JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Francisco Guterres ‘Lú Olo’: Harii komponente navál hodi hatán ba dezafiu

PR Francisco Guterres ‘Lú Olo’:  Harii komponente navál hodi hatán ba dezafiu

Prezidente Repúblika (PR), Francisco Guterres ‘Lú Olo’, hateten, ukun-nain sira harii komponente navál hodi hatán ba dezafiu no servi Timor-Leste nia interese no direitu sira.
Xefe Estadu Francisco Guterres Lú Olo hato’o lia hirak ne’e, iha komemorasaun Aniversáriu Komponente Navál FALINTIL-FDTL ba dala 17, ne’ebé realiza iha Baze Navál Hera, Sabadu (12 /01/ 2019).
Komandante Supremu Forsas Armadas hatutan, Komponente Navál harii atu haree ba dezafiu oi-oin seguransa nian no mós ba nesesidade atu kontrola fronteira sira no rekursus tasi-nian, nunee iha 2002, ukun-na’in sira foti desizaun estratéjika harii Komponente Navál ida ba Forsa Defeza Territóriu nian, tuir Timor-Leste nia kondisaun rasik.
“Timor-Leste nu’udar Estadu independente no soberanu ida, ho asesu no área-boot ida see ba tasi, labele fila kotuk ba tasi no ba ameasa hirak ne’ebé mai husi tasi, hanesan pirataria, transporte ba sasán perigozu, poluisaun, esplorasaun ilegál ba rekursus, tráfiku oioin, terrorizmu, imigrasaun ilegál no seluk-seluk tan,” hatete Lú Olo.
Prezidente Repúblika aprofunda liutan husi selebrasaun Aniversáriu Komponente Navál FALINTIL-Forsa Defeza Timor-Leste ba dala 17, Loron ne’ebé signifikadu boot tebes ba hotu – hotu ne’ebé defende interese Timor-Leste nian iha Tasi no serve mós rai ida ne’e.
Xefe Estadu Lú Olo hatutan katak loron ne’e importante tebes mós ba sidadaun hotu-hotu nasaun ida-ne’e nian, no mós ba ema hotu ne’ebé tulun ita, atu haree ba Tasi, nu’udar objetivu nasionál no estratéjiku ida, nu’udar ita-nia prioridade nasionál ida.
“Ha’u aproveita okaziaun ida-ne’e atu, nu’udar Prezidente Repúblika no Komandante Supremu Forsas Armadas, husik hela ha’u-nia rekoñesimentu ba sira-ne’ebé serve Timor-Leste, ho esforsu no dedikasaun, liuhusi Komponente Navál, no mós ba nasaun-belun sira-ne’ebé kontribui ba harii no habelar Komponente ida ne’e, iha tinan 17 nia laran,” hateten, Lú Olo.
Ema numeru ida iha Timor Leste nee, dehan la’ós fásil hakfila “Aswain funu-na’in” sira, ne’ebé toman luta ba sobrevivénsia, atu sai Forsa Armada konvensionál. Susar liután bainhira ita hakarak nakfila “aswain funu-na’in” sira ba fali mariñeiru ho kbiit atu hala’o knaar iha Tasi. Maibé, biar Timor-Leste la iha tradisaun tasi-nian, ita konsege nakfila dadaun ona ita-nia mentalidade kona-ba tasi.
Lú Olo dehan liu husi tasi mak negosiante Portugés, Árabe, Xinés no Europeu sira tau ain iha Timor-Leste, sira mai, tanba Ai-kameli buras iha rai Timor-Leste tomak.
Tasi mak loke odamatan ba rai sira seluk tama-mai no nune’e, Timor-Leste sai duni rai ida ba komersializasaun internasionál Ai-kameli nian, rikusoin ida ne’ebé apresiadu tebtebes, iha tempu ne’ebá, iha Índia, Xina no Europa.
“Ohin loron, ita ladún hanoin-hetan katak Tasi mós halo parte Timor-Leste, tasi mós ita-nian. Husi pontu-de-vista jeográfiku, ita rona beibeik katak Timor-Leste nasaun ki’ik ida. Maibé ida-ne’e laloos, tanba ita-nia plataforma kontinentál bo’ot tebtebes.” Haktuir, PR Lú Olo.
Timor-Leste nia pozisaun jeoestratéjika sei nafatin rekursu boot no metin ida, la’ós de’it tanba ninia pozisaun rasik maibé mós tanba ninia rikusoin minerál sira, iha tasi-kidun, iha folin boot.
Tanba Timor-Leste iha liña kosteira ida liu kilómetru atus hitu no Zona Ekonómika Eskluziva Marítima ida ho milla náutika atus rua, ita-nia área rekursu peska nian luan tebtebes.
Estudu ne’ebé hala’o iha Timor-Leste nia meti-ulun-ahu-ruin, identifika espésie ikan rihun ida resin no espésie ahu-ruin hamutuk atus haat no tanba ne’e, ita-nia tasi sai rekoñesidu mós ohin-loron hanesan sentru biodiversidade tasi-tropikál boot ida.
