JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN: AMP la presiza kompleta membru VIII Governu ■HAK konsidera prejudika dezenvolvimentu

FRETILIN: AMP la presiza kompleta membru VIII Governu ■HAK konsidera prejudika dezenvolvimentu

Vise Xefi bankada Partidu Frente Revolucionária do Timor-Leste Independente (FRETILIN), Francisco Miranda Branco informa, koligasaun Aliansa Mudansa ba Progresu (AMP) la presiza kompleta membru Governu ne’ebé seidauk kompletu, tanba seidauk simu pose husi Prezidenti Repúblika (PR), Francisco Guterres “Lú Olo”.

 “Partikularmente klaru, tuir loloos nasaun ida ki’ik ho populasaun juta ida resin ne’e la presiza membru Governu barak, tanba ita nia membru Governu barak liu nasaun viziñu Indonesia ne’ebé ho ninia populasaun juta atus tolu”, Vise Xefi bankada FRETILIN ne’e ba jornalista sira iha uma fukun Parlamentu Nasional (PN), Segunda (17-06-2019).

Francisco Branco konsidera, membru VIII Governu barak liu hanesan membru PN, maski nune’e, la taka dalan mós ba AMP hakarak akomoda kuadru sira hotu, tanba ne’e sira nia direitu.

“Ita la presiza atu aumenta tan membru Governu na’in 9 ne’ebé PR Lú Olo seidauk  fó pose, nune’e atu hakma’an ita nia kofre Estadu la presiza membru Governu barak hanesan membru PN, nune’e la presiza, maibé ba ema seluk dehan presiza ne’e maka hanoin la hanesan”, akresenta Branco.

Nune’e Vise Xefi bankada partidu Congresso Nacional Reconstrução de Timor (CNRT), Patrocínio Fernandes hateten, AMP iha nesesariu atu kompleta kandidatu membru Governu na’in 9, ne’ebé  to’o oras ne’e seidauk simu pose husi PR Lú Olo.

“Ami seidauk iha diskusaun atu kompleta lista kandidatu ba membru  Governu no hala’o remodelasaun, maibé diskusaun agora ne’e atu hadi’a di’ak liu tan dezempeñu husi membru Governu hodi bele kontribui di’ak liu tan“, dehan Patrocínio.

Maski kandidatu membru VIII Governu na’in 9 indizita husi Primeiru Ministru (PM), Taur Matan Ruak ba PR Lú Olo to’o oras ne’e seidauk fó posse, maibé AMP mantein lista kandidatu na’in 9 ne’e.

Lee hotu :   PM Alkatiri husu Tribunal da Contas audit Ministeriu Turismu "Inklui REAO, MF ho MOP"

HAK konsidera prejudika dezenvolvimentu

Asosiasaun HAK konsidera Oitavu Governu inkompletu prejudika  progresu dezenvolvimentu iha Timor Leste.

Diretur Asosiasaun HAK Manuel Monteiro Fernandes, hatete, tinan ida ona Governu la’o maibé kontinua inkompletu dezenvolvimentu mós kontinua la la’o ba oin problema infraestrutura báziku sira labele la’o.

Tuir monitrorizasaun Asosiasaun HAK Infraestrutura ne’ebe mak sai prekopusaun mak hanesan iha Área Edukasaun, Saúde, Agrikultura, Beemós no Justisa

“Ami pesimista ho Governasaun inkompleta, maibe ita nia Primeiru Ministru optimista fiar án biar ami la’o ho roda tolu deit mos ami avansa nafatin, defaktu mak ne’e situasaun agora ita infrenta,” hateten, Manuel Monteiro ba JN-Diário, iha nia knar fatin Farol-Dili, Segunda (17/06/2019)

Manuel mos aprofunda liutan katak, Oitavu Governu ne’e Joventude barak sai ba buka servisu iha Australia no Korea sé joventude ho idade produtividade barak sai ba rai liur maioria sira ne’e lisiansetura.

Entaun labele kontribui no hakonu libertasaun nasional Timor Leste no barak husik nia suku, aldeia hodi halo servisu iha rai liur ne’e tanba koperasaun Governu ho Governu.

“Ida ne’e atu hateten Governu inkompletu ne’e labele koresponde ba nesesidade bazik ninia povu nian rasik,” dehan, Manuel Monteiro.

Manuel Monteiro mós esplika rezolve problema sira ne’e Governu husik deit, naran katak ba halo lobi ho Governu ne’ebe deit ne’ebe mak hakarak buka Joventude haruk ba deit, maibe Joventude sira ne’e tenke mantein iha ne’e.

Hodi halo servisu mantein ekonomia Timor Leste, ne’e klaru no ezemplu ne’e atu sukat katak Governu inkompletu ne’e prejudika duni ba implementasaun planu estratejiku nasional ne’ebe desidi iha 2020 to’o 2030 ne’e no tenke responde ona metas balun.

Lee hotu :   Embaixador foun Australia hasoru MRM ■Entrega karta apresiasaun

Manuel reforsa liutan ba’inhira sira lá jere konfiansa povu ne’e ho diak, Povu sé julga sira liu husi eleisaun tuir mai, tanba lakon ona konfiansa ba sira no sira ne’ebe uluk lakon votus bele aumenta, tanba hili no troka ida, hasae ida, hanesan realidade mak ne’e.

Maibé, atu mellora servisu Governu nian, kuadru polítiku Aliansa Mudansa ba Progressu-AMP ne’ebé dadaun ne’e kaer ukun  hala’o konferensia durante loron rua, (15-16/06/2019) iha Salaun Hotel Golgota-Comoro, hodi halo avaliasaun ba servisu Oitavu Governu no Parlamentu Nasionál. Ety/Eus

Add to Comments Here!!!!

error: Content is protected.
Secured By miniOrange
You might also like:
HABURAS VIDA ESPIRITUAL GMNTV Edisaun 101

DIA 17/06/19 || GMNTV LIVE STREAM || GRANDE ENTREVISTA || TAMBA SA INAN SOE BEBE?

HABURAS VIDA ESPIRITUAL GMNTV Edisaun 100

Close