JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Vise PPN: Dirijente GAM balu la konsege kontrola membru

Vise PPN: Dirijente GAM balu la konsege kontrola membru

Primeira Vise Prezidenti Parlamentu Nasionál (PPN), Maria Angelina Sarmento, hatete, ikus-ikus ne’e violénsia akontese iha fatin-fatin, tanba dirijente Grupu Arte Marsiál (GAM) balun la konsege kontrola sira-nia membru.

“De faktu iha baze, arte marsiais sira, bainhira ita bandu atu labele halo atividade, maibé sira-nia atividade ne’e buras liutan, ita bandu ne’e mak sira nia atividade ne’e buras liutan, iha arte marsiais balun rua ou tolu ne’ebé mak sira nia dirijente sira lakonsege kontrola, sira-nia atividade produs tan membru hira, sira atividade regular treinu ne’e oinsa. Ministériu relevante ne’ebé mak mai hato’o iha PN, sira dehan katak, di’ak liu mak loke dalan ba sira halo rejistrasaun, hodi halo rejistu ba sira formalmente, para ita bele kontrola, sei ita la halo rejistu ba sira, sira eziste ilegal, ita dehan ilegal, maibé de faktu sira kontinua hela iha Suku no área remotas sira”, hateten Maria Angelina Sarmento ba jornalista iha PN, Kinta(11/07/2019).

Maria Angelina kontinua lamenta katak, iha semana kotuk ema na’in rua mate iha Leorema, no harahun komunidade nia uma barak tebes.

“PN bele halo lei to’o iha ne’ebé, maibé órgaun sira atu ezekuta  ne’e mak tenki forte, hanesan KRAM, sira mak halo supervizaun ho dirijente arte marsiais sira, oinsa buka dalan hodi hamenus konflitu entre arte marsial sira, tanba dalaruma ita bandu no prevene sira atu labele envolve iha krime, maibé  krime buras liutan. Hanoin ita bele kria de’it lei ida, rigorozu liutan, maibé sei ita la halo fizkalizasaun ida forte, no la halo supervizaun ida forte, husi polítiku no tékniku, Governu presiza tau rekursu osan ba iha ema sira ne’ebé hala’o servisu ne’e, bele iha fasilidade atu bele halo servisu, dala ruma lei iha, bele furak tebes, maibé to’o atu ezekuta laiha rekursu no fasilidade, hanesan de’it. Ezemplu de’it hanesan PNTL sira, sira  labele halo fiskalizasaun ho di’ak, kareta balun laiha, dalaruma kareta iha maibé kombustivel laiha, kondisaun báziku atu fasilita sira-nia servisu mak sai tiha ona difikuldade, tanba ne’e mak dala barak mosu konflitu iha komunidade nia leet, polísia komunitáriu sira labele halo buat ida, tanba sira laiha failidade. Tanba ne’e, planu atu garante seguransa rai laran ne’e, kompetensia Minstériu Interior, no arte marsiais ne’e, kompetensia SEJD atu haree, sira mak tenki fó prioridade ba programa sira ne’ebé atu jere konflitu iha rai laran, ita labele ezije de’it sira tenki halo hanesan ne’e, maibé kuandu kondisaun ladiak ba sira, no la permite para sira hala’o sira-nia kna’ar ho di’ak, susar ita atu iha espetativa ida bo’ot atu mantein paz no seguransa husi nível Suku mai to’o iha nasionál,”afirma Maria Angelina.

Lee hotu :   Desidi EA, PD simu ho tristi "Hahú konsolida estrutura"

Antes ne’e, Ministru Interior Interinu, Filomeno Paixão ho Komando jerál PNTL, halo ona audiénsia aberta ho deputadu sira Kinta lejislatura, hodi diskute kona-ba oinsa atu re-ativa hikas Grupu arte marsiais hirak ne’ebé taka tiha ona.

Iha inísiu fulan Jullu ne’e, mosu kazu omisídu iha Postu Administrativa Leorema, Munisípiu Likisa, rezulta ema na’in rua mate fatin, no 4 seluk hetan kanek, inklui uma 13 hetan estragus ho motor 7.say

Add to Comments Here!!!!

error: Content is protected.
Secured By miniOrange
You might also like:
Hili figura foun ka mantein Alkatiri, Governu hein PR promulga alterasaun lei RAEOA-ZEESM

Primeiru Ministru (PM), Taur Matan Ruak,...

Advogadu Indonézia garante sei laiha pena de morte ba kazál Timor-oan

Advogadu  privadu sidadaun Indonézia, Jeremias Haekase,...

DIA 11/07/19|| GMNTV LIVE STREAM || JORNAL AS 12

Close