JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN husu AMP labele trava viajen PR

FRETILIN husu AMP labele trava viajen PR

Xefi bakada FRETILIN, Aniceto Guterres, husu ba Bankda Aliansa Maioria Parlamentar (AMP) atu labele trava viajen Prezidente Repúblika (PR), Francisco Guterres ‘Lú Olo’, ho promulgasaun Orsamentu Jeral Estadu (OJE), tanba OJE ne’e la’os ba AMP nia vida de’it, maibe ba povu tomak nian.

Aniceto hateten, Prezidente Repúblika la husu no ezije atu Parlamentu Nasional tenki desidi nia viajen ba rai liur, tanba viajen ne’ebé mak Xefi Estadu ne’e atu hala’o nu’udar viajen nasaun nian.

“Prezidente Repúblika hateten de’it hanesan ne’e, se imi desidi Prezidente sai, se imi la desidi, prezidente la sai. Tanba ne’e, PR entrega fila-fali ba PR, ita kompriende ona saida mak PR koalia ,desizaun iha Parlamentu Nasional, ne’e quer dijer PR lakohi tanba ho viajen ne’e atu kesi fali PR atu promulga OJE ne’e ita koalia lolos ne’e hanesan ne’e, PR la ezije tenki aprova konsientemente atu halo viajen ne’e,”Xefi Bankada FRETILIN, Aniceto Guterres ba jornalista sira hafoin sorumutu ho Prezidente Repúblika iha Palásiu Prezidensial, Bairo Pite, Díli, Sesta (14/9/2018).

Aniceto esplika, Orsamentu Jeral Estadu ne’e la’os ba AMP nian de’it, maibe ba povu tomak tanba ne’e labele kesi PR atu tenki promulga tanba PR iha kompetensia tomak atu promulga ka veta OJE refere.

“PR fo hikas ba PN atu desidi, ita labele halo fali polítika ida deal fali dehan entaun ami autoriza ita bo’ot sai ba mas OJE ne’e tenki promulga, ne’e saida mak ida ne’e? Orsamentu ne’e kestaun ida la’os AMP nia vida ne’e povu tomak nia vida,”Aniceto hateten tan.

Tuir nia, viajen PR nian ba Nova Iorque ne’e la’os viajen privadu nian, maibe viajen Estadu ne’ebé sei hamonu mos imajen Estadu Timor Leste nian, tanba ne’e entidade hotu sente preokupa inklui partidu FRETILIN.

Lee hotu :   Somotxo akuza Fidelis espiaun ba EUA, PLP ezije Governu lori kazu ne’e ba MP

“Ema hotu preokupa, iha informasaun konfirmadu dehan katak PR atu ba vizita Australia, rona dehan Embaixador Australia mak mai fali lobby deputadu bankada Parlametar sira para autoriza PR nia viajen ha’u lahatene so iha rai ida ne’e mak bele akontese hanesan ne’e, Xefi Estadu ida atu ba vizita rai seluk embaixador rai seluk mak mai lobby fali ita-nia Parlamentu,”Aniceto preokupa.

Tuir ajenda, Prezidente Repúblika, Francisco Guterres ‘Lú Olo’ ho nia delegasaun sei dezloka ba Nova Iorque, iha loron 21, fulan ne’e, hodi partisipa reuniaun altu nivel iha Asembleia Jeral Organizasaun Nasoens Unidas.

Antes ne’e, Palarmentu Nasional mos konsege kansela Prezidente Repúblika nia viajen ba Portugal.Ola

Add to Comments Here!!!!

error: Content is protected.
Secured By miniOrange
You might also like:
PN sei sosa kareta ba deputadu V lejislatura ■ Prado 3 maka entrega ona

Atu fasilita deputadu V lejislatura iha...

Bankada AMP husu PR kria diálogu ■ FRETILIN-PD hasoru PM Taur

Reprezentante Bankada Aliansa Maioria Parlamentar, husu...

PD apoiu PR halo viajen ba rai liur ■ Abel Pires: Antes vizita, PR tenki promulga OJE 2018

Reprezentante povu iha uma fukun Parlamentu...

Close