JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Prezensa kadoras dezenvolvimentu sei lais liu  PN husu povu kontribui ba estabilidade

Prezensa kadoras dezenvolvimentu sei lais liu  PN husu povu kontribui ba estabilidade

Prezidente Parlamentu Nasionál (PPN), Arão Noe Amaral, garante katak, prezensa kadoras mai Timor-Leste (TL), dezenvolvimentu sei la’o lais liu, tanba reseitas husi mina no gas, inklui imposto sira.  

Tanba ne’e, líder másimu órgaun lejizlador ne’e, apela ba povu iha territóriu Timor laran tomak, atu kontinua garante paz, hodi kontribui ba estabilidade, nu’udar dever sidadaun hotu nian, nune’e Governu fó prioridade ka konsentra ba prosesu investimentu iha kampu greater sunrise.

“Ha’u dezeja bom susesu ba ita hotu, hein katak, ita hotu kontribui ba estabilidade, para dezenvolvimentu ne’e bele la’o nafatin, tanba dezenvolvimentu sen estabilidade, sei la akontese, tanba ne’e estabilidade atu iha, kontribuisaun mai husi sidadaun tomak, la’os de’it Governu, órgaun soberania sira, no la’os mós polísia no F-FDTL de’it mak atu garante, maibé estabilidade depende ba sidadaun tomak. Sei ita komunga opiniaun ida ne’e, 2025 pipeline komesa tama iha kosta sul, dezenvolvimentu sei la’o lais liutan, diverjensia polítika ne’e normal, iha nasaun demokrásia, maibé importante mak iha konseitu polítika ida ba interesse Estadu nian, ne’ebé mak tenki iha unidade, paz no Estadu para dezenvolvimentu bele la’o”, hateten Arão Noe Amaral ba jornalista sira, hafoin partisipa Forum Internasionál Díli Dialogue, iha Salaun São José Katedral Díli, Kinta(09/05/2019).

Arão Noe garante katak, prezensa pipeline mai Timor-Leste, dezenvovlimentu sei lais liu, tanba bele hatama ona reseitas barak ba kofre Estadu nian.

“Foin dadauk ami ba iha uniaun inter-parlamentar, nasaun ida iha ne’eba, nia dezenvolvimentu ne’e bo’ot liu, tanba efeitu husi mina no gas. Tanba ne’e, fiar katak, ho pipeline mai Timor-Leste, komesa tama mai ita opera, dezenvovlimentu sei lais liu, kompara ho ida agora, tanba ita bele hetan reseita husi mina, nune’e mós reseitas domestikas liu husi impostu. Tanba ne’e mak ha’u husu para Timor-Leste tenki kontribui ba paz no estabilidade, atu nune’e dezenvolvimentu ne’e ita bele atinji”, tenik Arão Noe.

Lee hotu :   Lucas da Costa – Manuel Tilman Governu nia dezempeñu ladiak, PR bele veta OJE 2019

Relasiona ho komemorasaun 20 de Maiu tinan ne’e, Prezidente Parlamentu ne’e avalia katak, Timor-Leste nia dezenvovlimentu la atraza liu kompara ho nasaun sira seluk, ne’ebé ukun aan tinan 50 resin ona.

Tuir PPN ne’e katak, Timor-Leste hahú konsentra nia dezenvovimentu foin tinan 8, tanba husi tinan 2009 ba kotuk mosu krize polítika.

“ Timor-Leste agora dezenvolvimentu la’o di’ak hela, maske ita hetan dezafius depois de independénsia, monu tiha iha krize polítika ida iha 2006, ne’ebé nia impaktu ne’e to’o kedas 2009, mak foin bele rezolve, maibé depois de ida ne’e, momentu ne’eba, Governu deklara adeus konflitu, bemvindu dezenvolvimentu, husi 2010 ita foin hahú konstrusaun Estadu ne’e, dezenvolvimentu iha rai laran, nune’e ita konta lolos ne’e, dezenvolvimentu foin hahú tinan 8,  2010 to’o 2018, maibé to’o agora progresu dezenvolvimentu ne’e la’o kapas tebes, maske sei falta buat balun atu kompleta, maibé en jerál dezenvolvimentu la’o, kompara ho nasaun dezenvolvidu sira balun ne’ebé ukun aan tinan 50 resin ona, ita Timor la’os atraza liu. Tanba ne’e mak, avaliasaun ba restaurasaun independénsia ba tinan 20 ne’e, no komemorasaun 20 de Maiu tinan 17 iha tinan ne’e, Timor iha progresu”, katak Arão Noe.

Tuir planu Governu, komemorasaun 20 de Maiu ba tinan 2019 ne’e, sei selebra de’it, serimonia nasionál iha Palásio Governu.say

Add to Comments Here!!!!

error: Content is protected.
Secured By miniOrange
You might also like:
DIA 10/05/19 || GMNTV LIVE STREAM || JORNAL NASIONAL KALAN

DIA 10/05/19 || GMNTV LIVE STREAM || JORNAL AS 12

Ezistensia MedSos sai dezafiu, PPN enkoraja jornalista esforsu liu tán

Prezidente Parlamentu Nasionál (PPN), Arão Noe...

Close