JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo kongratula INTERFET ■ Peter Cosgrove agradese povu TL

PR Lú Olo kongratula INTERFET ■ Peter Cosgrove agradese povu TL

Prezidente Repúblika (PR), Francisco Guterres Lú Olo, kongratula no fó omenajen ba prezensa misaun International Force East Timor (INTERFET) tanba bele normaliza situasaun torturasaun ne’ebé milísia pro-Indonézia sira halo ba Timor-oan sira iha tinan 1999 liu ba.

“Hafoin INTERFET tama Timor-Leste, organizasaun umanitária barak mós mai Timor-Leste hodi fó tulun ai-han no asegura kuidadu saúde báziku emerjénsia ba refujiadu no dezlokadu sira. Ha’u aproveita oportunidade ida ne’e hodi fó omenájen mós ba organizasaun sira ne’e, inklui voluntáriu rihun ba rihun ne’ebé kontribui ba hakmaan uitoan  komunidade sira ne’ebé moris  iha susar laran”.  Afirma Xefe Estadu Francisco Guterres Lú-Olo iha nia deskursu iha ambitu selebrasaun prezensa misaun INTERFET iha Timor-Leste ba dala 20 iha Palasiu Governu Sesta (20/09/2019).

Xefe Estadu mós fó omenájen ba média sira ne’ebé ho aten-barani fó sai ba mundu tomak kona-ba susar no terus ne’ebé Timoroan sira hasoru durante fulan Setembru. Sira buka fó hatene mós Povu nia mehi ba independénsia, mak sira la  halo ida ne’e  karik,  mundu la hetan koñesimentu natón konaba ita nia luta ba autodeterminasaun no ukun-rasik an.

“Ita hanoin hikas loron ohin ne’e atu fó omenájen   liuliu ba militár sira-ne’ebé kumpri sira nia misaun no fó onra ba ida-idak nia bandeira bainhira partisipa iha operasaun estabilizasaun. Misaun ida ne’e hotu ho susesu no  dominasaun indonézia mós hotu, no dalan loke ba timoroan restaura Timor-Leste, nu’udar Nasaun”.

Lú-Olo rekoñese no agradese ba kontribuisaun, boot ka kiik, ne’ebé  INTERFET iha períodu oin-oin, maibé kontribuisaun boot liu mai hosi Austrália no Nova Zelándia inklui mós nasaun sira seluk.

Tanba ne’e  ita agradese  ba governu Austrália ne’ebé kompromete sira an no esforsu internasionál ba manutensaun pás, hodi restaura fali orden iha  ita nia rai.

“INTERFET ninia susesu militar,  sai modelu di’ak ida ba operasaun halo manutensaun  pás sira seluk. Sira  konsege kumpri duni sira nia misaun  hakmatek ita nia Rai”.

Lee hotu :   PN husu Governu labele hasai guia de marcha arbiru ba FP ■ Loron feriadu, zero toleránsia ba FP uza patrimóniu Estadu

Realsa katak,  forsa internasionál ida ne’e  mak simu mandatu forte  no klaru liu to’o ohin loron mak  INTERFET   mai Timor-Leste, ho preparasaun di’ak tebes, ho ekipamentus no kilat ne’ebé adekuadu hodi enfrenta ambiente ida ne’ebé lahakmatek, ho risku aas tebes no nakonu ho inserteza.

No iha tinan 20 ba kotuk timoroan hakarak los atu Nasoins Unidas mai lalais liu-liu soldadu INTERFET sira  ho laran-haksolok tebes. Importante INTERFET tama iha momentu ne’ebá tanba haburas kedas klima seguransa no ambiente estável no seguru liután ba UNTAET hodi bele hala’o ninia knaar no mós loke dalan ba timoroan hodi bele hakaat ba oin to’o ita restaura ita nia independénsia iha Maiu 2002.

“Estadu Timor-Leste hamosu Medalla Solidariedade nudar jestu rekoñese mós militár estranjeiru sira ne’ebé simu mandatu atu asiste operasaun Defeza no Seguransa  durante períodu INTERFET, entre 20 setembru 1999 no 28 fevereiru 2000”.

Ba Komandante  INTERFET nian, Estadu Timor-Leste kondekora ho Kolar Órden Timor-Leste, iha 2009 no ho Grande Kolár Órden Timor-Leste, iha tinan 2016, bainhira kaer ona knaar nu’udar Governadór Jerál Austrália. Órden ne’e hari hodi rekoñese, ho prestíjiu no dignidade, nasionál no estranjeiru sira, ne’ebé liuhusi sira-nia atividade profisionál, sosiál no liu husi eróiku  ka  domin ne’ebé fó benefísiu boot ba Timor-Leste, liu-liu  timoroan sira ka ba Umanidade.

Lori Repúblika no Povu Timor-Leste nia naran ho laran murak,  hakarak agradese dala ida tan ba militár sira-ne’ebé fó an tomak durante períodu INTERFET. Permite nia  hato’o saudasaun espesiál ba ita-nia belun boot, Jenerál  Peter Cosgrove. Tenik Lú-Olo.

TL agradese kontribuisaun ONU

Estadu Timor-Leste (TL) realiza seremonia komemorasaun  loron INTERFET  ba dala 20  hodi memoria fali istória negra no agradese ba kontribuisaun ONU liu husi misaun dame INTERFET nian iha TL.

