PR Lú Olo: Nicolau Lobato moris fila-fali iha ema nia konsiensia

Prezidente Republika (PR), Francisco Guterres ‘Lú Olo’, hateten husi livru ne’ebé Padre Martinho Gusmão hakerek konsege hamoris fali lideransa Nicolau dos Reis Lobato iha ema hotu nia konsiensia.

Xefe Estadu hato’o lia hirak ne’e  iha lansamentu livru konaba Nicolau dos Reis Lobato nian, Sesta-feira semana kotuk iha Palasio Prezidente, Bairo Pite, Díli.

Prezidente Repúblika orgullu tebes ho eskritór Timor oan, liu-liu Padre Martinho Gusmão, ne’ebé konsege hakerek hikas heroi Timor oan Nicolau dos Reis Lobato.

“Ha’u hakarak hatete ba amu ita bo’ot bele konsege hamoris fila fali Nicolau Lobato iha ema idak-idak nia konsiensia,” hatete, PR Francisco Guterres Lú Olo iha sermonia lansamentu livru ho tema “Sabemos o Podemos e Devemos Vencer”.

Ho livru ne’ebé, Padre Martinho hakerek ne’e Timoroan hotu bele estuda ho kontente ho honra hodi bele rekoñese figura no lider Nicolau Lobato.

Livru ho pajina 534, liu husi peskizasaun ba livru ne’e durante tinan tolu (2015 to’o 2018) no dadalia mos ho sobrevimente sira Governu dahuluk sira iha Primeiru Republika hanesan José Ramos Horta, Mari Alkatiri, Rogerio Lobato, Abilio Araujo hodi haforsa refrensia kona-ba Nicolau Lobato.

Husi livru ne’e, koalia kona-ba fundador Estadu, maibe koalia liu kona-ba fundamentu filójofiku politiku Nicolau Lobato liga ba filojofia libedade nomos filozofia libertasaun.

Hakerek na’in, Padre Martinho Gusmão esplika, nia halo peskiza durante tinan tolu hahú husi (2015-2018) no konsulta mós ho sobrevivente sira ne’ebé mak sai mós hanesan testamuña Nicolau Lobato.

“Dokumentus sira ne’ebé iha hotu-hotu original, maibe dokmentu balun lakon tiha ona fraze sira, entaun ha’u buak atu rekontrusaun ermenetika atu buka liafuan lakon ne’e oinsa kompara nomos hau ba Portugal hetan mos arquivu husi DR. Abilio Araujo, bainhira dadali ho DR. Mari Alkatiri husu ba DR. Abilio Araujo kuaze sira nain lima kontribui,” hatete Pe. Martinho Gusmão.

Livru ho títulu “sabemos o podemos e devemos vencer”, ne’e iha pájina 534 ne’e   prosesu impresaun hetan apoiu husi Timor oan balun, nomos Padre Martinho rasik. Eus