JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FDD harii hodi responde povu nia halerik

FDD harii hodi responde povu nia halerik

Koligasaun Frenti Dezemvolvimentu Demokratika (FDD) eziste atu responde povu nia halerik. Tuir FDD katak, durante ne’e povu kontinua halerik tanba politika sira hola desizaun barak la tuir kondisaun moris povu nian iha area rurais.

Liu husi serimonia tomada de posse ba estrutura FDD iha suku 8 ne’ebe pertensia ba Posto Administrativu Letefoho, Munisipiu Ermera, Domingu (1/4/2018), Prezidenti Konseileiru no Komisariu Politika Nasional FDD, Agostinho Gomes, aprofunda katak, FDD harii hodi solusiona preokupasaun povu nian ne’ebe durante kontinua halerik ba bé mos, Estrada no Eletrisidade.

“Razaun mak ne’e iha buat barak mak seda’uk hadia ita presija hadia pronto Governu uluk la halo, halo mos maibe tuir lolos tenke halo liu ida ne’e no buat barak tenke hadia, tanba ne’e mak FDD mosu para hadia, hau hanoin Estrada, tanba 87 Aldeia ha’u tama ona, preokupasaun boot liu povu nian mak Estrada ba area rurais, Beé mós ho Eletrisidade,” hateten  Agostinho Gomes.

Iha seremonia tomada de posse ne’e strutura sira lé termu de posse hodi jura ba rai lulik, foho lulik, uma lisan no maromak, ba sira ne’ebe mak trai juramentu ne’e sei hetan konsekuensia husi juramentu ne’e.

Agostinho hateten, ho tomada de posse ne’e hametin liutan strutura sira iha baze hodi hasoru eleisaun antesipada, tanba ne’e mak FDD servisu hodi hetan vitoria iha eleisaun antesipada.

Iha fatin hanesan, Coordenador FDD Munisipiu Ermera, Manuel de Jesus fiar aan katak hamutuk ho estrutura tomak munisipiu ermera nian sei hetan vitoria iha eleisaun antesipada.

“Ami prontu bele kompete iha eleisaun antesipada. Ami mos garante ami sei hetan susesu no kompete ho maluk partidu sira hodi tuir ami votus sira durante ne’e inisiu hela ba partidu bo’ot balun sira, no ami garante liu bareira ne’ebe determina husi Governu ka Estadu,” hateten Manuel de Jesus.

Lee hotu :   Programa ba tinan 5, AMP sei aprezenta ba povu iha kampaña

Tomada de posee ba estrutura Postu Administrativu Letefoho ho suku walu ne’e, suku lima hala’o iha suku Haupu, no suku tolu hala’o iha suku katerai leten, tomada de posse ba strutura suku walu ne’e kompostu husi suku Haupu, Suku Gololo, Suku Lauana, Suku Hatugau, Suku Kalau, Suku  katerai Leten, Suku Dukurai, suku Katerai Kraik. Eus

Add to Comments Here!!!!

error: Content is protected.
Secured By miniOrange
You might also like:
HAK husu Parpol labele involve labarik iha kampanha

Asosiasaun HAK husu ba partidu politiku...

Estrada Letefoho-Atsabe difikulta transporta material EA

Estrada diresaun Postu admnistrativu Letefoho to’o...

Lere: Bele mosu invensaun iha kartaun eleitoral

Xefi Estadu Maior F-FDTL, Major Jeneral...

Close