JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AMP konsidera PR Lú Olo haliis liu ba nia partidu

AMP konsidera PR Lú Olo haliis liu ba nia partidu

Vise Xefe bankada CNRT, deputadu Patrocino Fernandes, konsidera Prezidente Repúblika (PR), Francisco Guterres Lú Olo haliis liu ba nia partidu FRETILIN hodi la fó pose ba embaixadór sira.

Patrocino hatete, PR Lú Olo tenki fó pose ba embaixadór sira ne’ebé kontinua pendente to’o agora, hodi priense embaixada sira ne’ebé to’o agora mamuk hela no kontinua ho ho enkaregadu, tanba  bele implika ba dezenvolvimentu setór balun ne’ebé iha ligasaun ho servisu diplomata nian.

“Ne’e fó impaktu tanba ita hatene katak, Estadu Timor-Leste promove ita-nia servisu diplomata ba nasaun diplomata sira seluk, bele lori di’ak liutan Estadu Timor-Leste ba mundu internasionál, para depois dudu dezenvolvimentu iha setór hotu, tanba kuandu ita-nia relasaun ho nasaun sira seluk ne’e di’ak, se ita-nia embaixadór sira kontinua pendente no lahetan posse husi PR, implika ba ita relasaun diplomata, ne’e hatudu katak, PR kontinua halimar polítika utiliza nian kna’ar, hodi kontinua pendente tan posse ba kandidatu embaixadór sira ne’ebé mak governu propoin, demonstra momos katak, PR utiliza nia kompetensia hanesan Xefe Estadu ne’e, hodi halo polítika, ne’ebé a favor liu ba partidu ne’ebé PR iha ba. PR la demonstra katak, nia prezidente ba Estadu tomak maibé, ba forsa polítika ne’ebé nia afilia ba, tanba ne’e mak nia eskolla hodi fó posse de’it ba embaixadór ne’ebé kor polítiku hanesan ho PR, no pendente kandidatu hirak ne’ebé tuir Xefe governu mak propoin”, hatete Patrocino Fernandes ba GMN iha PN, Kuarta (18/09/2019).

Deputadu AMP ne’e kontinua husu Xefe Estadu ho Primeiru Ministru tau interesse Estadu aas, hodi subtitui ona embaixadór sira ne’ebé mandatu remata ona, tanba sela’e bele hatudu imajen ladi’ak iha ema nia nasaun.

Lee hotu :   PR Lú Olo: Ha’u asumi knaar tuir konstituisaun

“Tanba ne’e ita fila fali ba orgaun hotu-hotu, liu-liu polítiku sira. Dala barak ita duun ka hateten ba ema seluk atu tau interese nasaun nian aas liu interese hotu-hotu maibé, ita rasik defisil tebes atu tau iha prátika, iha ita-nia asaun sira maibé, ne’e fila fali ba ita-nia PR ho parte governu rasik, oinsa mak halo negosiasaun ho PR para oinsa buka solusaun, hodi fó posse ba embaixador sira”, tenik Patrocino.

Iha fatin hanesan, deputadu FRETILIN, Antoninho Bianco konsidera, kompetensia Xefe Estadu nian, hodi halo selesaun kandidatu hirak ne’ebé governu aprezenta, tanba embaixador presiza iha ema ne’ebé ho kapasidade aas, tanba reprezenta Estadu ba mundu.

” Ne’e Xefe Estau mak hatene liu, tanba nia mak iha kompetensia atu fó posse, tanba ne’e nia ezerse nia papel, governu bele propoin, depois atu fó tomada de posse ne’e klaru Xefe Estadu, ne’e Xefe Estadu nia papel ha’u labele mete, tanba ne’e dalaruma nia buka ema ne’ebé terbaik para reprezenta Estadu ne’e tomak, governu, Parlamentu no se se de’it maibe, kuandu embaixador ba iha liur ne’e, nia tenki hatene ko’alia kona-ba Parlamentu, asuntu governu, justisa no kualker asuntu nia tenki hatene hotu, nu’udar reprezentante Estadu ida, tanba ne’e tenki selesaun, la’os tu’ur tu’ur foti ema hodi ba de’it para tuir partidu nia gostu de’it, ne’ebé Xefe Estadu ezerse nia kompetensia, para ema reprezenta Estadu ne’e, ema ne’ebé bele duni maibe, ne’e depende ba governu halo selesaun no MNEK buka kandidatu ne’ebé di’ak, aprezenta ba PR katak, ema ne’e konvense ho nune’e duni, para atu asegura Estadu ne’e iha rai liur”, dehan deputadu opozisaun ne’e.

Lee hotu :   FRETILIN: Poder informal difikulta ezekusaun OJE 2019

Antes ne’e, Primeiru Ministru Taur Matan Ruak propoin kandidatu embaixador nain 15, inklui embaixador nain tolu ne’ebé nomeia husi Sétimu Governu Konstitusional, ne’ebé Xefe Estadu fó uluk posse ona, iha inísiu fulan Agostu tinan ne’e, nu’udar embaixadór ba Nova Zelandia, Estadus Unidus Amérika inklui Brazil.say

Add to Comments Here!!!!

error: Content is protected.
Secured By miniOrange
You might also like:
Malnutrisaun iha Timor-Leste atinji 40%

Diretór Ezekutivu Forum ONG Timor-Leste (FONGTIL),...

Kazu ta’a malu no naok ema nia sasán, impaktu husi fatór ekonomia no dezempregu

Reprezentante povu iha Parlamentu Nasional (PN),...

PN hatudu lisaun ladiak ba jerasaun foun

Parlamentu Nasionál (PN) kontinua kansela Prezidente...

Close