STAE deskute sigla parpol no imprimi buletin votus

Secretario Teknico Administrasaun Eleitoral (STAE), Tersa ohin (10/42018), deskute ho partidu politiku (PARPOL) hodi halo apresiasaun ba sigla no mos hahu  halo imprimi vuletim votus ba eleisaun antesipada (EA) nian.

Direktor Jeral STAE, Acilino Branco informa katak, emblema sigla partidu hanesan  partidu haat no koligasaun haat konkare iha eleisaun antesipada aprezenta  ona ba STAE no hein  parpol   halo aprova.

“Ita sei hasoru malu ho parpol  hodi apresia modelu ne’ebe mak iha , Liu liu atu hare parpol  konkorda sira ninia naran partidu  sigla emblema ka bandeira lori ba CNE hodi halo aproba ikus, depois  hamutuk ho sira ba  iha grafika Nasional hodi halo imprimi buletin votus ba iha eleisaun antecipada (EA) ”,informa Direktor Jeral  STAE, Acilino Manuel Branco ba jornalista iha  nia kna’ar fatin, Caicoli, Dili, Segunda (9/4/2018).

Oras ne’e dadauk tekniku sira sei halo ajustamentu kona-ba modelu voletin votus no sei apresenta ba partidu politiku. Maibe sei rona mos opiniun husi  parpol.

Nia hateten, modelu vuletin votus parese sei la se’es ho modelu anterior, tanba iha mos koligasaun foun no tenke ajusta kona-ba sigla ka bandeira husi koligasaun partidu sira konkore ba  EA. Ety