JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Selebra Loron Mundial Saúde, Pesoal Saúde tenki buka hatene komunidade nia moras

Selebra Loron Mundial Saúde, Pesoal  Saúde  tenki  buka  hatene  komunidade  nia  moras


Liu husi selebrasaun loron mundial saúde, Vise  Ministru  Saúde,  Luis  Lobato,  husu  ba  pesoal  saúde  sira  iha  teritóriu laran  tomak  atu  buka hatene  kondisaun  moras  komunidade  nian  hodi  labele  abandona  moras  iha  uma. 

“Importante  husi  setór  saúde  tenki  kobertura  universal  saúde  ba komunidade  ida-idak  iha  Timor laran  tomak  tenki  hetan  asistensia  saúde  husi  pesoal  saúde  katak,  ita  labele  husik  komunidade  ida  moras  no  susar  iha  uma  laran”, Vise  Ministru  Saúde  Luis  Lobato,  hato’o kestaun  ne’e, hafoin  partisipa  selebrasaun loron mundial  de  saúde  iha  Centro  Convençoes  de  Dili  (CCD)  Tersa  (10/4).

Goverenante nee apela  ba  pesoal  saúde  hotu  ,tenki  buka  tuir  no  buka  hatene  kondisaun  saúde  ba  Timor  oan  hotu-hotu  iha nia  vida, iha  nia uma, no iha  nia  familia  nia  le’et, nune’e  tenki  hakbesik  saúde  ba  povu  Timor-Leste  tomak.

Tuir  Vise  Ministru  Saúde nee  nia  haree  durante  ne’e ,  iha  buat  balun  alkansa  tiha ona, maibé  iha  buat  barak  mak  seidauk  la’o  hodi  atinji  ba objetivu  ema  hotu  nia  hakarak, liu-liu iha  setór  saúde.

Nia hatutan iha  tinan  kotuk liu ba  hatudu  katak,  mortalidade  inan  sei  as tebes  iha  Timor-Leste  ho  dadus  1000/100.000, ne’ebé  kompara  ho tinan  ne’e  tun  ba  218/1000.

“Iha  primeira  seminariu  tinan  2004  hatudu  momos  katak,  ita  nia  mortalidade  inan  no  morbilidade  sei  as  tebes-tebes iha  Timor-Leste  ho  dadus  1000/100.000 ,hafoin  Timor ukun an  to’o tinan  17  de  Governasaun  tun ona ba  218/1000”, Vise  Ministru  Saúde  Luis  Lobato,  haktuir

Ministeriu Saúde (MS) ho Organizasaun Mundial Saude (OMS), Tersa (10/4) selebra Loron Mundial Saúde ho publikasaun rezultadu peskiza Saude familia ne’ebe halo husi Diresaun Nasional Estatístika Ministériu Planu no Finanças iha tinan 2016.

Lee hotu :   Estudante 11 estajiu iha ofisina PNTL

 “Ha’u hakarak hato´o enfaze bo´ot ida ba ita katak objetivu importante husi setor saude mak kobertura universal saude ba komunidade hotu no ema ida-idak iha Timor-Leste”, dehan Vise Ministru Saude, Luis Maria Lobato, ba Jornalista iha nia diskursu abertura ba selebrasaun loron mundial saude nebe halao iha Centro Conevenões Dili.

Vise Ministru Luis Lobato haktuir kobertura saude ba ba komunidade hotu nee signifika individu hotu ihaTimor tenke hetan asistensia saude husi pesoal saude hotu ne´ebe sai servidor saude, no labele husik hela Timor oan ida moras terus iha uma.

“Ida ne´e hanesan atividade importante ida atu lori ita besik liu ba slogan ne´ebe hatete saude ba ema hotu, tamba ohin ita selebra loron importante saude mundial espesialmente saude iha Timor-Leste no evento ida ne´e kompleta ba ita hotu tanba ohin ita halo avaliasaun bo´ot ida liu husi atividade demografika surfey, ne´ebe hau hein atividade ida ohin bele sai reflesaun boot ida ba ita hotu katak ita agora iha ne´ebe”, dehan realsa Vise Ministru Saude.

Nune’e mos, Vise Ministra Planu no Finanças, Sara Brites Lobo, hatete peskiza ne´e halo tanba servisu hamutuk entre Ministériu Saude no hetan apoiu husi parseriu dezenvolvimento sira hodi halo peskiza saude familia iha tinan 2016.

Peskiza ne’e konaba saude familia hanesan fertilidade, saude reprodutiva no taxa mortalidade ba inan no oan sira.

“Ohin ha’u temi ona iha diskursu katak husi peskiza ne´e iha rezultadu ne´ebe mak hatudu iha redusaun partikularmente iha taxa ne´ebe maka ba inan feto sira hanesan saude reprodutiva, hanesan temi iha tinan hirak liu ba ita nia inan feto sira ne´ebe iha oan 7 to 8,agora ho rezultadu husi peskiza hatudu tun  ba 4 no 3 entaun ida ne´e hatudu katak sira hatene ona saida mak planeamento familiar”, dehan Vise Ministra Planu no Finansa.

Lee hotu :   Kondisaun saúde L4 rekopera

Taxa idade labarik ba iha dekliniu iha tinan uluk liu ba ninia komparasaun ho tinan liu tuir relatoriu hatudu iha 2016, iha 43 por mill katak iha labarik 1000 no numeru ne´ebe mate 40 resin. tos/Fel

Add to Comments Here!!!!

error: Content is protected.
Secured By miniOrange
You might also like:
Juventude ParPol asina kompromisu paz ho CNJTL

Reprezentante Juventude husi Partidu Polítiku (ParPol)...

Defisiente Teresa dos Santos, fulan 8 ona la simu subsidiu

Maske governu iha komitmentu atu fo...

PRO MEMORIA GMNTV Eds.16 (Versaun Kompleitu)

Close