DNPKK husu estudante 12 Novembru prevene konflitu

Sarmento, husu estudante Sekundária jerál 12 Novembru Bekora, atu prevene konflitu.
Martinho Carvalho Sarmento hato’o lia hirak ne’e ba GMN, hafoin disemina informasaun prevensaun konflitu ba estudante hamutuk 60 resin iha eskola Sekundaria Jerál 12 Novembru, Bekora.

“Objetivu jerál ne’ebé mak ami husi DNPKK hala’o edukasaun sivika ba estudante sira 12 Novembru ohin loron, objetivu ida mak atu hasae konsiênsia ba estudante sira liga ba prevensaun konflitu. Tanba jerálmente ita haree problema sira mosu husi estudante sira dala ruma estudante tuda malu no sona malu, entaun ho objetivu ida ne’e mak Ministériu Interior hanoin katak, informasaun ne’e importante tebes atu desimina ba estudante sira”,esplika Xefe Departementu Prevensaun Konflitu Komunitária (DNPKK) Martinho Carvalho Sarmento iha Bekora.

Alende ne’e Adjuntu Diretór eskola Sekundária jerál 12 Novembru Kanisius Elu, konsidera treinamnetu ne’ebé mak fó husi funsionáriu sira Prevensaun konfilitu komunitaria importante tebes ba estudante no profesores sira.

“Ba ami núdar diretór eskola no estrutura sira hotu iha eskola refere, ami konsidera katak, deseminasaun materia prevensaun konflitu komunitária importante tebes baa mi profesores no estudante oinsá atu prevene krimi iha eskola no hela fatin”,dehan Kanisius Elu.

Nia dehan, durante ne’e sira la rejista kazu krimi ruma involve estudante sira, maibé rejistu deít mak alunus sira tarde eskola.

Durante sensebilizasaun prevensaun konflitu ne’e, marka mós prezensa husi Gabinete Juridiku PNTL no Polísia Komunitária hodi esplika lei armas brankas 5/2017 ba estudante sira.avi