JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN husu AMP halo inkéritu ba Ró Haksolok

FRETILIN husu AMP halo inkéritu ba Ró Haksolok

Bankada FRETILIN husu bankada Aliansa Maioria Parlamentar (AMP), liu-liu CNRT atu hari’i komisaun inkéritu ida, hodi halo fiskalizasaun ba kazu entre Governu Timor-Leste (TL) ho kompañia Australia nian, Lighthouse Corporation ho prosesu akizisaun Ró Haksolok, ne’ebé sai preokupasaun ba ema hotu iha TL.

“Bankada FRETILIN deklara katak, ami apoiu Bankada CNRT nia ideia atu husu hari’i Komisaun Inkéritu Parlamentár ba Ró Haksolok. FRETILIN mós apoiu ideia atu hari’i Komisaun Inkéritu Parlamentár ba kazu disputa ho kompañia Lighthouse Corporation. Ami komprometidu atu hola parte iha Komisaun Inkéritu Parlamentár hirak ne’e, no ami komprometidu mós katak, ami sei la boikota servisu sira komisaun nian no sei la boikota relatóriu komisaun inkéritu sira ne’e nian. Ba ida ne’e, Bankada Parlamentár FRETILIN husu atu ohin duni, Bankada CNRT hahú prosesu ba hari’i komisaun inkéritu Parlamentár ba kestaun bo’ot rua ne’e. Ha’u fó garantia kedas agora katak, pedidu ida ne’e sei hetan apoiu tomak husi Bankada Parlamentár FRETILIN. Hamutuk, ita sei halo servisu Komisaun Inkéritu Parlamentár hirak ne’e hetan susesu. Ami garante katak, Komisaun Inkéritu hirak ne’e sei la hasoru destinu hanesan ho Komisaun Inkéritu Parlamentár ba Kontratu fós ne’ebé uluk iha Segunda Lejislatura ita la to’o lori mai plenária tanba boikota. Komisaun hirak ne’e mós sei la hasoru destinu hanesan ho Komisaun Inkéritu Parlamentár ba projetu 143, ne’ebé to’o agora deputadu AMP sira kontinua boikota atu plenária ida ne’e labele apresia no debate ninia relatóriu”, hateten deputada FRETILIN, Lidia Norberta liu husi deklarasaun bankada iha sesaun plenária, Tersa (11/06/2019).

Lidia afirma, Kompañia Lighthouse ne’e tama iha Timor-Leste tanba Estadu mak lori mai rasik, la’os tanba pessoal husi FRETILIN.

Lee hotu :   PM TAUR PROMETE LORI MORIS DIAK BA POVU • XANANA SEI SIMU POSSE SEGUNDU FAZE

“Tanba Timor-Leste nia Embaixador ba Australia, Sr. Abel Guterres, mak lori mai, embaixador ne’e mak introdús kompañia Lighthouse ne’e ba Governu Timor-Leste. Ne’e duni, prosesu lori kompañia tama mai ne’e Estadu mak lori mai, tanba Embaixador Abel Guterres reprezentante ofisiál Estadu Timor-Leste nian iha Australia. Tamba ida ne’é áktu Estadu nian, Parlamentu presiza husu ba membru Governu sira ne’ebé tutela ba área ida ne’e iha tinan-2010. Parlamentu tenki husu ba Ambassador Abel Guterres, tenki husu ba Ministru Infraestrutura iha tempu ne’eba Pedro Lay, Ministra Finansas momentu ne’ebá Emilia Pires, no Sekretáriu Estadu ba Asuntu Eletrisidade iha Governu AMP ida uluk Januario Pereira. Deputadu mós horseik hatete, kontratu ho Lighthouse Coorporation ne’e hapara tanba depois asina tiha kontratu mak Governu foin ba haree, katak, kompañia ne’e laiha kapasidade, dehan nen iha eskritóriu ida mós. Sei informasaun ida ne’e mak los duni, ida ne’e mak hun ba problema sira ne’ebé ita-nia Estadu hasoru, ne’ebé Bankada FRETILIN krítika bebeik, oinsa mak Governu ida, bele halo kontratu ho valor milloens no milloens de dolares, sem buka hatene uluk se kompañia ida be ita fó kontratu ba ne’e iha kapasidade ka la’e?, ida ne’e mak ita dehan ukun na’in sira la sériu hala’o sira-nia servisu ba povu no rai ida ne’e, la kuidadu ho rekursu povu nian”, akresenta Lidia Norberta.

