JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mari Alkatiri: Oécusse sai refensia dezenvolvimentu

Mari Alkatiri: Oécusse sai refensia dezenvolvimentu

Sekretariu Jeral Partidu istoriku FRETILIN, Mari Alkatiri, hateten, Rejiaun Administrativu Espesial Oecussi Amebeno (RAEOA) nia dezenvolvimentu sai susesu, tanba ne’e sai referensia ba dezenvolvimentu ne’ebe FRETILIN sei implementa iha Munisipiu sira seluk.

Ba militantes no simpatizantes iha kampaña komisiu FRETILIN, ne’ebe hala’o iha kampo futebol Oebau, Oecusse villa Domingo (06/05/2018), Mari Alkatiri, hateten, nia la persiza atu promote tan sa dezenvolvimentu ne’ebe mak atu halo, tanba povu Oecusse senti ona dezenvolvimentu ne’ebe mak la’o ona.

 “Oecusse sai laboratoriu ona, Oecusse sai ona referensia saida maka ita atu halo wainhira atu halo dezenvolvimentu. Hadia saida? Infra-estruktura kualidade, laos deit kualidade tanba metin, kualidade tanba atu dura tinan naruk, maibe tenki furak ne’e mak halo iha Oecusse, ponte furak, Aeroportu furak, estrada furak, ita haree sistema irigasaun ida que furak iha tolu e agora toos nain sira, natar nain sira bele servisu garantia ho seguransa diak liu katak bee ladun falta, ne’e mak ita hahu ona iha Oecusse,” afirma Mari Alkatiri.

Alkatiri dehan, infra-estrura iha Oecusse la’o dadauk ona, maibe persiza hadia diak liu tan area edukasaun, saudeatu bele iha kondisaun ne’ebe dignu ba estudante sira, no mos kria kampo servisu ba jovens no ema hotu.

“Maibe Oecusse sei falta, falta edukasaun atu hadia e hadia dadauk, falta saude atu hadia dadauk, falta habitasaun atu hadia dadauk. Lolos uma atus rua atu hari’i ona, maibe tanba ema ida rua deit to’o agora seidauk hahu prosesu ida ne’e, maibe ita sei buka dalan atu hari’I uma sira ne’e, maibe ema kritika bar-barak, maibe sira lakohi taka sira nia matan lakohi haree iha tinan hirak nia laran ne’e hari’i ona uma atus tolu resin, uma du’ut fo fila fali uma fatuk. Ne’e mak halo parte programa VII governu ninian,” esplika lider masimu FRETILIN ne’e.

Lee hotu :   PROGRAMA VIII GOVERNU HANESAN LISTA KOMPRAS, FRETILIN APREZENTA MOSAUN REJEISAUN

Alkatiri haktuir, edukasaun tenke hadia tan, halo eskola tan ho kondisoens oin seluk ho biblioteka, ho harisfatin no bee mos ne’e ita hahu ona iha Oecusse. Programa VII nian hahu ona iha Oecusse iha tinan 2015 bainhira VII governu seidak bele moris, tanba nia lakohi koalia barak konaba dezenvolvimentu.

Entretantu Membru Komisaun Pólitika Nasional Comite Central FRETILIN, Arsenio Bano hatete, Timor-Leste atu ba oin so FRETILIN maka ukun para bele lori dezenvolvimentu ba tomak, hanesan hatudu ona iha Oecusse, tanba ne’e husu ba militantes no simpatizantes atu iha laoron 12 fulan ne’e vota ba FRETILIN.

“Dezenvolvimentu la’o ona iha Oecusse, tanba ne’e labele hein tan vota FRETILIN atu bele kaer ukun hodi kontinua dezenvolve rai ida ne’e,” apela Arsenio Bano, ba militantes no simpatizantes sira.

Kampaña komisiu partidu FRETILIN ne’e hetan partisipasaun másimu husi militantes no simpatizantes husi Postu Administrativu Pante Makasar, Oesilo, Passabe no Nitibe. No tuir observasaun GMN hatudu, kampaña ne’ebe refere hetan observador husi Comisaun Nasional da Eleisoens, nomos hetan seguransa husi PNTL.

Entretantu iha komisiu ne’e partisipa mos husi labarik sira balu,maske nune’e antes hahu kampaña komisaun organizadora aviza, atu labarik sira labele tama iha fatin kampaña nian. Rey

Add to Comments Here!!!!

error: Content is protected.
Secured By miniOrange
You might also like:
Tortura militantes AMP, Xanana apela ba Alkatiri ho membru CCF 2.000 eduka militantes

Prezidenti Aliansa Mudansa ba Progresu (AMP),...

Alkatiri tristi lider sira fahe malu

Sekretariu Jeral Partidu istoriku FRETILIN, Mari...

STAE ho CNE dezmente buletim votus tuu ku’ak

Sekretariado Tekniku Administrasaun Eleitoral (STAE) ho...

Close