JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kansela viajen PR la fó impaktu negativu ba relasaun internasional

Kansela viajen PR la fó impaktu negativu ba relasaun internasional

Dekanu Fakuldade Siensia Politika Universidade Dili, Hugo da Costa konsidera Parlamentu Nasional kansela viajen Xefe Estadu nian ba rai liur nee la fó impaktu negativu ba relasaun internasional.

“Ha’u hanoin kanselamentu viajen Prezidenti Repúblika ba nasaun lubuk ida husi kedas santa sé to’o estadus unidus amerika ho nasaun lubuk ,ida ne’e la fó impaktu negativu ida ba ita nia kooperasoens intenasionais, tanba ne’e kestaun internal, tanba bainhira viajen presidenti nian ba rai liur tenke hetan aprovasaun orsamentu husi parlamentu nasional, tanba sa hetan aprovasaun tanba osan ne’e osan povu nian”, dehan, Dekanu Fakuldade Siensia Politika ba JNDiário, Segunda (30/09/2019), iha Universidade Dili.

Dekanu Fakuldade Siensia Politika Universidade Dili, Hugo da Costa esplika situasaun sira ne’e akontese, tanba partidu politika sira hadau poder, Prezidenti Repúblika lá halo posse ba ministru nain sia hodi nune’e parlamentu nasional halo kanselamentu viajen xefe Estadu nian.

“Ha’u hanoin kanselamentu viajen Prezidenti Repúblika ba nasaun lubuk ida husi kedas santa sé to’o Estadus Unidus Amerika ho nasaun lubuk ,ida ne’e la fó impaktu negativu ida ba ita nia kooperasoens intenasionais, tanba ne’e kestaun internal, tanba bainhira viajen presidenti nian ba rai liur tenke hetan aprovasaun orsamentu husi Parlamentu Nasional, tanba sa hetan aprovasaun, tanba osan ne’e osan povu nian”, dehan Hugo da Costa.

Akademiku nee konsidera, politika ne’e iha liafuan ida katak, take and give, katak sé ita kuda, mak ita kú, sé ita la kuda, ita atu ku seida?

Maske nunee Dekanu nee dehan Prezidente Republika iha alternativu atu halo viajen ba rai liur maka uza osan rasik.

Lee hotu :   PPN Arão Noe konsulta PM , PN sei konfirma votu no hasai osan sosa asaun ConocoPhillips-Shell

“Iha alternativu seluk iha, antes ne’e ha’u dehan ona alternativa seluk mak Prezidenti Repúblika nia bele uza nia osan rasik, pro-ezemplu ba Santa sé, altura nia la ba, prezidenti iha osan bele uza osan rasik bele halo vizita hanesan ema kristaun,” dehan Hugo da Costa.

Nia afirma tan katak jeralmente ita nia relasaun internasionais ne’e la iha impaktu ida, bainhira ita nia Prezidenti Repúblika la konsege halo vizita iha nasaun ida, tanba tenke hetan aprovasaun husi parlamentu.

Nia dehan situasaun kansela viajen nee akontese, tanba  iha partidu sira hadau malu konkista poder, entaun prezidenti la halo posse ba ministru nain hirak ne’e.

Dekanu akresenta tan katak Prezidenti Repúblika lá reprezenta Estadu, sira nain hira ne’e hanesan deit,  sira defende grupu deit ida ne’e mak probelma, ne’e mak dada situasaun ne’e sai hanesan ne’e. Maibe jeralmente, kansela viajen xefe Estadu ne’e la fó impaktu ba relasaun Interansional.

Antes nee, Xefe Estadu Francisco Guterres Lú Olo, atu halo viajen iha loron 18 fulan ne’e hodi ba tuir simeira klimátika, iha loron 23 fulan ne’e, inklui assembleia jerál ONU ba dala 74 iha Nova Iorke husi loron 24 to’o 30 Setembru ne’e, nunee mos kansela viajen ba Santa sé, tanba maioria deputadu iha Parlamentu Nasionál vota kontra pedidu viajen xefe Estadu nian, nune’e mos iha loron (30 /09/2019) Parlamentu Nasional kansela tán viajen Prezidenti Repúblika ba nasaun Indonesia no Nasaun Japaun.

Razaun deputadu sira vota kontra viajen ba Prezident Republika, tanba xefe Estadu seidauk fó pose ba membru governu pendente.

Parlamentu Nasional Kansela viajen Prezidente Republika nian nee mosu kritika husi sosiedade sivil katak sei fó impkatu negativu ba relasaun internasional Timor Leste nian, maibe dekanu nee dehan laiha impaktu negativu.

Lee hotu :   TL transfere ona millaun USD 650 ba ConocoPhillips-Shell ■ Sai partisipasaun maioritária iha esplorasaun GS

Xefe Estadu sira nebe la partisipa iha Simeria kilmatika nebe Nasoens Unidas organiza nee, Prezidente Republika Indonesia, Joko Widodo, Prezidente Rusia, Vildamir Putin, Primeiru Ministru Israel, Benjamin Netanyahu no Prezidente Republika Timor – Leste, Francisco Guterres Lu­- Olo. Eus

Add to Comments Here!!!!

error: Content is protected.
Secured By miniOrange
You might also like:
Pasiente mate bebeik iha sala operasaun, PN husu governu muda jestaun servisu HNGV

Reprezentante povu iha Parlamentu Nasionál (PN),...

PNTL la autoriza MUTL halo manifestasaun kontra PN

Komando Polísia Nasionál Timor-Leste (PNTL) Munisípiu...

Governu fó vistu livre ba turista sidadaun Indonesia  Agustinho Gomes: implika ba reseitas

Governu hasai ona  rezolusaun númeru 25/2019,...

Close