JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN konsidera TL partisipa expo Dubai fa’an liafuan mamuk

FRETILIN konsidera TL partisipa expo Dubai fa’an liafuan mamuk

Bankada FRETILIN iha Parlamentu Nasionál (PN) konsidera, Timor-Leste (TL) partisipa iha expozisaun ne’ebé realiza iha Dubai, fa’an de’it liafuan mamuk, tanba laiha asaun pozitivu iha rai-laran rasik hodi dada vizitante mai vizita TL.

Deputadu Joaquim dos Santos husi bankada FRETILIN hatete, ukun na’in sira tenke hadia uluk uma laran, mak foin bele halo promosaun iha rai liur.

“Buat ida promove ita-nia nasaun ba rai liur ne’e ita aseita, maibé haree lai iha kondisaun, ita-nia osan ne’e ba halo saida?, depois ita prepara ona saida?, ba halo pameran ne’e lori ita-nia nasaun nia naran ba rai liur, maibé dez-ekilibradu, tanba iha rai laran ita lahalo buat ida, la dezenvolve turizmu relijiozu sira, no turizmu komunitária sira, nusa la dezenvolve uluk setór sira ne’e para lori ema mai Timor produz osan, duke ita ba kanta-kanta iha rai liur, depois iha rai laran la halo buat ruma, ne’e se mak atu mai haree Timor”, hatete deputadu opozisaun ne’e ba jornalista sira iha PN, Segunda (02/12/2019).

Joaquim afirma, Governu presiza dezenvolve uluk setór turizmu iha rai laran, nune’e, bele iha balansu ba osan ne’ebé partisipa expo ho vizitante sira ne’ebé bele mai vizita fatin turizmu sira.

“Ita manan mak naran ne’e de’it, em termus númeru ne’e laiha, em termus númeru ne’e, ita kuandu ba halo promosaun ona iha rai liur, iha rai laran mós tenke halo buat ruma. Lahatene ba iha liur promosi saida de’it?, tinan-tinan ba promosi mak human oan sira ne’e de’it, ema la’o dook tiha ona husi human ne’e, agora ita sei ba promosi mak human ne’e, nusa la halo mak preparasaun iha rai laran, dezenvolve mak buat funu nian sira ne’e, hanensan museum rezistensia, prepara kondisaun, halo estrutura didi’ak, osan ne’e investe iha ne’ebá, depois ita ba halo promosaun ema mai, duke ita ba iha ne’eba fa’an liafuan mamuk de’it. Tanba ne’e mak ita tinan 10 ona restaura ita-nia independensia, ita-nia Governu, liu-liu ministériu turizmu ida kompetente nia servisu laiha. Ramelau ne’e espontaniu de’it, ema mak halo, Soibada ne’e relijiozu sira mak halo, maibé fó reseitas saida ba Estadu?, ita gasta osan barak, selu funsionáriu, produz saida?. Ba pameran ne’e bele ba, maibé iha rai laran mós tenke halo buat ruma, duke ita ba fa’an liafuan mamuk de’it, oinsa ema bele mai hatama osan ba ita-nia nasaun, iha nasaun seluk turizmu ne’e hatama osan, maibé iha Timor oin seluk fali, turizmu gasta osan de’it”, tenik deputadu Fretilin ne’e.

Lee hotu :   PD husu líder sira diálogu, CNRT konsidera la presiza

Iha fatin hanesan, deputadu AMP, Luis Roberto mós konsidera, expozisaun Dubai ladun importante, tanba ne’e, nia parte prefere konsentra de’it ba dezenvolvimentu iha rai laran.

“Expo Dubai la importante liu, importante liu mak fokus ita-nia rai laran, programa hotu-hotu, ha’u hakarak fokus uluk ba iha rai laran, antes ba estranjeiru”, dehan Luis Roberto.

Iha abertura diskusaun Orsamentu Jerál Estadu tinan 2020 nian, iha faze jeneralidade, Primeiru Ministru Taur Matan Ruak aprezenta katak, VIII Governu Konstitusional propoin ona dollar amerikanu millaun USD 2 resin iha proposta OJE 2020 nian.say

Add to Comments Here!!!!

error: Content is protected.
Secured By miniOrange
You might also like:
Autór soke mate abitante nain rua aplika TIR

Autór JVRSS  ne’ebé mak soke mate...

Governu promete hasa’e kresimentu ekonómiku TL ba 7,2%

Primeiru Ministru (PM), Taur Matan Ruak,...

Luis Lobato: Presiza fó formasaun iha área étika ba pesoal saúde

Eis Vise Ministru Ministériu Saúde, Luis...

Close