JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur sei buka solusaun ba membru Governu pendente  Promete halo redusaun ba proposta OJE 2020

PM Taur sei buka solusaun ba membru Governu pendente 	Promete halo redusaun ba proposta OJE 2020

Líder máximu governu Aliansa Mudansa ba Progressu (AMP), Taur Matan Ruak, sei buka solusaun ba membru governu Indijitadu ne’ebé seidauk simu pose husi Prezidenti Repúblika (PR), Francisco Guterres “Lú Olo”.

“Xefi Governu, Taur Matan Ruak sei kontinua halo komunikasaun ho Xefi Estadu, hodi asegura tomada de pose ba membru governu indijitadu. Ami ko’alia buat hotu, ami tau interese nasional ás liu AMP ni’an, maski iha diskusaun balun kestiona, maibé bele komprende hamutuk ho situasaun, tanba ne’e buka meius nafatin”, Koordenador Jerál Konferensia Nasional, Francisco Kalbuadi Lay ba jornalista sira iha Sentru Formasaun Tibar-Liquiça, Sábadu (16-11-2019).

Maski Aliansa Mudansa ba Progressu (AMP) entrega ona ba líder máximu AMP atu buka solusaun, maibé kontinua mantein lista membru governu indijitadu husi Xefi governu, Taur Matan Ruak.

“Tanba rai ida ne’e ema hotu-hotu ni’an, partensia ba ita hotu atu iha solusaun, nune’e ami entrega tomak ba ami nia líder na’in 3 atu haree solusaun saída mak di’ak liu ba iha futuru’, tenik Kalbuadi Lay.

Enkuantu membru governu indijitadu ne’ebé seidauk simu pose husi PR Lú Olo hamutuk na’in sia, maibé na’in rua mak rezigna-an husi lista,  maski sira na’in rua aseita ona husi Xefi Estadu atu simu pose.

Promete halo redusaun ba proposta OJE 2020

Oitavu Governu Konstitusionál sei halo redusaun  ba proposta Orsamentu Jeral Estadu (OJE) tinan 2020, ne’ebé aprezenta ona ba Parlamentu Nasional (PN), ho montante USD billiaun 1.950.

Maibé hafoin komisaun sira iha PN halo audénsia ho ministériu sira no deputadu sira halo krítika, tanba konsidera montante orsamentu ne’e boot teb-tebes iha istória Timor nini’an, nune’e bankada apoiu governu Congresso Nacional Reconstrução de Timor (CNRT) ameasa vota kontra.

Lee hotu :   Timor GAP prontu halo esplorasaun ba GS

Ho nune’e, liu husi konfrensia nasional Aliansa Mudansa ba Progressu (AMP) daruak, iha Sábadu, loron 16, fulan ne’e, deside katak, governu sei halo redusaun ba OJE 2020, maibé la esplika detalla kona-bá  númeru redusaun.

“Iha konferensia ne’e, ami halo diskusaun ba OJE, liu-liu konsolida malu, fulan 3 AMP sempre halo reuniaun konsolida ba asuntu nasional no AMP nia rasik no ami foku liu ba iha OJE 2020, tanba AMP kompostu husi Partidu CNRT, PLP, Khunto, UDT no Frente Mudansa, klaru husi diskusaun sira ne’e, ami rasional haree OJE razoavel liu koloka rúblika sira tuir lei”, Koordenador Jerál Konferensia Nasional, Francisco Kalbuadi Lay.

Tanba ne’e, Xefi governu hamutuk Diretiva Nasional fó kna’ar tomak ba Ministra Finansas interina, Sara Lobo Brites, hamutuk ho PN, liu husi Prezidenti PN, Arão Noe, Xefi Komisaun no Xefi bankada AMP sira atu hare ho di-di’ak.

Tuir kalendáriu PN sei hahú debate ba proposta OJE,  iha loron 20, fulan ne’e no sei remata iha loron 10, fulan Dezembru, tinan ne’e.

Tuir planu PN sei haruka proposta OJE 2020 ba Prezidenti Repúblika (PR), Francisco Guterres “Lú Olo”, iha loron 11, fulan Dezembru, tinan ne’e. ety

Add to Comments Here!!!!

error: Content is protected.
Secured By miniOrange
You might also like:
Tinan oin, okupante rai Estadu hahú selu arendamentu

Tinan oin komunidade (okupante) sira ne’ebé...

MTK rekoñese ahi mate iha Areaportu Internasional falla iha jeradór

Ministru Transporte no Komunikasaun (MTK), José...

AMP deside halo remodelasaun ba VIII Governu  Xanana la partisipa konferensia AMP

Partidu koligasaun Aliansa Mudansa ba Progressu...

Close