JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Negosiante ambulante kontinua ezije Governu prepara fatin dignu

Negosiante ambulante kontinua ezije Governu prepara fatin dignu

Negosiante ambulante sira  ne’ebé fa’an sasan iha estrada ninin sidade Díli hodi buka moris, kontinua ezije Governu, atu prepara fatin ne’ebé dignu ba sira hodi kontinua fa’an sira nia sasan,  antes duni ses sira husi dalan ninin.

“Sei kuandu Governu prepara fatin mai ami, ne’e haruka ami sai, ami prontu, maibé kuandu fatin laiha sira mai duni ami de’it, ami sei kontinua fa’an, tanba ami nia necessidade loron kalan nian, tanba ami nia susar, ami mós iha direitu uza rai rohan ida hodi buka moris, tanba ami la estraga ema ruma ka la tane liman ba Governu. Imi nai ulun sira di’ak, fulan-fulan imi hein simu osan iha banku, inklui ekipa jestaun sira mós hanesan, fulan-fulan simu osan, maibé oinsa ho ami ne’ebé laiha servisu, bainhira la halo netik negósiu ki’ik oan sira ne’e, oinsa ami nia necessidade uma laran, oinsa ami nia oan sira bele eskola, bainhira ami nia oan sira la ba eskola dehan atu kaer inan aman, oinsa?, ami tenki tane liman ba Governu ka oinsa, Governu mós presiza prepara kondisoens, atu nune’e ami povu ki’ik nia oan sira mós bele asesu netik ba eduksaun, bolsa estudu oan de’it mós ami kbi’it laek nia oan defisil atu asesu. La’os Estadu mak kalan loron fó han ami, maibé liu husi ami nia negósiu oan sira ne’e mak sustenta ami nia moris loron-loron”, hateten vendedora ambulante Binoi Smith ba GMN, Sábadu (06/04/2019).

Binoi Smith haktuir, negosiante sira sei la tane liman ba Governu no hakarak moris livre iha nia rain rasik, nu’udar nasaun demokrasia no lakohi terus tan.

Lee hotu :   Ahmad Alkatiri halo pagamentu segunda etapa ba komunidade

“Uluk nasaun seluk mai ukun ita, ita lakohi, tanba hakarak moris livre iha rain rasik, tanba ne’e mak hakarak dehan Timor mak ukun rasik aan, maibé to’o agora ukun an tiha tinan barak ona mós, halo povu ne’e terus nafatin, maske uluk ami mós sakrifika aan ba rai ida ne’e, maibé terus nafatin, uza netik rai mamuk tasi ninin oan sira buka moris mós duni nafatin, oinsa ami bele moris senti benefisia husi ukun an ne’e. Ami fa’an iha estrada ninin loos mak ladi’ak, tanba halo engarafamentu, maibé iha tasi ninin rai mamuk oan ne’e, tanba sa ami povu labele uza buka moris”, lamenta Binoi.

Negosiante ne’e afirma, atu garante sidade Díli mós, dadersan antes sira atu fa’an sasan, sira hamoos uluk fatin ne’ebé mak sira atu fa’an sasan ba.

Binoi mós fó garante katak, negosiante sira ne’ebé mak fa’an sasan iha fatin refere, sei la soe foer arbiru.

“Estudante ka vizitante sira mai iha jardim ne’e mak laiha konsiénsia hodi soe foer arbiru, maibé ami ne’ebé fa’an ami sempre hamoos ami nia fatin, kuandu sira sosa iha ami, ami halot tutuir foer ne’e, maibé vizitante sira sosa iha fatin seluk lori mai mak soe arbiru iha ne’e”, relata Binoi.

Iha fatin hanesan, vendedor nú, Jacinto Pereira mós rekomenda ba Governu atu prepara fatin negósiu hanesan iha Lita Store nia oin, tanba fatin atual ne’ebé iha, la sufisiente hodi akumula negosiante ambulante hotu.

“ Ami buka moris mós ba kabun de’it, atu riku ne’e laiha, hodi atende ami nia oan no alin sira ba eskola de’it, tanba ne’e sei Estadu hakarak hases ami iha dalan ninin, tenki prepara fatin ki’ik oan sira hanesan iha Lita Store nia oin ne’e, ami bele ba, maibé duni ami bebeik hanesan ne’e, risku ba ami nia moris, bainhira ami halai hetan soke ruma, hadau tan ami nia sasan, ami kontinua terus nafatin. Ami prontu koopera, tanba ami laiha hanoin atu kontra Estadu ne’e, maibé importante mak ami ezije prepara fatin ruma mai ami, ne’ebé fasil bele buka moris”, katak Jacinto.

Lee hotu :   Lakon direitu toba-fatin sai viral iha MedSos, Governu konsidera informasaun husi família pasiente falsu

Nia haktuir, uluk Estadu ezije sira atu fa’an iha Lita Store oin, maibé kondisaun fatin ne’ebá la premite, se loos mak atu sosa, bainhira butuk iha ne’eba hotu, haruka ba tasi-tolu fó netik mahon oan ruma mós la’e, maibé kuandu Governu prepara fatin ruma, sira prontu selu impostu, bainhira fatin ne’e ho konsidaun ne’ebé dignu ba ba sira nu’udar povu no sidadaun.

Antes ne’e, movimentu sosial Timor-Leste, hamutuk ho negosiante ambulante iha sidade Díli, halo marsa no hatama ona karta petisaun ba Parlamentu Nasionál maibé seidauk iha resposta ruma.

Relasiona ho asuntu ne’e mós, Primeiru Ministru Taur Matan Ruak deklara ona, polítika hases negosiante ambulante ne’e, atu garante sidade Díli moos no furak iha ema hotu nia matan, inklui turista sira.say

Add to Comments Here!!!!

error: Content is protected.
Secured By miniOrange
You might also like:
PJR planeia halo mudansa ba MP nia servisu

Atu halo alterasaun no mudansa ba...

Horta husu Governu moderniza karosa ba negosiante

Eis Prezidente Repúblika (PR, José Ramos...

Masakre Liquiça 1999, vítima ezije prosesa autór krimi grave

Vítima Masakre Liquiça 1999, husu Esadu...

Close