JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEGUNDA, PR LÚ OLO FO DEIT POSSE BA FILOMENO PAIXÃO • XANANA HO ROGERIO SEIDAUK BELE

SEGUNDA, PR LÚ OLO FO DEIT POSSE BA FILOMENO PAIXÃO • XANANA HO ROGERIO  SEIDAUK BELE

Prezidente Repúblika (PR), Francisco Guterres “Lú Olo” hala’o nia knar Konstitusionál hodi nomeia tan membru VIII Governu nain tolu (3) liu husi Dekretu Prezidente da Repúblika N.̊ 21/2018 iha 5 Jullu 2018. 

Komunikadu imprensa ne’ebe JNSemanario asesu husi Palacio Presidensial, Sesta (6/7/2018), informa katak, membru VIII ne’ebé hetan nomeiasaun husi PrezidenteRepúblika mak Ministru Estadu Konselleiru ba Primeiru Ministru no Ministru Planeamentu no Investimentu Estratéjiku, Kayrala Xanana Gusmão, Ministru Defeza Brigadeiru-Jenerál Filomeno da Paixão de Jesus ho mos Sekretáriu Estadu ba Peskas, Rogério Araújo Mendonça.

Komunikadu ne’e informa liu tan katak, tomada de posse ba membru Governu nain tolu ne’e sei halao iha Segunda (9/7/2018), maibe bazeia  ba karta husi Primeiru Ministru (PM), Taur Matan Ruak, informa ba Prezidente  -Repúblika tan razaun polítika tomada de posse sei fó de’it ba Ministru Defeza Brigadeiru-Jenerál  Filomeno da Paixão de Jesus.

Xefe Estadu ho Xefe Governu sei kontinua promove diálogu ne’ebé estabelesidu tiha ona hodi ultrapassa kestaun polítika relasiona ho indijitasaun personalidade iha VIII Governu Konstitusionál.

Filomeno paixao prontu asume MD

Eis Vise Xefi Estadu Maior F-FDTL, Brigadeiru Jeneral, Filomeno Paixão, informa, nia parte prontu ona simu tomada de posse hodi asume pasta Ministru Defeza (MD).

“Ha’u mai hasoru Primeiru Ministru, asuntu mak imi akompaña durante loron hira ona, ha’u atu toma posse ho ministru sira seluk iha loron Segunda,”relata Filomeno Paixão ba jornalista sira iha Palasiu Governu, Sesta (06/07).

Programa prioridade ne’ebé mak Filomeno Paixão nia atu halo ba forsa armada mak, planu sira ne’ebé mak trasa tiha ona iha tinan hira liu ba. Maibé nia sei haree lai VIII Governu ne’e nia programa atu konsolida uluk buat ne’ebé mak iha ona.

Lee hotu :   FRETILIN manan eleisaun sei dezenvolve área peska iha Liquiça

“Ita revé fali estratejia forsa 20-20 ne’ebé mak fó sai tiha ona iha tinan 2016. Revizaun ne’e atu haree buat ne’ebé tuir ita-nia forsa no ita-nia iis no ita-nia hakarak,” katak Filomeno Paixão.

Nia haktuir, revizaun ne’ebé nia atu halo ba forsa armada ba estratejia militar foun ne’e,  sei hala’o durante tinan ida.

“Kuandu estratejia militar foun ne’e sai, ita haruka hala’o, tanba forsa 20-20 ne’e ladun objetivu ona, tanba tempu muda ona, presiza ita mós muda estratejia,” katak Filomeno Paixão.

Nia esplika, iha VI Governu liu ba, aprova tiha ona konseitu estratejia defeza no seguransa, hodi esklarese klaru ona dezenvolvimentu F-FDTL no PNTL iha futuru.

“Entaun iha ne’e ita atu halo konseitu estratejia militar foun atu troka forsa 20-20 ne’e, ita tenki hola husi konseitu estratejia defeza no seguransa ne’e. ita foti saida mak ameasa no saida mak risku, husi ne’eba mak ita haree, atu hasoru ameasa ho risku ne’e saida,” katak Filomeno Paixão.

Eis Brigadeiru Jeneral ne’e optimista katak, situasaun forsa nian agora ba oin sei diak liu tan, tanba nia interadu liu ho problema ne’ebé mak forsa armada infrenta.

Iha loron 22, fulan juñu, governente hamutuk 28, inklui Primeiru Ministru, Taur Matan Ruak, simu ona pose husi Prezidente Repúblika, Francisco Guterres ‘Lu olo’. Maibé governante sira seluk ne´ebé antes ne´e, propoen husi PM  Taur tamba sai ona suspeitu ba investigasaun. Maibé Kay Rala Xanana Gusmão no Alfredo Pires, maske la hetan impedimentu, maibé la marka prezensa hodi simu pose, nune´e, ministru defeza, Filomeno Paixão mos ladauk simu pose tamba sei hein desizaun husi Prezidente Repúblika ho hamutuk ho Konsellu Supeior Defeza no Seguransa atu ezonera. Maske nune’e iha ona desizaun katak Filomeno Paixão no mos governante sira seluk sei simu pose iha Segunda semana oin.*/sel/Cos

Lee hotu :   Assanami: PD manan sei kontinua mehi luta nain sira

 

Add to Comments Here!!!!

error: Content is protected.
Secured By miniOrange
You might also like:
PR SEI VIZITA PORTUGAL

Ministru  Negosiu Estranjeiru no Koopersaun, Dionísio...

•2º DIVIZAUN LFA KABLAKY FC HO NAGARDJO FC FAHE PONTU

Klube futebol Kablaky ho ekipa Nagardjo...

FRETILIN LAMENTA ESTRUTURA KEP LA PROPORSIONAL

Deputada husi bankada FRETILIN, Josefa Álvares...

Close