Ne’e duni, Estadu Timor-Leste tenke proteje tasi no kria kondisaun hirak ne’ebé presiza, atu tasi bele mós kontribui ba nasaun nia dezenvolvimentu sósiu-ekonómiku, liuliu ba vida komunidade- sira-nian, ne’ebé hela besik tasi-ninin.
Liu husi komemorasaun ba Loron Komponente Navál nian, Prezidenti Repúblika Lú Olo hateten, ita mós afirma tasi nia importánsia estratéjika. Dezafiu boot tebes ida, ne’ebé ita hasoru mós ohin loron, mak oinsá ita haree ita-nia relasaun ho tasi.
Problema ida husi horiuluk kedas to’o agora mak Timor-Leste la ezerse ninia direitu soberania ba tasi. Tan ne’e importante okupa espasu mamuk sira ne’ebé tama iha ita-nia soberania no jurizdisaun nasionál atu hasees risku okupasaun husi rai seluk.
Tanba nee, Lú Olo dehan parseiru estratéjiku sira fó kontribuisaun makaas ba objetivu ida ne’e, uluk liu, husi Portugál ne’ebé fó ró-lanxa rua ba fiskalizasaun no hala’o kapasitasaun ba ita-nia ema, no tuirmai, husi Xina, Koreia Súl, Indonézia, Austrália no Estadus Unidus.
Ba Komponente Navál nia ema ne’ebé opera iha tasi, importante tebtebes hetan esperiénsia no hatene téknika. Nune’e, Komponente Navál tenke kontribui ho nia esperiénsia, matenek no meius ba hala’o vijilánsia no fiskalizasaun iha área–tasi ne’ebé boot no tama iha ita-nia soberania no jurizdisaun nasionál.
Komponente Navál nia prezensa iha tasi importante tebtebes ba Timor-Leste nia seguransa no atividade tasi-nian. Maski Komponente ne’e hasoru limitasaun operasionál ne’ebé relasiona ho manutensaun no kondisaun iha rai-maran.
Ninia unidade navál sira hala‘o ona knaar importante balun hanesan kaptura ró sira ne’ebé halo atividade ilegál, prende ró ilegál no hala’o operasaun buka no salva ema.
“Nu’udar ezemplu, ha’u hakarak fó-hanoin ohin katak, iha tinan 2014, Komponente Navál konsege salva ema na’in-23, inklui feto no labarik, bainhira ró ida husi Tailándia hasoru problema entre Baucau no Illa Wetar, Indonesia”, Xefe Estadu fó ezemplu.
Tanba ne’e, Xefe Estadu ne’e dehan, presiza hadi’a kondisaun manutensaun ba frota navál iha rai-maran no hasa’e liután kapasidade vijilánsia no fiskalizasaun ba área tasi nian ne’ebé tama iha soberania no jurizdisaun Estadu Timor-Leste nian.
Dezafiu boot ida ne’e ezije Estadu atu fó prioridade loloos ba tasi ho Governasaun di’ak. Estadu gasta osan barak ho forsa mariña maibé ita presiza duni halo investimentu ida ne’e.
“Se ita la tau matan didiak, fásil lakon forsa ne’e. Ita labele duplika meius. Tanba ne’e, importante hetan finansiamentu loloos hodi investe iha Komponente Navál, atu sosa ró ne’ebé bele hala’o misaun oioin no iha ne’ebé de’it. Ita presiza mós hetan finansiamentu ba servisus manutensaun ró sira-nian hodi garante ró sira prontu atu hala’o servisu, iha momentu ne’ebé de’it,” hatetetn, Xefe Estadu.
Tanba, Haree ba rekursus oituan de’ it, importante harii modelu ida ba Sistema Nasionál Autoridade Marítima tuir realidade Timor-Leste nian no ne’ebé hetan beibeik kolaborasaun husi entidade hothotu no instituisaun sivíl sira, miilitár no polisiál, públiku ka privadu, ne’ebé bele kontribui ba hametin seguransa marítima.
Nune’e, Lei sira-ne’ebé vigora iha Timor-Leste hatuur modelu “duplu uzu”, katak Komponente Navál iha devér atu hala’o knaar militár no mós knaar la’ós militár ne’ebé liga ho seguransa tasi-nian no ezersísiu autoridade públika nian, iha tasi.
Maluk sira mak erdeiru fiél ba sira ne’ ebé luta no hetan-mate iha kampu batalla, ba ita maluk sira ne’ ebé mate hodi defende ita-nia Pátria. Eus

Lee hotu :   Konsidera prezensa iha FDD illegal, Kuadrus FM sei hato’o keixa ba TR

Add to Comments Here!!!!

error: Content is protected.
Secured By miniOrange
You might also like:
Ubon United kontrata João Pedro durante fulan sanulu

Klube futeból ho naran Ubon United...

Hetan ameasa iha PN, Maria Angelica hato’o keixa ba PNSIK

Deputada Bankada Frente Revolucionario do Timor-Leste...

PM Taur: Antonio Verdial rezigna-an, tau ema seluk

Primeiru Ministru, Taur Matan Ruak hatete...

Close