Hospital Siloam sei loke ramu iha TL

Hospital Siloam iha sidade Surabaya Repúblika Indonézia ne’ebé koñesidu hanesan hospital privadu  bo’ot no ho ekipamentu ne’ebé avansadu planu ona iha  tinan 2019 sei loke nia ramu iha Timor-Leste.

Reprezentante hospital Siloam, Sally Danayani hatete, antes loke cabang iha TL presiza mos servisu hamutuk ho Governu TL atu nune’e bele kondis ho situasuan saude ne’ebé TL infrenta.

“Daudaun ne’e iha ona servisu hamutuk ho TL liu husi MoU ida konaba transferensia pasiente, maibe la taka dalan mos katak iha tinan oin planea loke ramu iha TL, maibe ami sei hare lai fatin atu nune’e wainhira loke bele fo mos benifisiu ba TL inklui ami”,dehan Sally Danayani ba GMN wainhira hetan vizita husi KBRI liu husi programa familirization trip iha nia knar fatin Surabaya, Sesta (30/11).

Entretantu hospital ne’e mos hakarak servisu hamutuk ho TL liu husi kapasitasaun no troka esperiensia liu husi seminariu ba infermeiru inklui doutor husi Timor no iha Surabaya. Alende ne’e sira mos prontu atu oferese sira nia doutor espesialista sira mai Timor oan ne’ebé presija hodi halo atendementu.

Nia dehan, iha tinan kotuk 2017 hospital ne’e simu transferensia pasiente hamutuk nain 5 husi TL ne’ebé mai ho moras kankru mama, moras fuan, moras ovarium (tumor kandungan-red) no moras rins, mai ho kondisaun grave ona maibe liu husi tratamentu husi hospital Siloam konsege diak hodi fila ba Timor.

Hospital Siloam dadaun ne’e iha  doutor espesialista barak mak hanesan espesialista monta rins no fuan, operasaun plastik, espesialista labarik, espesialista matan, ruin no sira seluk tan.

Hospital ne’e rasik hari iha tinan 2002  ho ekipamentu kompletu hanesan ekipamentu detekta kankru mama, moras fuan no moras sira seluk. Ita