JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Gusmão: Setor gas no petróleu pilar importante ba dezenvolvimentu Timor-Leste

Xanana Gusmão: Setor gas no petróleu pilar importante ba dezenvolvimentu Timor-Leste

Xefe Negosiador Fronteira Marítima, Kay Rala Xanana Gusmão hatete, setor gas no petróleu hanesan pilar importante ba dezenvolvimentu Timor-leste, inklui setor turismu no agrikultura.

“ Planu estratéjiku dezenvolvimentu Timor-Leste nian, hatur petróleu hanesan industria estratéjika ne’ebé sei sustenta ita nia kresimentu ekonómiku, kria empregu no progresu iha futuru nu’udar Nasaun estável no susessu”, deklara Xefe Negosiador Fronteira Marítima, Kay Rala Xanana Gusmão, iha nia diskursu konferensia simeira internasional gas no petróleu, Kinta (03/10/2019) iha Centru Konvensoens Díli.

Xefe Negosiador afirma, simeira internasional gas no petróleu hanesan dahuluk realiza iha ita nia paiz, hodi fó oportunidade atu diskute planu hirak ne’e, hodi kuñese partisipante sira iha setor ida ne’e, nune’e bele troka esperensia no prespetiva ho investidor potensial sira hodi halo parseria ba dezenvolvimentu ho ita nia Nasaun.

“Maske iha dezafiu barak ne’ebé antes ita hasoru atu dezenvolve setor ida ne’e, ita bele koalia katak ita lao liu ona dalan naruk, estabelesimentu fundu petrolíferu atu asegura total transparénsia no jestaun adekuada ba ita nia reseita ba jerasaun ida agora no future, ho orgulhu tebes katak ita sai hanesan Nasaun datoluk iha mundu no dahuluk iha Ásia,  asina no kumpri totalmente índise transparensia  Industrias Extrativas”, afirma Xanana Gusmão.

Líder karismátiku ne’e haklean katak, Timor-Leste kria ona nia empreza Petrolífera Nasional Timor GAP,  tanba ne’e importante tebes  investe makas iha formasaun ba povu Timor-Leste, atu nune’e bele aproveita másimu oportunidade ne’ebé mai husi dezenvolvimentu nune’e governu apoia ona mestradu nain atus 200 no apoia mos ema besik 2000 ba kursu sira seluk ne’ebe relevante iha ámbitu industria petrolífera.

Lee hotu :   PR Lú Olo hahu rona CNRT, KHUNTO no UDT

“ Hanesan imi hatene, agora daudaun ita servisu hela iha projetu Tasi Mane hodi hari’í industria petróleo iha kosta sul, projetu ida ne’e  inklui baze fornesimentu husi Suai refenária ida iha Betano no Planta Gas Natural Liquefeito (LNG) iha Beaço, ho ida ne’e ita bele kria kondisaun nesesária atu ita bele esplora oportunidade ne’ebé oferese husi setor petróleo no gas iha ita nia rejiaun,” afirma Xanana Gusmão.

Iha okaziaun ne’e Eis Primeiru Ministru, Kay Rala Xanana Gusmão, hateten mós katak  iha tempu badak, atual Primeiru Ministru, Taur Matan Ruak, sei lansa dalan ba lisensa atu halo estudu no explorasaun ba petróleo.

“Dalan ba lisensa ida ne’e sei oferese oportunidade diak tebes atu investe iha postu petróeo no gas potensial iha ita nia nasaun, no kria parseria foun hodi dezenvolve hamutuk potensia hirak ne’e,” tenik Xanana.Fel

Add to Comments Here!!!!

error: Content is protected.
Secured By miniOrange
You might also like:
Dia 02/10/2019 || GMNTV LIVE STREAM || JORNAL NASIONAL KALAN

Dia 03/10/2019 || GMNTV LIVE STREAM || DADER KMANEK

Pedro Belo: Atuasaun PNTL la’os ho forsa

Reprezentante Komandante Jerál PNTL, Superintendente Xefe, ...

Close