Taur: Ha’u ho Xanana mak nain ba Veteranus

Portavoz Aliansa Mudansa ba Progresu (AMP), Taur Matan Ruak, hatete, nain ba Veteranus  uluk mak saudozu Francisco Xavier do Amaral no Nicolau Lobato, maibe lider nasional nain ruan ne’e  mate, nain ba Veteranus  agora mak Kay Rala Xanana Gusmao, ho  Taur Matan Ruak.

“Iha Timor ne’e  Veteranus nia nain mak  se Avo Xavi mate tiha, Nicolau mate, Xanana Gusmao, Taur Matan Ruak, Veteranus barak koalia, uluk  iha ailaran  ami nain rua  mak ukun sira,”dehan Portavoz Aliansa Mudansa ba Progresu (AMP), Taur Matan Ruak, iha mini kampaña ne’ebé hala’o iha Postu Administrativu Turiscai Vila, Domingu (22/04/18).

Taur dehan, la’os  programa veteranus  dei’t, maibe oinsa bele funsiona servisu administrasaun  tau ema diak para  servisu  ho laran.

“Ita presiza Timor oan ne’ebé hadomi nia rai ida  ne’ebé  mak buka naran, no halo servisu nia partikular  ita la presiza nia,  tanba ne’e tenki servisu   ho laran tau matan ba   ita-nia inan aman sira, tau matan ba  ita nia nasaun, laran mos, neon mos ida  ne’e mak  ita  gosta, baruk ten loko a’an  ita la gosta sira,”dehan Taur Matan Ruak.

Alende ne’e mini kampaña  ne’ebé mak hala’o  iha Turiscai, hetan seguransa husi Polisia Nasional Timor-Leste (PNTL), Manufahi, no FALINTIL Forsa Defeza Timor-Leste (F-FDTL) nomos hetan observasaun husi Komisaun Nasional ba Elesaun.avi