JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estudante iha TL tuir ezame nasionál

Estudante iha TL tuir ezame nasionál

Estudante husi ensinu báziku nunu anu to’o sekundáriu désimu segundu anu hotu iha Timor-Leste (TL), hahú tuir ezame nasionál iha loron Segunda (14/10/2019).

Diretur Interinu Eskola 4 de Setembru, Sergio A. dos Santos da  Cruz informa, eskola sekundaria 4 de Setembru ne’e, estudante ne’ebé hetan oportunidade tuir ezame nasional hamutuk 815 maibé, iha de’it estudante 802 mak  tuir ezame nasional.

“Ezame Nasional ne’ebé dadaun ne’e hahú la’o iha eskola ne’e, bazea ba orientasaun husi Ministériu Edukasaun Joventude no Desportu,  iha ne’ebé eskola ne’e iha estudante husi Desimu Segundu Anu hamutuk 815 mak hetan oportunidade tuir ezame nasional maibé, dadaun ne’e tuir ezame hamutuk deit 802, tanba iha estudante hamutuk 13 mak la tuir ezame”, informa Diretur Interino Eskola 4 de Setembru Segunda (14/10/2019) iha Matadoru Díli.

Nia akresenta, estudante ne’ebé la tuir ezame ne’e, kompostu husi mane no feto hotu, ne’ebé sai husi eskola  ho razaun katak, estudante feto sira gravida ho kondisaun isin rua, moras, no  mane sira la tuir prosesu aprendizajen to’o  mai iha Ezame Nasional ne’e, tanba la kumpri regulamentu ne’ebé eskola ne’e estabelese.

“Iha mós estudante balun ne’ebé la tuir ezame nasional, tanba la kompleta sira-nia dokumentus hanesan legaliza sira-nia diploma ensinu báziku nian, maske ha’u nu’udar lideransa informa ona asuntu ne’e ba estudante sira, no avizu bebeik hela deit maibé, estudante sira la tau importansia ba dokumentu sira ne’e, mak realidade  to’o loron estudante sira la lori dokumentu mai hatama”, salienta Diretor ne’e.

Diretor Eskola ne’e hatutan, regulamentu kona bá dokumentus sira ne’e regra, la’os mai  husi eskola maibé, husi Ministériu Edukasaun, iha  ne’ebé estudante sira iha obrigatóriu atu kumpri hodi hetan númeru emis para bele tuir ezame nasional.

Lee hotu :   Munisipiu Díli numeru primeiru moras Lepra

“Maske hasoru problema kona bá estudante sira la kompletu tuir ezame ne’e  maibé, hanesan lideransa ha’u garantia katak, estudante ne’ebé dadaun ne’e tuir ezame nasional, bele finaliza ezame ne’e ho rezultadu diak, tanba ami  edukador sempre iha interese diak ba sira, hodi hatudu rezultadu diak husi siénsia ne’ebé professor sira hanorin ba sira  iha  ezame ida ne’e”, Subliña Sergio.

Antes ne’e Ministra Edukasaun Joventude no Desportu, Dulce de Jesus Soares deklara katak, estudante iha teritóriu timor laran, husi Ensinu Basiku Nunu Anu to’o Sekundariu Desimu Segundu Anu hamutuk 53.101 (Rihun lima nulu resin tolu, atus ida ida) mak tuir Ezame Nasional.oly

Add to Comments Here!!!!

error: Content is protected.
Secured By miniOrange
You might also like:
Konfrontu iha Mascarinhas, Janela eskola UNDIL nian rahun inklui uma abitante ida

Konfrontu entre estudante Universidade Díli (UNDIL) ho...

Povu Lautém husu líder rezistensia solusiona impase polítiku

Povu Munisípiu Lautém husu líder nasional...

Vizita Papa João Paulo II, fanun joven sira luta ba ukun an

Komisaun Organizadora 12 Outubru, iha Sábadu,...

Close