JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tempu badak MS halo inspesaun ba loja sira fa’an aimoruk ilegal

Tempu badak MS halo inspesaun ba  loja sira fa’an aimoruk ilegal

Ministériu Saúde (MS), liu husi Inspetor Jeral Saúde, Natalino Gonsalves de Araújo, informa, iha  tempu badak MS sei halo inspesaun ba Merkadu no kios sira ne’ebé mak  fa’an aimoruk la tuir kritéria ka illegal.

Natalino Gonsalves de Araujo haktuir, tempu badak,  Diresaun Inspesaun Ministériu Saúde, sei halo inspesaun ba fatin sira ne’ebé  mak deskonfia fa’an aimoruk illegal, liu-liu kios no Merkadu, tanba fatin sira  hanesan ne’e, la’os atu fa’an aimoruk, maibé fa’an nesesidade báziku.

“Ministériu Saúde iha kompetensia atu halo inspesaun ba klínika privadu no mós fatin sira ne’ebá mak fa’an aimoruk tuir sira-nia hakarak, ou laiha legalidade, entaun Diresaun Inspesaun Jeral iha kompetensia tomak atu halo inspesaun, ne’ebé lolos ne’e ami hala’o ona, maibé sei iha fatin balun de’it, no ami mós sei kontinua halo, la’os ba fatin ida rua, ou Munisípiu ida ou rua de’it, maibé ami sei halo iha teritóriu tomak. Ami hahú tiha ona iha Munisípiu Covalima no ami atu ba tan iha Munisípiu ne’ebé ne’e segredu, mas jatamente ami sei ba hotu, tanba ema ne’ebé mak iha direitu atu fa’an aimoruk ne’e so ema ne’ebé mak iha karta lisensa, la’os ema kualker,  maibé iha loja no kios ou mercadu ne’e, lei la fó dalan, tanba atu fa’an aimoruk ne’e so ema ne’ebé mak iha kuñesimentu o profesional saúde mak bele, la’os ema kualker”, relata  Natalino Gonsalves de Araújo ba GMN iha nia servisu fatin  Caicoli Díli, Segunda (22/4/2019).

Inspetur Jeral MS, Natalino haktuir, alende  mercado no kios sira, MS mós sei halo inspesaun ba klínika privadu no farmacia sira ne’ebé mak hahú halo ona negósiu ba aimoruk, maibé seidauk iha lisensa, liu-liu farmacia Xineza sira ne’ebé mak dala barak molok iha legalidade, maibé loke uluk ona.

Lee hotu :   PPN ekoraja jornalista TL servisu ho profisional liu

“Lolos ne’e ema ne’ebé mak atu fa’an aimoruk ne’e, ema ne’ebé mak iha lisensa, la’os ema hotu fa’an aimoruk hanesan fali fa’an modo ne’e labele, tanba aimoruk ne’e ho nia kualidade oi-oin ne’ebé balun tenki ho reseita husi dutor no ema ne’ebé mak atu fó aimoruk ba ema mós tenki iha kuñesimentu di’ak kona ba aimoruk atu nune’e nia bele esplika ba ema ne’ebé mak atu sosa, la’os naran fó de’it no ida sosa mós tenki hatene mak hemu”, hateten Natalino.

Tuir  Natalino, durante ne’e Inspesaun Jeral Ministériu Saúde hala’o ona inspesaun, maibé seidauk efetivu, tanba alende tempu, problema ne’ebé mak sira infrenta mak menus rekursu  humanus.

“Durante ne’e ami halo ona inspesaun ba fatin sira ne’ebé mak fa’an aimoruk, liu-liu ba farmacia sira, no ami planu atu hala’o tan inspesaun, maibé  ami infrenta problema mak menus ema, tanba ne’e ami sei buka meus oinsa atu ami kuandu hala’o atividade ida ne’e labele para, tanba asuntu ne’e importante, ita kuandu husik hanesan ne’e, aktividade fa’an aimoruk ne’e mós mosu iha fatin-fatin”, katak Inspetor Jeral MS ne’e.

Enkuantu  na’in ba loja Happy, ne’ebé rezeita fó nia identidade hateten, kuaje tinan barak ona nia parte fa’an aimoruk iha nia loja, tanba  nunka iha sensibilizasaun ruma husi parte kompetente kona ba bandu kios no loja sira labele fa’an aimoruk.

“Ami fa’an kleur ona, maibé laiha ema ida mak atu fó ami informasaun dehan, labele fa’an tanba ne’e ami kontinua fa’an, no ami mós fa’an aimoruk sira hanesan ulun moras, mear no seluk tan”, informa loja na’in ne’e.

Lee hotu :   Postu Saúde Laivai laiha Ambulansia no Parteira

Entretantu, rezultadu husi aktividade inspesaun ne’ebé mak MS hala’o iha tinan 2017, konsege indetifika Timor-Leste iha klínika privadu hamutuk 59, klínika tradisionais 2, klínika internamentu 10, laboratóriu analise klínika hamutuk 7, farmacia privadas hamutuk 37, distributor medikamentus hamutuk 8 no loja de medikamentus 5.ola  

Add to Comments Here!!!!

error: Content is protected.
Secured By miniOrange
You might also like:
Ró USNS Fall River to’o TL ■Fó asistensia saúde ba komunidade

Ró  Naval husi Estadu Unidu Amérika...

Filomeno Paixão: Laiha tan rekrutamentu ba PNTL, treina F-FDTL priense servisu polísia

Ministru Defeza no Interior interinu,  Filomeno...

Governu sei lori fila dokumentu rezistensia TL husi Austrália

Sekretáriu Estadu Asuntu Kombatente Libertasaun  Nasional...

Close