JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

BOAMP kontra 31 Janeiru diskuti mosaun sensura

BOAMP kontra 31 Janeiru diskuti mosaun sensura

Bloku Opozisaun Aliansa Maioria Parlamentar (BOAMP) la konkorda data ne’ebé Governu determina katak loron 31, fulan Janeiru ne’e atu fo resposta ba proposta mosaun sensura iha Parlamentu Nasionál.

“Ita bele dehan Prezidente Parlamentu Nasional, Aniceto Guterres, halo delibera, halo desizaun, maske iha protestu maka’as husi opozisaun, tanba ami la konkorda, maibe tanba dehan Governu disponivel iha loron 31, entaun prezidente parlamentu mós konkorda, maibe ami rejista ami-nia protestu ho data refere,” hateten Xefi bankada PLP, Fidelis Maglhães ba jornalista sira iha Parlamentu Nasionál, hafoin partisipa konferensia líder bankada, Sesta(12/01/2018).

Deputadu PLP ne’e argumenta, maske loron ba diskusaun mosaun sensura determina ona husi Governu, maibe AMP sei esforsu atu bele diskute tan iha reuniaun líder bankada iha semana oin.

“Ami sei enkontru fali, atu haré fali ba data ida ne’ebé mak prezidente parlamentu delibera iha konferensia líder bankada, tanba konforme PPN ida ne’e mak Governu hakarak,  maske ami dehan mosaun sensura ho porsesu hirak ne’e tenke tama iha ajenda Segunda no Tersa, maibe prezidente parlamentu deside tuir fali saída mak parte Governu hakarak, maibe depois mak ami haré fali,”dehan Fidelis.

Fidelis subliña, maske Prezidente Repúblika iha poder ba buat hotu, maibe AMP garante Xefi Estadu sei tau konsiderasaun ba tempu ne’ebé determina atu diskute mosaun sensura.

“ Prezidente Repúblika mós sei haré lai molok foti desizaun, bele ka lae dissolve parlamentu antes data refere, tanba konstituisaun la’os dehan Prezidente Repúblika iha poder de’it,  maibe sei reflete ka konsidera buat barak, tenke tuir konstituisaun,”hateten lejislador ne’e.

Iha biban hanesan, Ministru Prezidensia Konsellu Ministru, Adriano do Nascimento, esplika, Governu determina loron 31 fulan Janeiru, tanba Governu presija tan tempu atu bele jere orsamentu duo désimu molok hakat ba prosesu polítika foun.

Lee hotu :   JORNAL NACIONAL GMNTV MEIO-DIA Loron-20 Fulan-Dezembru Tinan-2017

“PM fo orientasaun katak dia 31 mak bele diskute atu hatun Governu, tanba hahú ohin (Horiseik) ba oin to’o dia 30 ne’e Governu sei foku liu ba jere vida povu no nasaun nian, maibe agora ami hein de’it ona parlamentu halo ajendamentu konsertasaun, no lebora giaun hodi fo informasaun ba ami, Governu porntu atu mai.”esklarese Nascimento.

Adriano haktuir,  Xefi Governu haruka ona karta ba PN ho disponibilidade data atu bele diskute mosaun sensura iha Parlamentu Nasionál, maske bankada AMP la konkorda maibe Governu prontu atu marka prezensa.

“Iha reuniun líder bankada, sira mosu diferentes ideias, husi opozisaun hakarak halo iha tempu badak semana oin ne’e kedas, maibe parte  gvoernu  nian dia 31, tanba  mosaun sensura ne’e atu hatun Governu, tanba ne’e mak tuir instrusaun husi primeiru ministru ninian katak, Governu disponibiliza ona iha loron 31 fulan ne’e, tanba alende loron ida ne’e, Governu sei trata asuntu ne’ebé relevante ho povu no nasaun nian, tanba hatun Governu ne’e la’os asuntu povu nian, maibe líder polítiku sira nian. Opozisaun sira dehan kleur, tanba ne’e tenke urjenti, ami dehan lae, tanba jere no responsabiliza povu nia vida mak urjenti liu, tanba mosaun sensura ne’e ukun nain atu hatun malu, ne’e duni importante mak Governu disponibiliza an, maibe labele aban ka bainrua ka semana oin, tanba Governu sei jere orsamentu duo désimu, halo alokasaun, selu funsionariu sira-nia extende kontratu, buat sira ne’e mak importante liu, karik mosaun sensura mak halo Governu ne’e monu ba mós ami Governu ida ne’e halo buat hotu-hotu diak ona, maibe kuandu orsamentu duo désimu seidauk aloka ho diak, funsionariu kontratadu sira mós seidauk extende tan sira kontratu mak Governu ne’e monu, depois fulan hira nia laran mosu eleisaun antesipada karik halo nusa, tanba ne’e mak ami presija tan oituan hodi jere, depois mak ita mai hatun malu iha parlamentu,”hateten Adriano.

Lee hotu :   JORNAL NACIONAL GMNTV Loron-25 Fulan-Outubru Tinan-2017

Governante ne’e afirma, programa ho naran anotasaun ne’ebé atu aprezenta ba Parlamentu Nasionál prontu ona, maibe Governu prefere sei responde uluk proposta mosaun sensura husi bloku opozisaun.

Kona ba programa anotasaun ne’ebé prefere husi VII Governu, antes ne’e tuir jurista senior Manuel Tilaman katak, kontra konstituisaun.Say

Add to Comments Here!!!!

error: Content is protected.
Secured By miniOrange
You might also like:
Laiha osan selu dividas US$ 240 milhoens ”Emprezariu barak sei lulun biti”

VII Governu Konstitusional infrenta hela dilematiku...

JORNAL NACIONAL GMNTV Loron-10 Fulan-Janeiru Tinan-2018

JORNAL NACIONAL GMNTV MEIO-DIA Loron-12 Fulan-Janeiru Tinan-2018

Close