JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur:Veteranus labele impede dezenvolvimentu

PM Taur:Veteranus labele impede dezenvolvimentu

Primeiru Ministru (PM), Taur Matan Ruak, fo apelu ba veteranu sira atu labele hadau malu projetu hodi impede dezenvolvimentu, maibe tuir estatutu veteranu katak, veteran tenki kontribui ba dezenvolviementu nasional.

“Ha’u lakohi ida buka ba impede fali ida seluk halo servisu Estadu nian hodi fo benefisiu ba povu, nune’e  ha’u aproveita apelu ba veteranu sira, para kalma no mai labele impede dezenvolvimentu nasaun nian, tamba iha estatutu veteranu nian hatete, veteranu tenki kontribui ba dezenvolvimentu nasional, maibe veteranu la’os impede dezenvolvimentu, tamba ne’e ha’u fair katak ha’u-nia alin sira sei husik estrada Ermera ba Fatubesi la’o di’ak”, dehan Taur Matan Ruak, hafoin remata enkontru ho Prezidenti Repúblika, Francisco Guterres ‘Lu Olo’, Kinta (18/10/2018), iha Palásiu Prezidensial Nicolau Lobato Bairo Pite, Díli, relasiona veteranu balu impede atu Asia Development Bank labele halo Estrada husi Ermera ba Fatubesi.

PM Taur dehan, uluk nia sei Prezidenti Repúblika, nia rona veteranua hadau malu projetu, no ne’e nia la gosta.

“Ha’u uluk kuandu Prezidenti, ha’u vizita fatin sira, suku to’o postu sira, ha’u haree veteranu no grupu sira hadau malu projetu, hanesan ha’u ba iha suku Maubara, veteranu Baucau nia mak kaer projetu, maibe veteranu maubara sira iha ne’e halo saida?Ha’u-nia resposta mak ha’u la hatene se mak atu halo, ha’u-nia preokupasaun ida de’it povu tenki hetan benefisiu, ita sira mak hetan osan, la fo ba ha’u”,tenik PM Taur.

PM Taur realsa, antes ne’e nu’udar Prezidenti Repúblika nia hakarak povu ne’e asesu ba dezenvolvimentu, hanesan asesu ba eletrisidade, estarada no seluk tan, agora sai tiha nu’udar Primeiru Ministru mos nafatin, ema ida ne’ebé mak kaer projetu ne’e, Timor-oan mak kaer hodi dezenvolve nasaun.

Lee hotu :   Dom Norberto apoia TL sosa asaun Conoco-Shell

Fiar TL sei hanesan Singapura

Nune’e mos, Primeiru Ministru (PM), Taur Matan Ruak, deklara, ho kadoras Greater Sunrise ne’ebé sei dada mai Timor- Leste, nia fiar katak, iha futuru Timor-Leste sei   sai hanesan nasaun Singapura, maibe depende ba Timor oan hotu atu estuda maka’as hodi sai matenek, atu halo Timor-Leste, sai hanesan Singapura.

“Bele, maibe fila ba  Timor-oan. Se Timor-oan baruk, moe, hanoin la la’o,  la bele. Hanesan mos funu, iha jornada orsamentu, ha’u dehan uluk ha’u komandante ema hanesan tiu Eli, Tiu Dudu, Tiu Tatamailau, hodi manan nasaun ida, agora ne’e ha’u manda S1, S2, S3, depois hasoru fatuk ho ai, la’os hasoru ema moris ho nasaun, ne’e signifika ha’u fo importansia papel sidaduan nian, papel rekurusu umanu nian, buat hotu bele iha, maibe ita mak determina, ho ha’u fiar katak Timor-oan kuandu iha domin, nia hatene nia bele halo milagre Timor-Leste, atu sai hanesan Singapura”,informa Xefi Governu, Taur Matan Ruak ba Jornalista sira, iha Palásiu Prezidensial Bairo Pite Kinta (18 / 10 /2018).

Nia hatutan, saida mak Timor-oan sira sei halo  mak tenki estuda maka’as hodi muda hanoin, aumenta skill, no kultura servisu, tanba buat tolu ne’e importante.

“Mundu avansadu no ita-nia kakutak mak sei 1975 ne’e la bele, ba kapasidade ema seluk aprende komputador, ha’u mak la hatene komputador, maibe ha’u-nia oan sira tenki hatene komputador, tuir kultura, hader sedu toba tarde to’o uluk, disiplina submisaun ba hirarkia ne’e importante, para que ita bele ba oin. Timor  ne’e iha frakeza mak parte tolu ne’e, kultura disiplina servisu , frakeza ida seluk maka skill la iha, la halo esforsu para aumenta koñesimentu, terseiru saúde la iha, hemu tua no halimar, ema haruka foti besi,  sei foti la bele, mundu avansa lais los kompetisaun bo’ot, tamba Timor-oan tenki aktualiza  koñesimentu, kapasidade no matenek no hahalok”,realsa PM Taur.Oly

Add to Comments Here!!!!

error: Content is protected.
Secured By miniOrange
You might also like:
EESJ 4 Setembru sei la fó valor diak ba alunu finalista faltosu

Diretor Eskola Ensinu Sekundariu Jeral (EESJ)...

Honda Jeez soke rin eletrisidade iha Colmera

Kareta ho marka Honda Jeez  ho...

MS sei koloka ekipa inspesaun observa PS Labitin

Segundu Vise Ministru Saúde (VMS), Asuntu...

Close