JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Rui Araujo: Tula mate iha motor kestaun teknika

PM Rui Araujo: Tula mate iha motor kestaun teknika

Primeiru Ministru (PM), Rui Maria de Araujo, konsidera katak, corro funerario la ejerse nia funsaun ho diak tanba kestaun teknika.

PM Rui Maria de Araujo, afirma lia hirak ne’e, hodi responde jornalista sira kona-ba akontesimentu foin lalais ne’e iha Hospital Nacional Guido Valadares (HNGV) ne’ebe menus carro funerario hodi obriga familia ne’ebe nia oan mate iha HNGV tula deit iha motor tanba la iha carro funarario.

“Asuntu ida ne’e Ministeriu Solidaridade Sosial (MSS) liga ona ho asuntu ida ne’e, portantu hau la fo komentariu liu tan ba ida ne’e, tanba ida ne’e asuntu tekniku,” hateten PM Rui Maria de Araujo iha Palacio Presidenciol, Kuarta (15/03/2017).

Governu la fasilita kareta ba vota

Biban ne’e, PM Rui Maria de Araujo mos informa katak, Governu la fasilita kareta ba komunidade no estudantes sira husi Dili atu ba tuir eleisaun presidencial iha munisipiu. Maske nune’e, Governu fasilita ona ponto toleransia iha loron Segunda to’o Tersa (20-21/3/2017), hodi suspende ativiades servisu no fasilita ema ba tuir eleisaun presidensial ho diak.

 “Depende ba kazus sé Indonesia Governu laiha posibilidade parabele fasilita estudante iha Indonesia mai vota iha Timor, sira ne’ebe iha Dili laran ne’e ba foho mos hanesan, depende ba kazus-kazus, Governu fasilita ona toleransia de pontus agora sidadaun ida-idak atu buka oinsa mak atu ezerse dereitu ida ne’e,  tanba ida ne’e opsaun sidadaun ida tenke halo’o,” hateten PM Rui de Araujo.

 Xefe Governu ne’e informa mos konaba enkontru ho Prezidenti Republika hato’o mos konaba preprasaun eleisaun nian ne’ebe Governu fo toleransia de pontus ba funsaun publika tomak, tanba funsionariu barak mak sei ba vota iha sukus no aldeias.

Lee hotu :   PM Rui: Tempu kampaña Jornalista tenki hatudu profisionalismu

Prezidenti Republika (PR), Taur Matan Ruak, dehan katak ne’e desizaun Governu nian e’ebe lo’os hodi ezerse idak-idak dereitu siviku ba festa eleisaun presidencial.

PM Rui mos e relata mos konaba sitausaun seguransa nian ne’ebe iha kampania politika iha preimeiru dia ne’ebe hanesan hotu-hotu hatene katak iha problema, maibe ho servisu maka’as parte seguransa nian hodi bele prevene atu la bele alastra maka’as.

MSS la selu motorista fulan 2

Husi sorin seluk, Diretor Nasional Asistensia Sosial Ministeriu Solidaridade Sosial (MSS), Mateus da Silva informa katak, mate isin balu ne’ebé mak iha Hospital Nacional Guido Valadares (HNGV) obrigadu tenke tula ho motorizada no kareta Ambulancia tula moras nian, tanba motorista Carro Funerario sira hala’o asaun greve hasoru MSS ne’ebé sei selu osan viajen motorista sira nian durante fulan Janeiru-Fevereiru 2017.

Motorista Carro Funerario hala’o asaun greve iha  MSS Tersa (14/3/2017), maibe MSS konsege buka solusaun, no sei selu motorista sira ninia osan viajen nian iha fulan Abril mai ne’e nia laran.

Osan viajen ba kada motorista loron U$ 40.00 husi Dili ba Munisipiu, maibe ba Munisipiu ne’ebe mak distansia dook hanesan Manufahi no Suai kada loron osan viajen U$ 80.00

“Iha Tersa (13/3) akontesimentu mate isin nain lima (5) iha mortuariu Hospital Nasional Guido Valadares (HNGV) ne’e, tamba motorista carro funerario sira mai para kareta hodi halo greve hodi koalia sira nia osan viazen lókal, tamba sira fulan rua, hahú husi fulan Janeiru no Fevereiru sira seidauk simu nune’e ami esplika ba sira katak, prosesu atu halo pagamentu ba imi tarde oituan, tamba desentralizasaun ne’e, maibé prosesu ne’e la’o hela nune’e ami tenta nafatin atu selu antes atu tama fulan Abril,”hatete Diretor Nasional Asistensia Sosial Ministeriu Solidaridade Sosial (MSS), Mateus da Silva, ba JN-Diário iha nia servisu Caicoli-Dili, Tersa (14/3/2017).

Lee hotu :   Ajente ZEESM ameasa povu, Hakarak dezenvolvimentu tenki tuir partidu

Diretor Nasional Asistensia Sosial Ministeriu Solidaridade Sosial Mateus da Silva, esplika akontesimentu ne’e mosu, tamba iha tinan ne’e iha mudansa politika Governu nian liu-liu desentralizasaun, tamba iha servisu balun mak MSS entrega ona munisipiu liu-liu servisu dezastre naturais no asistensia sosial no mós atividade movimentu carro funerario ne’ebé mak tula mate isin no ruin ne’ebé husi mortuariu ba uma, uma ba igreja e ba semiteriu.

Hafoin asaun greve iha parte loraik, atividade motorista carro funerario sira ho konsiensia hala’o kna’ar hanesan bai-bain, tamba antes sira sai funsionáriu mós halo juramentu ho komisaun funsaun publika katak, hadomi servisu no kumpri regras ne’ebé mak iha.

Tuir Diretor Nasional Asistensia Sosial Ministeriu Solidaridade Sosial Mateus da Silva katak, lolos ne’e prezidente autoridade lókal ho pontu fokal mak jere osan ne’e, maibé seidauk iha rekursu naton atu hala’o servisu nune’e diresaun ne’e sei asegura.

“Ha’u dehan uluk iha tinan 2016 mai kraik osan ne’ebé ba servisu carro funerario sei iha diresaun nasional asistensia sosial nia okos nune’e ita halo nia pagamentu la falla, maibé tama ba tinan 2017 diresaun laiha kompetensia ona atu hala’o servisu ida ne’e, tamba osan ba servisu atendementu kareta mate ne’e osan tama ona iha munisipiu Dili mak sei jere,”esklarese Diretor Nasional Asistensia Sosial MSS.

Nia hatutan, ema ne’ebé mak atu jere mak prezidente autoridade ho nia funsionáriu pontu vokal finansas, maibé iha ne’eba seidauk iha ema funsionáriu naton atu hala’o kna’ar ida ne’e.

Tamba ne’e diresaun nasional asistensia sosial MSS asegura servisu ne’e to’o munisipiu Dili, prepara ema hirak ne’ebé mak seidauk preparadu, hafoin diresaun nasional asistensia sosial entrega hotu servisu ida ne’e, maibé sei liu husi publikasaun ofisial.eus/tos

Add to Comments Here!!!!

error: Content is protected.
Secured By miniOrange
You might also like:
Tour de Timor 2017 Airnorth fó apoiu $260.000

Airnorth  fó apoiu ba aktividade Tour...

AFC hasai FFTL husi Taça Aziátika 2023, Multa US$ 56.000,00

Komite Disiplinar Konfederasaun Futebol Ázia (AFC),...

AFC Kastigu FFTL, Estrutura FFTL diak liu rezigna an

Vise Coordenador AMANTE, Domingos Belo Ximenes...

Close