Lee hotu :   PM Austrália Scott John Morisson Agradese xefe negosiadór ba asuntu Fronteira Marítima Kay Rala Xanana Gusmão

Iha Sesta loron rua nolu fulan Setembru  ne’e, Estadu Timor-Leste komemora aniversáriu misaun INTERFET ba dala 20 tama mai TL, tanba loron ne’e  importante tebes ba  povu no nasaun TL, tanba  iha tinan rua 20 liu ba, povu hasoru situasaun konflitu nune’e  liu husi organizasaun Nasoes Unidas (ONU), haruka Forsa INTERFET tama iha TL atu fó  seguransa hodi asegura situasaun iha teritóriu Timor laran tomak iha tinan 1999 depois de referendum.

Kordenador Jeral Komisaun organizadora ba seremonia ne’e, Virgilio Smith hatete,  eventu ne’e parte ida atu fó hanoin oinsá jerasun foun sira bele hatene kona ba istória misaun INTERFET  ne’ebé tama iha TL iha Tinan 1999 hodi asegura no hari dame iha momentu ne’eba.

“Eventu ida ohin ne’e ita selebra 20 anos selebra INTERFET tama iha Timor, ita hotu hatene li-liu jerasaun foin sa’e sira ne’ebé moris iha tinan 1999, ne’ebé sei ki’ik karik para atu hatene katak loron 20 Setembru nu’udar loron INTERFET mai iha Timor-Leste iha momentu ida ne’ebé Timor-Leste hetan refrendum hodi akontese inskrisaun bo’ot tanba tentara Indonézia ho milísia sira oho ita-nia populasaun sira, tanba iha momentu ne’eba situasaun perigu tebes atu salva populasaun sira maibé, ho prezensa Forsa INTERFET bele asegura situasaun iha Timor-Leste”, hateten Virgilio Smith ba Jornalista iha CCD Kaikoli Díli, Sesta (20/09)

Nia salienta, loron 20 Setembru ne’e, TL tama ba situasau ida diak ona maibé, tinan 1999 iha momentu ne’ebé situasaun ida difisil tebes maibé, konsege hakat liu ona nune’e agora faze ida atu oinsa.

Nune’e mós Ministru Asuntu Veteranus Austrália, Darren Chester hatete, nia hanoin relasaun Timor-Leste ho Australi pozitivu tebes, no iha esperansa ne’ebé bo’ot tanba entre veteranu Timor-Leste ho Austrália iha ligasaun diak.

Lee hotu :   Projetu laiha kualidade, ADN sei la rekomenda atu selu

Entretantu, hafoin seremonia aniversário loron INTERFET, kontinua la’o Marsa ba dame husi Palásiu Governu to’o  Centru Convensaun Díli. Partisipa iha seremonia no marsa ba dame ne’e, mai husi nasaun Austrália, Novazelandia,  Portugal, Estadus Unidus Amérika,Tailandia,  Filipina no Indonézia.

Total orsamentu ba komemorasaun aniversário loron INTERFET ba dala 20 ne’e hamutuk rihun lima nolu resin.

Peter Cosgrove agradese povu TL

Eis Jeneral INTERFET (International Force East Timor), Peter John Cosgrove fó agradesimentu ba povu Timor-Leste (TL),  tanba bele fó onra ba forsa INTERFET, iha komemorasaun misaun INTERFET nian ba tinan 20 iha Timor-Leste.

Peter John Cosgrove kontenti tanba bele fila hikas mai TL iha ámbitu komemorasaun tinan 20 misaun interfet iha TL, nu’udar ema ne’ebé lidera forsa interfet iha momentu ne’eba.

“Ha’u hakarak dehan ba povu Timor-Leste, iha momentu ne’eba, ami haree  duni ita bo’ot sira-nia sofrimentu no mós ita bo’ot sira-nia korazen, ami  haree destruisaun maibé, ami mós haree determinasaun hodi konstrui no ultrapasa, no mós ita bo’ot sira-nia optimista ita-nia alegria bainhira hanoin kona ba funu no esperansa”, dehan Jeneral Peter Cosgrove iha-nia intervensaun ba komemorasaun tinan 20 misaun interfet iha Timor Leste, Sesta (20/09/2019) iha Palásiu Governu.

Nia haktuir, momentu tinan 20  ba kotuk, sira mai TL hodi ajuda Timor-oan sira, husi ajuda ne’e sira hetan insipirasaun husi povu sira, tanba sira mai TL hodi halo kna’ar maibé, bainhira sira fila husi Timor, sira senti diferente, liu husi simu konfiansa no domin ba sira.

“Ami nia kna’ar nakfilak hanesan previleziu, tinan 20 depois ami fila fali  mai Timor-Leste, kontenti marka prezensa iha ne’e hodi deseza ita bo’ot sira, no agradese ita bo’ot sira, fó ona onra mai ami”, subliña Peter.Aes/aba/oly

Add to Comments Here!!!!

error: Content is protected.
Secured By miniOrange
You might also like:
Dia 20/09/2019 || GMNTV LIVE STREAM || JORNAL AS 12

Dia 19/09/2019 || GMNTV LIVE STREAM || JORNAL NASIONAL KALAN

Disputa rai iha Kaitehu, Pedro rekoñese resibu selu rai tau Mario Belo nia naran

Problema disputa rai entre kompañia Marino...

Close