 Lidia Norberta afirma, FRETILIN rekere ona ba Governu atu bele esplika detallu asuntu ne’e iha PN, maibé seidauk realiza.

“Semana kotuk Bankada FRETILIN hatama ona rekerimentu ida ba meza Parlamentu atu husu debate ida ho Primeiru Ministru, Taur Matan Ruak iha plenária, antes Parlamentu tama ba resesu Parlamentár. Ami hanoin katak, debate ida ne’e oportunu duni tanba Governu halo ona rekursu iha Tribunal Supremu Victória, Australia nian, hasoru keixa ne’ebé kompañia Lighthouse Corporation hatama kontra Governu Timor-Leste, nune’e mós, Primeiru Ministru, Taur Matan Ruak, foin semana kotuk mak hasoru malu ho Prezidente Autoridade RAEOA ZEESM-TL, Marí Alkatiri iha Gabinete Primeiru Ministru nian. Informasaun sira ne’ebé Primeiru Ministru sei lori mai iha debate ho Parlamentu Nasionál ne’e pertinente tebes mai ita no ba povu. Liu-liu mai Parlamentu Nasionál atu ajuda ita hetan informasaun preliminár ba hari’i Komisaun Inkéritu Parlamentár ne’ebé maluk sira Bankada CNRT husu ona horseik, no ohin ami deklara Bankada FRETILIN nia apoiu no partisipasaun”, subliña Deputada opozisaun ne’e.

Lee hotu :   Funsionariu ADN balun ‘’riku matak’’

Iha biban hanesan, Xefi bankada CNRT, Duarte Nunes akresenta, CNRT ka AMP sei la halo inkéritu ba Ró Hakosolok ho kompañia Lighthouse, tanba iha prosesu refere presiza orsamentu ne’ebé bo’ot.

“Kazu Lighthouse tama ona prosesu judisiáriu, husu Governu mós lalika mai hatán, tanba ne’e ita hein de’it rezultadu Tribunal.

Kona-ba hari’i KIP, ida liu tiha ona, maibé RIP tiha ona, maibé atu hari’i foun, ami haree osan laiha, maibé atu haree ba situasaun ida Ró Haksolok, karik iha orsamentu ruma husi RAEOA karik ami prontu organiza, halo rekerementu ba inkéritu Parlamentar”, afirma Deputadu Duarte Nunes.

Entretantu, kompañia  Light house corporation ne’e, kesar Governu Timor-Leste iha tribunal Vitória Australia, no husu multa ho montante osan millaun USD 328, tanba konsidera Timor-leste viola kontratu ho kompañia refere.

Iha tinan 2010, iha akordu ida entre Timor-Leste ho kompañia light house Corporation atu fornese kombustivel, maibé kontratu refere la kontinua, tanba ne’e kompañia refere akuza Timor-Leste viola kontratu no tenki multa.say

Add to Comments Here!!!!

error: Content is protected.
Secured By miniOrange
You might also like:
Governu diminui ona veteranu falsu rihun ida

Sekretariu Estadu Asuntu Kombatente Libertasaun Nasional...

Vise MS rejeita abandona ASM iha Zenebra hodi mai pasiar iha Bali

Vise Ministra Saúde Asuntu Kuidadu Saúde...

PNTL ida ema taa iha Comoro

Ajenti Polísia Nasionál Timor-Leste (PNTL) ho...

Close