JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AMP kontinua ezije PR fó posse ba kandidatu membru governu pendente

AMP kontinua ezije PR fó posse ba kandidatu membru governu pendente

Deputadu Aliansa Maioria Parlamentar (AMP), Patrocino Fernandes, kontinua ezije ba Prezidente Repúblika (PR), Francisco Guterres Lú Olo,  atu fó posse ba kandidatu membru VIII Governu Konstitusional, ne’ebé sei pendente hela, tanba sela’e sei fó impaktu prosesu ezekusaun orsamentu jerál Estadu nian.

Vise Xefe bankada CNRT ne’e konsidera, Xefe Estadu nunka tau prátika iha asaun sira, ba deklarasaun sira ne’ebé sempre nia fó ba públiku, liu husi diskursu sira, ne’ebé apela ba governu atu atensaun ba dezenvolvimentu no povu nia moris di’ak, tanba área importante sira ne’ebé Xefe Estadu prefere, kuaze seidauk iha ema atu responsabiliza, tanba Xefe Estadu rasik seidauk fó posse.

“Ita tinan ida resin ona, la’o ho governu inkompletu, hanesan PR iha nesesivel ka la’e, tanba durante ne’e iha diskursu sira mesak furak, ne’ebé mensiona katak, governu tenki tau matan ba dezenvolvimentu turizmu, no buat sira ne’e hotu maibé, membru governu ne’ebé atu responsabiliza ba área sira ne’ebé mak PR sita iha nia diskursu ne’e rasik, la fó posse, ne’e hatudu katak, ko’alia kontrariu ho asaun”, hateten Patrocino ba GMN, iha PN Kuarta (18/09/2019).

Patrocino ne’e subliña, AMP sei kontinua mantein ho lista atual, bainhira Xefe Estadu la fó justifikasaun ne’ebé klaru, relasiona ho kandidatu pendente na’in 9 ne’ebé Xefe Estadu husu pondera.

“Dalabarak ona ami hatete katak, PR nia razaun ne’e tenki tau iha asaun administrativa, hodi fó resposta ba governu, membru governu ne’e la fó posse, tanba ida ne’e ida ne’e, la’os halo de’it deklarasaun iha públiku de’it, nia politika ne’e tenki konkretiza iha asaun administrativa, aprezenta razaun no justifika para governu bele foti desizaun, PR labele halimar de’it”, afirma deputadu CNRT ne’e.

Lee hotu :   Povu TL fó parabens ba Xanana Gusmão

Iha fatin hanesan, deputadu bankada FRETILIN, Antoninho Bianco sujere atu AMP buka ema hodi substitui kandidatu pendente ne’e, hodi bele assegura servisu Estadu nian, tanba sei iha ema intelektual barak.

Deputadu opozisaun ne’e mós konsidera, AMP bosok, bainhira laiha justifikasaun husi Xefe Estadu, tanba konsidera Xefe Governu Taur Matan Ruak hatene lolos kona-bá, razaun hotu Xefe Estadu nian.

“Ema na’in 9 de’it nia background ne’e di’ak liu fali Xefe Estadu?, imi haruka na’in 9 ida pendente ne’e ba to’ok halo eleisaun iha baze, ema hili sira na’in 9 ne’ ka la’e, agora sira priense rekezitus tuir PR dehan labele, ne’e tenki buka ema seluk para asegura, sei razaun dehan na’in 9 ne’e seidauk simu posse. Sira bosok, AMP hatene nanis ona justifikasaun husi Xefe Estadu, husu ba PM, nia mak hatene di’ak liu, PM mak tenki husu ba ema sira AMP ne’e katak, AMP nia ema atu troka iha ka la’e, se ema seluk laiha, bele mós sidadaun seluk, tanba intelektuais barak, tanba ukun ne’e la’os ba partidu, maibé, ba povu no Estadu, PR ezerse nia kompetensia bazeia ba KRDTL”, Bianco akresenta.

Antes ne’e, Xefe bankada PD, deputadu António da Conceição deklara ona katak, sei la fó apoiu ba Orsamentu Jerál Estadu (OJE) ba tinan 2020 nian, bainhira membru governu kontinua la kompleta, tanba sela’e sei iha fallansu ba ezekusaun OJE  nian.

Iha plenária semana ne’e mós, bankada AMP vota kontra viajen Xefe Estadu ba Nova Iorque, ho razaun tanba Xefe Estadu seidauk fó posse ba kandidatu membru Oitavu Governu Konstitusional ne’ebé sei pendente hela.

Lee hotu :   FRETILIN dúvida kapasidade Timor GAP

Entertantu, kandidatu membru governu ne’ebé sei pendente mak hanesan, Virgilho Smith, Helder Lopes, Jacinto Rigoberto, Sergio Lobo, José Turquel, Amandio Benevides, inklui Kay Rala Xanana Gusmão, Francisco Kalbuadi Lay no António Verdial ne’ebé rezigna aan ona husi lista refere.say

Add to Comments Here!!!!

error: Content is protected.
Secured By miniOrange
You might also like:
AMP konsidera PR Lú Olo haliis liu ba nia partidu

Vise Xefe bankada CNRT, deputadu Patrocino...

Malnutrisaun iha Timor-Leste atinji 40%

Diretór Ezekutivu Forum ONG Timor-Leste (FONGTIL),...

Kazu ta’a malu no naok ema nia sasán, impaktu husi fatór ekonomia no dezempregu

Reprezentante povu iha Parlamentu Nasional (PN),...

Close