JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: “Tinan 5 ita lakohi governu foun monu tan”

Lere: “Tinan 5 ita lakohi governu foun monu tan”

Xefi Estadu Maior Falintil Forsa Defeza Timor Leste (F-FDTL), Major Jeneral Lere Anan Timur deklara, tinan 5 ne’e lakohi governu foun mai atu monu tan iha dalan klaran.

Tanba tuir Lere Anan Timur, wainhira governu foun mai, monu tan iha dalan klaran mak povu sei lakon ona konfiansa ba lider sira.

Maski nune’e, Lere Anan Timur fiar katak, governu ne’ebé lidera husi lider históriku sira, sei asegura nasaun ba oin, hodi nune’e nasaun sei moris iha progresu paz no estabilidade.

Lider másimu F-FDTL ne’e mós husu ba governu foun tenki servisu di’ak no kumpri promesa sira ne’ebé sira hato’o ona ba povu, iha periodu kampaña eleitorál.

“Eleisaun manan ona la signifika susesu ona ba governasaun ne’e, maibé tinan 5 ita lakohi governu monu tana iha dalan klaran. Monu tan iha dalan klaran ita nia povu la konfia ona ba ita nia lider sira. Mas ha’u fiar ho ita nia maun Xanana, maun Taur, Marí, Ramos Horta, sira sei lori nasaun ne’e ba oin iha dezenvolvimentu,” deklara Lere Anan Timur ba Jornalista sira hafoin enkontru ho Prezidenti Repúblika (PR), Francisco Guterres Lú Olo iha Palácio Prezidensiál Nicolau Lobato, Bairu Pite, Díli Kuarta (16/5).

Iha okaziaun ne’e Lere mós informa, situasaun jeral iha territóriu laran tomak, agora dadaun la’o di’ak, maski nune’e forsa defeza no seguransa sei kontinua mantein nafatin seguransa másimu to’o loron 30 fulan maiu no sei prolonga tan, karik iha situasaun emerjénsia ruma.

“Maibé nu’udar sidadaun Timor, ita tenki fó mós ita nia kontribuisaun ba estabilidade no paz iha ita nia rai laran. Maski depois de eleisaun dalaruma partidu balun ladun satisfeitu, deskonfiansa, maibé buat ne’e normal iha vida demokrátiku,”Lere esklarese.ías

Lee hotu :   Partido Politiku labele pratika Money politic

Add to Comments Here!!!!

error: Content is protected.
Secured By miniOrange
You might also like:
Deskonfia terrorista iha ona NTT, Bele ataka TL ■PNTL ho F-FDTL tenki fo atensaun

Adjuntu Diretor Fundasaun Mahein (FM) João...

Lere: “Boby sei kumpri prosesu justisa”

Xefi Estadu Maior FALINTIL-Forsa Defeza Timor-Leste...

CNE sei pendente akta husi munisipiu 4

Comissaun Nasional ba Eleisoens (CNE) sei...

Close