JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur fó fiar ba Agio lidera ajustamentu OJE 2020

PM Taur fó fiar ba Agio lidera ajustamentu OJE 2020

Ekipa Ajustamentu Orsamentu Jerál Estadu (OJE) tinan 2020 durante loron rua ona halo revizaun ba proposta OJE ne’ebé governu dada hikas fali husi Parlamentu Nasionál. Ekipa Ajustamentu ne’e Primeiru Ministru Taur Matan Ruak fó fiar ba Ministru Prezidensia Konsellu Ministru Agio Pereira.

Atu hadia hikas Proposta Orsamentu Jerál Estadu ho montante billaun USD 1.950 ne’ebé dada hikas husi Parlamentu Nasional, Primeiru Ministru Taur Matan Ruak nomeia Prezidénsia Konsellu Ministru Agio Pereira hodi lidera Ekipa Ajustamentu Orsamentu Jerál Estadu tinan rihun rua rua nulu.

Ekipa ajustamentu ne’e hala’o ona nia servisu halo revizaun durante loron rua hahú husi loron haat to’o loron lima fulan ne’e no sei termina iha loron neen fulan Dezembru ne’e.

Koordenadór ekipa Ajustamentu Orsamentu Jerál Estadu 2020, Agio Pereira, hateten, ekipa ajustamentu ne’e ho objetivu atu tetu no hatun Orsamentu Jerál Estadu, antes lori fila fali ba Parlamentu Nasionál atu debate.

“Depois ami haree tiha relatóriu Komisaun C, Primeiru Ministru rona kritika sira ne’e hotu, no nia konkorda atu retira tanba interese preokupasaun aas liu Primeiru Ministru no VIII Governu nian maka interese povu nian, interese nasaun nian, no orsamentu tenke iha, mas orsamentu ne’e tenke konsensual duni, tenke hetan votasaun demokrátika”,dehan Koordenadór ekipa Ajustamentu OJE 2020 Ministru Estadu Prezidénsia Konsellu Ministru Agio Pereira ba GMN iha Palásiu Governu Konta (5/12/2019).

 Enkuantu Governu dada hikas Proposta OJE 2020  iha loron tolu, fulan Dezembru, tinan ne’e, tanba hetan krítika maka’as husi deputadu bankada opozisaun no mós bankada apoiu Governu hanesan CNRT KHUNTO inklui mós PLP rasik, ne’ebé haree katak proposta orsamentu ne’e iha indísius no artigu balun inkonstitusionál.

Lee hotu :   KFP seidauk simu relatoriu FP partisipa kampaña EA

Tuir ajenda hafoin Ekipa Ajustamentu halo tiha revizaun orsamentu, Governu sei submete fali proposta Orsamentu Jerál Estadu ne’e ba Parlamentu Nasional iha loron sanulu resin tolu, , Dezembru ne’e hodi  kontinua debate iha espesialidade.

Governu sei hatún montante OJE 2020

Entretantu Ministra Finansa Interina, Sara Lobo Brites, hateten, VIII Governu sei hatún montante Orsamentu Jerál Estadu (OJE) tinan 2020 ho númeru ki’ik.

“Enkontru ida ne’e mai husi Ministra Finansa, Ministru Transporte Komunikasaun, Ministra Edukasaun no mós Ministru Estadu Prezidensia Konsellu Ministru simu kna’ar ida husi Primeiru Ministru para atu hare fila-fali OJE 2020. Hatún konserteza Parlamentu nia rejimentu fó dalan nune’e Governu dada fila-fali OJE 2020 no sei pondera pareser komisaun C ne’ebé  mak karik sei afeta ba orsamentu ne’ebé mak hatama por tantu. Ami sei hatama fali orsamentu ida ne’ebé mak ho númeru ki’ik ha’u seidauk bele dehan nia numeru ki’ik, tamba ne’e sei servisu hamutuk ho ministériu hotu. Sei hatun karik konserteza sei hatun iha bens de servisus, item ida ne’ebé ita hare hanesan viajen estranjeiru ,fundu de rezerva no ida ne’ebé ami hare sei bele hatun atu nune’e ita bele hatama fali orsamentu ida ne’ebé mak tuir hotu hotu nia rekomendasaun.Bens servisu iha tinan 2020 $ 700 Milhões, husi numeru osan ne’e iha projetu balun iha ne’ebá ida ne’e kuandu ita elimina sei tun liu-liu sosa ró ahi” Ministra Finansa Interina, hatete lia hirak ne’e,hafoin enkontru ho Primeiru Ministru Taur Matan Ruak,iha Palásiu Governu, Kuarta (04/12).

Primeiru Ministru Taur Matan Ruak, iha Kuarta (04/12), fó fiar ba Ministru Estadu Prezidénsia Konsellu Ministru, Agio Pereira, hodi lidera ba revizaun orsamentu Jerál Estadu tinan 2020 ho Ministra Finansas Interina Sara Lobo Brites, Ministru Transporte Komunikasaun, José Agostinho da Silva, no Ministra Edukasaun Dulce de Jesus ,atu haree fali proposta OJE 2020, ne’ebé Governu dada hikas fali husi Parlamentu Nasionál.

Lee hotu :   FRETILIN: Durante tinan 10 governu gasta osan saugati deit

Ministra Finansa Interina, hatete iha posibilidade OJE 2020, sei hatun ba númeru ki’ik,maibé ministra ne’e la esplika detalla, hatun to’o hira, tanba sei iha faze revizaun.

Membru Oitavu Governu ne’e esplika, iha revizaun orsamentu ne’e, Governu sei hamenus husi kategoria despeza no Bens e Servisus, ne’ebé nia alokasaun orsamentu iha tinan 2020, hamutuk Dolar Amerikanu millaun atus hitu rua nulu resin hitu, kompara ho tinan 2019, hamutuk Dolar Amerikanu Milaun atus hat hitu nulu resin rua.

Oitavu Governu Konstitusionál ne’ebé lidera husi Primeiru Ministru Taur Matan Ruak, dada hikas proposta OJE 2020, husi Parlamentu Nasionál iha Tersa, loron Tolu, fulan Dezembru ne’e, wanhira bankada Governu no opozisaun propoin dada proposta OJE 2020, tanba montante orsamentu ne’ebé boot, maibé ezekusaun ki’ik.

Alénde ne’e bankada opozisaun mós konsidera, la priense estrutura legál, konstitusionál no formal.

Enkuantu Primeiru Ministru promete sei hadia di’ak liu tan proposta OJE, no sei submete hikas ba Parlamentu Nasionál iha loron 13, fulan Dezembru ne’e.Tos

Add to Comments Here!!!!

error: Content is protected.
Secured By miniOrange
You might also like:
Kazu sosa kareta Prado ba deputadu, Xanana Gusmão presta deklarasaun iha TDD

Líder karismátiku Kay Rala Xanana Gusmão,...

Yogi Rizkin Bahar husu funsionáriu Telkomcel prevene a’an husi droga

Chief Executive  Officer (CEO) Yogi Rizkin...

Kazu baku malu membru PM no BOP, Falur Rate Laek promete sei foti medida

Xefe Estadu Maior  Jeneral FALINTIL Forsa...

Close