hakerek tiha ona surat ida ba Prezidenti Republika, husu katak em nome do povu ita tenke husu agradese ba advogadu sira ne’ebe defende ita, no ba ekipa tomak servisu hodi ita manan,” hateten Xanana Gusmão, liu husi konferensia ba imprensa ne’ebe halao  iha sede nasional partidu CNRT, Domingu (11/03/2018)

Husi sorin seluk, Portavoz Governu, Matias Boavida, hateten, falta komunikasaun, tanba ne’e Governu la organiza hodi simu xefi negosiador Xanana Gusmão iha Aeroporto Internasional Prezidente Nicolau Lobato.

“Razaun primeiru maka, ami lahatene, maibe ami iha membru Governu nain hat hanesan, Ministru do Estado nain rua, Rui Gomes no Mariano Asanami no Ministru Negosio Estranjeiro, sira ba em nome Governu hodi hasoru xefi negosiador,” klarifika Matias Boavida ba jornalista sira iha Palacio do Govoverno, Segunda (12/3/2018).

Matias Boavida dehan, ema barak maka partidariza asuntu nasional no falta komunikasaun ba asuntus sira nasional nian.

Lee hotu :   PD sei hadi'ak portu no masin fatuk Laga sai fatin turístiku

“Falta komunikoens entre ami, dala wain ema barak liu politiza buat hot-hotu ne’ebe kestaun nasional ka kestaun Estado ba fali asuntu partidu, tanba ne’e maka ami nia membro Governu nain 4 deit maka ba, maibe kuandu komunikasaun diak ne’e oinseluk, lolos ne’e hau tenke hatene, falta komunikasaun buat hotu baralha,” afirma Matias Boavida.

Akordu delimitasaun fronteira maritima entre Australia ho Timor-Leste asina direitamente husi Adjuntu Primeiru Ministru Asuntu Fronteira Maritima, Hermenegildo “Agio” Pereira ne’ebe reprezenta Governu Timor Leste ho Ministra Negosio Estranjeiro, Julia Bishop, resprezenta Governu Australia no Sekretario Jeral ONU António Guterres, sai nudar testamuña. mia

Add to Comments Here!!!!

error: Content is protected.
Secured By miniOrange
You might also like:
FC. Academica lansa farda foun

Futeból Clube (FC) Academica lansa farda...

Kobertura especial chegadas Xefé Negosiadór Prinsipal Kay Rala Xanana Gusmão

PNTL ho F-FDTL fó seguransa máximu ba Xanana

Polisia Nasionál Timor-Leste (PNTL) ho FALINTIL...

Close