JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

LERE HUSU CNRT LABELE FÓ PRESAUN BA PR “BANKADA FRETILIN KONSIDERA PROVOKASAUN”

LERE HUSU CNRT LABELE FÓ PRESAUN BA PR “BANKADA FRETILIN KONSIDERA PROVOKASAUN”

Xefe Estadu Maior FALINTIL Forsa Defeza Timor-Leste (F-FDTL) Major Jeneral, Lere Anan Timur, husu kuadru militante partidu CNRT  labele fó  presaun ba Prezidente Repúblika (PR), Francisco Guterres ‘Lu-Olo’ hodi  fó deadline PR atu fó  pose lalais ba kandidatu membru VIII Governu ne´ebé seidauk simu pose.

“Ida  ne´e kestaun  polítika. Ha´u nu’udar membru seguransa, seguransa  ba orgaun  soberanu haat  hotu,  ba nasaun tomak orgaun haat  ne´e mak reprezenta Estadu nasaun Repúblika Demokratika Timor-Leste iha Timor, laiha ema ida bo´ot liu Prezidente Repúblika  ita labele moris iha presaun labele moris ho presaun se prezidente la tuir o nia hakarak atu halo saida. Ne´e mak ha´u apela ba Timor oan sira lalika presiona orgaun soberanu sira ne´e, sira iha sira-nia kompetensia rasik atu uza. Ami nu’udar forsa armada aparellu Estadu,  Estadu dehan A, A. Estadu dehan  B, B.  ne´e mak ha´u hanoin ekipa  ne´ebé mak halo presaun ba  prezidente  ne´e ha´u dehan sira sala ita nunka presiona orgaun soberanu ida,“esplika Lere Anan Timur, ba jornalista sira Kuarta (08/08/18) iha Palasiu Prezidensial Bairo-Pite, Díli.

Lere dehan, uluk  atraves husi votasaun mak povu konfia hodi hili Prezidente Repúblika Francisco  Guterres ‘Lú Olo’, la hanesan  ho membru Governu  ho Parlamentu Nasionál.

“Ó  ba tuur  iha membru governu, tanba ó-nia partidu manan entaun ne´e mak ó-nia Primeiru Ministru hatudu ba ó ba tuur iha fatin Parlamentu  no ba iha  Ministru mas  prezidente oin seluk. Ne´e mak sira ne´ebé halo presaun ne´e,  ita lalika presiona ita-nia orgaun soberania ne´e no Timor labele moris iha presaun nia laran,“dehan Lere Anan Timur.

Lee hotu :   PR Lú Olo: Lalika insulta malu iha tempu kampaña

Aktu militante CNRT hanesan provokasaun

Alende ne’e, deputadu bankada FRETILIN, Antoninho Bianco, konsidera, aktu kuadru militante CNRT planu atu halo impeachment hasoru Prezidente Repúblika (PR), Francisco Guterres ‘Lú Olo’ hanesan provokasaun hasoru PR.

“Expresaun no opiniaun públiku ne’e ema individu no grupu, partidu hotu-hotu bele halo, maibé atu halo impeachment la’os partidu, keta halo provoka situasaun, ne’e buat seluk, tanba instituisaun ne’e mós iha orgaun própriu para halo ninia knaar, tuir regras kualker individu ida iha direitu expresa ninia hanoin ba orgaun soberanu, hanesan uluk sidadaun balun por individu kesar to’o tribunal kona-bá desizaun PR disolve PN,” deputadu bankada FRETILIN ne’e ba jornalista sira, iha bankada FRETILIN, PN, Díli, Kuarta (08-08-2018).

Nia relata, karik iha evidensia PR Lú Olo halo violasaun grave ruma sobre nomeasaun membru Governu, tenki lori Xefi Estadu ne’e ba tribunal no sé PR halo violasaun grave duni, sei lori fali mai PN para hola desizaun. Maibé atu halo desizaun iha PN ne’e presiza dois tercos, presiza 43 votus maka foin bele pasa.

“Ha’u hanoin impeachment ne’e tuir ita nia Estadu Direitu Demokrátiku, kuandu iha violasaun grave ne’e tenki keixa ba tribunal tribunal maka bele desidi katak PR ou Xefi Estadu ne’e halo violasaun grave ba konstituisaun ka la’e, husi ne’ebá maka desizaun ne’e sei liu husi PN no PN tenki hasa’i desizaun, maibé ne’e presiza ezijensia votus que la’os maioria absoluta de’it, porque ne’e la’os fasil,” haktuir Antoninho Bianco.

Nia akresenta, kestaun membru Governu nain hira ne’ebé maka seidauk simu pose ne’e la’os kompetensia partidu nian, maibé kompetensia PM ninian, tanba iha konstituisaun la sita partidu halo presaun ba PR, maibé partidu halo presaun ba ninia Primeiru Ministru (PM) indijitadu.

Lee hotu :   MF Distribui DOT ba orgaun Estado

“Ha’u hatene deskontentamente partidu ne’e normal iha koligasaun nia laran, bele halo opiniaun, maibé la’os partidu maka halo presaun ba diretamente PR hanesan Xefi Estadu, Xefi Estadu iha relasaun diretamente ho PM hanesan Xefi Governu Taur Matan Ruak, entaun prosesu negosiasaun ne’e entre Xefi Estadu no Xefi Governu PM,” informa reprezentante povu husi FRETILIN ne’e.

Antes ne´e   Koordenador  Partidu  CNRT   husi  Munisípiu 12  inklui Rejiaun Espesial Oe-cusse Ambeno (RAEOA)  ameasa  atu haruka koligasaun  Aliansa Mudansa  ba Progresu (AMP)   iha Parlamentu Nasionál    halo impeachment  ba Prezidente Repúblika,  Francisco Guterres ‘Lú-Olo’,  kuandu Xefe Estadu la fó solusaun lalais ba formasaun VIII Governu.avi/ves

Add to Comments Here!!!!

error: Content is protected.
Secured By miniOrange
You might also like:
UPM HASAI ONA FITA KOLA IHA RO NRTL

Komandante Unidade Polísia Marítima (UPM) Superintendente ...

BS-HNGV INFRENTA REAJENTE SIFILIS STOCK OUT

Xefi Unidade Banco de Sangue-Hospital Nacional...

KOMANDU F-FDTL SEI FOTI MEDIDA BA PESSOAL ENVOLVE TIRU HASORU BOP

Xefe Estadu Maior Forsas Armadas Brigadeiro...

Close