JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Aeroportu Rota do Sândalo inauguradu, Alkatiri: Aumenta konektividade ba mundu tomak

Aeroportu Rota do Sândalo inauguradu, Alkatiri: Aumenta konektividade ba mundu tomak

Prezidente Autoridade Rejiaun Administrativa Espesial Oe-Cusse-Ambeno (RAEOA), Marí Alkatiri, hatete, ho inaugurasaun Aeroportu Internasional Rota do Sândalo iha RAEOA sei aumenta diak liu tan konektividade Timor-Leste ho rejiaun sira no mos ba mundu tomak.

“Aeroportu Rota do Sândalo loke dalan foun ida, laos ona dalan para faan sandalu ka faan ai-kameli, mas dalan atu haburas fali ita nia rai ne’e sai matak ba ita hotu, matak no riku. Aeroportu Rota do Sândalo, sei sai janela ida ka odamatan ida atu hametin paz no estabilidade entre Timor-Leste ho Indonézia, Aeroportu Rota do Sândalo sei sai janela ida ka odamatan ida atu rezolve sasan sira entre Timor-Leste ho Indonézia, liu-liu fronteira terrestre no fronteira marítima. Tanba ne’e aumenta ita nia konektividade ba rejiaun no mos ba mundu tomak”,dehan Marí Alkatiri iha nia diskurus iha RAEOA, Tersa (18/6/19).

Alkatiri dehan, nia mos lakohi tau nia naran iha aeroportu internasional Aeroportu Rota do Sândalo ne’e.

“La presiza tau ha’u nia naran. Ita ohin mai iha ne’e atu inaugura aeroportu ida lori naran Rota do Sândalo. Tanba sa Rota do Sândalo, tanba uluk bainhira potensia europeia mai ita nia rejiauan ida ne’e to’ot Timor hotu, mai tanba sandálu mos, ne’e mak razaun husi aeroportu ida ne’e nia naran”,

Alkatiri fiar katak, ho dinámika dezenvolvimentu ida iha Oe-Cusse ne’e bele hetan husi ne’e ba oin, relasaun Timor-Leste ho Indonézia sei metin ba beibeik, sei forti ba beibeik.

Alkatiri dehan, Aeroportu Rota do Sândalo nia kontraktor mak WIKA, no Institutu Kualidade Soldadura husi Portugal mak halo supervizaun ba obras ne’e tomak.

Lee hotu :   KM aprova alterasaun kontratu ba obra manutensaun estrada nasionál

Nune’e mos Prezidente Repúblika, Francisco Guterres ‘Lu Olo’, hatete, ho inaugurasaun Aeroportu Rota do Sândalo ne’e bele bele dudu kreximentu ekonomia ida ba nasaun tomak.

“Modelu dezenvolvimentu ida ne’e loke dalan ba sidadaun sira nia partisipasaun, fo dalan ba sidadaun sira hodi liberta sira-nia kbiit hodi haburas sira nia kultura. Los duni ita-nia foho nakonu ho ai-kameli, ne’ebé hamorin ita nia rai no lori rendimentu mai tanba ita-nia valór ekonómiku boot los. Ohin ita hateke ba foho sira lahetan ona ai kameli. Bele ka lae ita kuda fula fali ai-kameli hodi hamorin fila fali. Transporte aero loke dalan ba kreximentu no dezenvolvimentu ekonómiku. Aeroportu Rota do Sândalo sei promove kmersiu, turizmu, no sei iha oportunidade loke kampo de trabalho”,dehan PR Lu Olo iha nia diskursu.

Partisipa iha inaugurasaun Aeroportu Rota do Sândalo ne’e mak bainaka autoridade husi Indonézia, husi líder nasional no rejional Timor-Leste inklui Prezidente Repúblika, Prezidente Parlamentu Nasional, maibe Primeiru Ministru, Taur Matan Ruak, la partisipa tanba ba hala’o tratamentu saúde iha Singapore, no lahetan partisipasaun husi lider nasional, Kay Rala Xanana Gusmão.GMN

Add to Comments Here!!!!

error: Content is protected.
Secured By miniOrange
You might also like:
DIA 18/06/19 || GMNTV LIVE STREAM || JORNAL NASIONAL KALAN

Partisipa inaugurasaun Aeroportu RAEOA, aviaun CITILINK semo husi Jakarta ba Oe-Cusse

Aviaun CITILINK  sei tula pasajeiru  husi...

DIA 18/06/19 || GMNTV LIVE STREAM || JORNAL AS 12

Close