JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mark Clark apresia esforsu Xanana rezolve disputa FM

Mark Clark apresia esforsu Xanana rezolve disputa FM

Diretór Gabinete Asuntu Marítima Sudeste Aziátiku Estadus Unidus Amerika, Mark Clark, apresia ba Xefe Negosiadór Fronteira Marítima Kay Rala Xanana Gusmão, nebe bele solusiona disputa Fronteira Marítima (FM), Timor- Leste – Australia ho diak.

Diretór Gabinete Asuntu Marítima Sudeste Aziátiku Estadus Unidus Amerika hato’o apresiasaun ne’e, hafoin hasoru malu ho Primeiru Ministru Taur Matan Ruak, Sesta (15/11), iha Palásiu Governu.

“Timor-Leste hanesan nasaun Demokrátiku ida iha rejiaun sudeste aziátiku halo ona buat ida ne’ebé diak tebe-tebes, katak rezolve ninia disputa Fronteira Maritíma ho diak tebes no ba oin hein katak, Timor-Leste sei kontribui diak liután hanesan nasaun demokrátika ida iha área ne’e iha mundu no mós iha rejiaun sudeste aziátiku”, dehan Mark  Clark.

Iha sorumutu ne’e sei hametin liután parseria entre Amerika ho Timor – Leste, tamba ne’e mai rona ideia husi PM atu haree didiak parseria ne’ebé durante ne’e iha ona entre EUA ho Timor- Leste.

Iha diskusaun ne’e koalia asuntu oin-oin atu hametin liután relasaun entre nasaun 2 ne’e, iha sorumutu ne’e fó liu valorizasaun entre povu EUA ho TL atu hametin liután iha área seguransa, ekonómia no politíku, no oferese oportunidade ba joven sira entre ema ho ema.

Mark Clark mos sente orgullu ba nasaun Repúblika Demokrátika Timor-Leste ida ne’ebé iha rejiaun Sudeste Aziátiku, nebe bele servisu makas hodi rezolve ona nia fronteira marítima rasik ho nasaun viziñu.

Nia espera, Timor-Leste  sei kontribui diak liután iha área marítima iha mundu no iha rejiaun sudeste aziátiku.

Sorumutu entre Diretór Gabinete Asuntu Marítima Sudeste Aziátiku Estadus Unidus, ho Primeiru Ministru Taur Matan Ruak, koalia mós konabá Timor-Leste nia vizaun hamutuk ho rejiaun Indo-Pasífiku ida ne’ebé livre no abertu.

Lee hotu :   Hakotu impase polítika ho EA, Ukun nain instrumentaliza povu

Mark Clark, nia sorumutu ho Xefe Governu ne’e atu valoriza mós povu Amerikanu ho Timor-Leste atu hametin liután iha área seguransa,ekonómia no politíku.

Durante Mark Clark nia vizita sei hasoru malu ho lider sira husi Governu Timor-Leste no sosiedade sivil atu koalia konabá progresu relasaun entre Estadus Unidus ho Timor-Leste inklui programa sira ne’ebé hala’o husi Embaxadora Estadus Unidus Amerika nian iha Díli.Tos

 

Add to Comments Here!!!!

error: Content is protected.
Secured By miniOrange
You might also like:
La pasa iha ezame pasajen eskalaun, Funsionáriu EDTL greve hasoru Governu

Funsionáriu Públiku (FP) atus ida resin ne’ebé...

LUGU compromete-se a trazer investimento para Oé-Cusse

O novo Presidente da Região Administrativa...

Navegadór Portugés Henrique Afonso kontenti paizajen TL

Navegadór Portugés, Henrique Afonso, kontente ho...

Close