JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Luta ba soberania nasionál, RENETIL apoia total Xanana Gusmão

Luta ba soberania nasionál, RENETIL apoia total  Xanana Gusmão

Organizasaun  Rezistência   Nacionál   dos Estudantil  de Timor-Leste (RENETIL) afirma sira-nia pozisaun hodi apoia tomak lider nasionál Kay Rala Xanana Gusmão, hodi kontinua lidera  negosiasaun  fronteira  nasionál  tasi, rai maran no lalehan  to’o hetan final.

“Ami RENETIL apoia total  ba maun boot Kay Rala Xanana Gusmão  hanesan  eis Komandante em Xefe FALINTIL komando superior  da luta, eis Prezidente Conselho  Nacional  da Resistênsia Timor  (CNRT),eis Prezidente Repúblika  no eis Primeiru Ministru  hodi lidera  negosiasaun   ba fronteira nasionál, tasi, rai no lalehan, to’o hetan final”,esplika Vise Sekretáriu Jerál  RENETIL, Francisco Belo  “Lires, liu  husi konferensia imprensa, Kinta (22/08/19), iha sede RENETIL, Farol, Díli.

Francisco Belo  “Lires, mos agradese   Prezidente Repúblika, Francisco Guterres Lú Olo, Primeiru Ministru, Taur Matan Rauk  no Prezidente Parlamentu Nasionál, Arão Noe, no fó forsa polítika  tomak ba fiar  ne’ebé mak  depozita ona konfiansa  ba líder nasionál Kay  Rala Xanana Gusmão hodi lidera  prosesu tomak  iha misaun   boot hatúr  soberania  nasionál  Estadu RDTL.

Francisco Belo  “Lires” apela ba fundadór no autor sira hotu ne’ebé mak uluk  luta ba ukun rasik a’an   husi kedas tinan 1975 hodi hatudu nafatin  sira-nia sentidu  responsabilidade   hanesan aman ba nasaun.

Liu husi ámbitu  selebrasaun tinan 20 vitória referendu ida ne’e RENETIL  hato’o   agredesimentu  no votu  felisitasaun  ba povu, ba luta nain  hotu, ne’ebé hamutuk hodi          lori funu ne’e to’o  rohan, prinsipalmente  líder nasionál, Kay Rala Xanana Gusmão, Komandante supreme Forsa Armada Libertasaun  Nasionál  (FALINTIL), organizasaun   rezisténsia tomak sosiedade sivíl, Igreja  Katólika Timor, liu-liu Dioseze  Díli, Baucau no relijioza  sira seluk.

Apela ba orgaun   Estadu  haat  hanesan Prezidente Repúblika, Parlamentu Nasionál, Governu  no Tribunal, hodi hamutuk hatúr  dignidade   no integridade  nasionál  iha fatin  a’as  ba interese  povu no nasaun  ida ne’e hodi labele  hatún Estadu Timor-Leste  nia oin iha ninia povu rasik  nia matan  no iha komunidade internasionál  sira-nia oin.

Lee hotu :   BOAMP lamenta PPN kansela debate OR

Ba entidade  iha rai ida ne’e atu hamutuk  iha espíritu interese  nasionál   nian, fó apoiu  másimu ba  maun boot Kay Rala  Xanana Gusmão, hodi kontinua  servisu  iha   misaun  Estadu nian hodi lidera  negosiasaun no tratadau  sira to’o final.

“Ba salva  guarda   soberania   nasionál  existensia   Estadu RDTL, laiha  dalan seluk   mak  ténki kuda unidade nasionál ba paz no ba dezenvolvimentu iha ida-idak    nia fuan no neon, hanesan  devér  divina no eternal  ba ita-nia soberania rai, tasi  no lalehan”,dehan  Francisco Belo  “Lires”.avi

Add to Comments Here!!!!

error: Content is protected.
Secured By miniOrange
You might also like:
FRETILIN husu Governu kontrola grupu ilegál Riin Besi Asu

Parlamentu Nasionál (PN), husu Governu atu...

CNRT lamenta Governu laiha kapasidade rezolve problema nasionál

Reprezentante povu iha Parlamentu Nasionál (PN),...

Ofisialmente PR Lú Olo publika ona tratadu FM ■ Kontinua estuda LFP-LAP

Prezidente Repúblika (PR), Francisco Guterres Lú...

Close