GMN ho RTTL.EP rejista ona seguransa social

Instituisaun Komunikasaun Social husi Grupo Media Nasional (GMN) ho Radio Televizaun Timor Leste (RTTL) Empreza Publiku (EP) rejista no implementa ona Rejimi Konstributivu Seguransa Social.

Implementasaun rejimi obrigatoriu ne’e bazeia ba lei numeru 12/2016, loron 14 de fulan Novembru, ne’ebé promulga ona husi Prezidenti Republika iha tinan 2017.

Rejimi kontributivu seguransa social ne’e bele dignifica direityu trabalhadores sira nian, liu-liu direitu ba pensaun wainhira tama iha idade reforma, inklui asegura direitu saúde ho provizaun ba mate no seluk-seluk tan ne’ebe iha relasaun ho direitu fundamental trabalhador sira nian.

 “Kona-ba media ha’u hatene husi media GMN ne’ebé  hahu implementa iha Tinan 2017 no media  RTTL EP implementa iha Tinan 2018  mak regista ona tanba ne’e sensibilizasaun ne’e espera katak media sira seluk mos bele regista nia trabaldor sira atu trabaldor sira labele lakon sira nia direitu” hateten Diretora Nasional Rejimu Kontributivu Seguransa Sosial MSSI, Aida Maria Soares Mota iha salaun MSSI, Sesta (14/9/2018).

Liu husi sensibilizasaun kona-ba implementasaun Rejimi Seguransa social ba Orgaun Komunikasaun Social sira ho jornalista sira iha Salaun MSSI,  Diretora Nasional Rejimu Kontributivu Seguransa Social, Aida Maria Soares Mota esplika, media sira balun seidauk rejista nia trabaldor sira tanba maioria nain ba media sira nia trabaldor la to’o ema nain 100 ne’ebé sei biban to’o iha loron  30 Outrubru, tinan ne’e, atu halo aplikasaun.

Funsionariu Publiku ho Ajenti Administrasaun Publiku ne’ebe servi ba Instituisaun Estadu nian hamutuk  ema nain 45.000 mak sai ona benefisiariu BA IMPLEMENTASUAN Rejimi Seguransa Social ne’e desde  iha fulan Agusto to’o Outubtru, tinan kotuk.ety