JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ahi mate iha Aeroportu Comoro, PN konsidera hatún dignidade Timor-Leste

Ahi mate iha Aeroportu Comoro, PN konsidera hatún dignidade Timor-Leste

Prezidenti komisaun E ne’ebé trata asuntu infra-estrutura iha Parlamentu Nasional (PN), Abel Pires da Silva hateten, akontese ahi mate iha aeroportu internasional Nicolau Lobato, Comoro-Díli ne’e, hatudu imajen la di’ak ba mundu hodi hatún dignidade Timor-Leste.

Tuir Abel Pires, aeroportu internasional ne’e odamatan boot Timor-Leste ni’an, nune’e wainhira ahi mate hanesan ne’e halo nakukun, nune’e fó impaktu ba pasajeiru sira atu movimentu ba mai.

“Ita ko’alia atu hasa’e turista no indústria turizmu, maibé ahi mate iha odamatan boot Timor-Leste nia impaktu la’os funsionáriu deit iha aeroportu, maibé ida ne’e hatudu imajen Estadu ni’an la di’ak no sei la produtivu atu dada ema mai vizita Timor-Leste”, deputadu husi bankada PLP ne’e ba jornalista sira iha PN, Segunda (18-11-2019).

Prezidenti komisaun E PN ne’e, hateten, hanesan reprezentante povu, liu-liu komisaun E sinti tristi no lamenta teb-tebes, nune’e husu atu labele akontese tan iha futuru.

“Buat ne’ebé akontese ona ne’e sai hanesan lisaun importante ba futuru atu labele akontese tan, sé akontese tan atu ko’alia tan saída mós la hatene, aeroportu la’os ba pasajeiru sira deit, kalan ne’e sai hanesan dezastre kona-bá ema nia moris pasajeiru sira hanesan direitu konsumidór no sidadaun”, tenik Abel Pires.

Antes ne’e, Ministru Transporte no Komunikasaun (MTK), José Agostinho da Silva, rekoñese, ahi mate iha aeroportu internasional Prezidenti Nicolao Lobato, Comoro-Díli, tanba problema difikuldade iha jeradór.

Iha Sábadu, loron 16, fulan Novembru ne’e, eletrisidade iha área balun kapital Díli mate husi tuku 11:00 to’o tuku 01:00 fó impaktu ba servisu funsionáriu sira ne’ebé halo check-in-check out ba pasajeiru sira, ho situasuan ne’e funsionáriu sira obrigadu tenki uza lampra telemóvel hodi bele halo check-in-check out manual.

Lee hotu :   GRANDE ENTREVISTA Hamutuk ho Dr.Jose Ramos Horta

Enkuantu Inspetur Imigrasaun, Ernesto Maia husu ba governu atu tau jeradór ida, iha fasilidade ne’e atu situasaun hanesan ne’e, labele repete tan iha futuru. ety

Add to Comments Here!!!!

error: Content is protected.
Secured By miniOrange
You might also like:
MS deside Zebra Metan halo tratamentu saúde iha Singapura

Ministériu Saúde (MS), liu husi Junta...

CNRT promete sei apoia LUGU durante mandatu iha RAEOA

Kuadru partidu CNRT, promete sei fó...

Impaktu husi ahi mate, Aviaun Citilink ho Sriwijaya semo tarde

Aviaun Citilink ho Sriwijaya  semo  tarde...

Close