JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Peste suína afrikana maka ataka fahi iha TL

Peste suína afrikana maka ataka fahi iha TL

Hahú husi ínisiu fulan Setembru 2019, iha kazu fahi moras no mate iha Timor-Leste, tanba hetan ataka husi virus hog cholera, no virus ne’e fasil loos atu daet husi fahi ida ba fahi seluk.

Virus hog cholera ne’e,  afeta tebes ba povu ki’ik sira ne’ebé mak durante ne’e moris ho vida hakiak animal fahi.

Tuir sensus uma kain tinan 2015, hatudu, kuaze 70%, uma kain iha Timor-Leste, hakiak fahi, maske ho skala ne’ebe ki’ik maibé, fó mós rendimentu ba família.

Maibé, iha inísiu fulan Setembru 2019, akontese kazu fahi moras, ne’ebe rezulta fahi barak mate, tanba virus hog cholega ne’ebé  fasil los daet husi fahi ida ba fahi seluk.

Ida ne’e hanesan lakon bo’ot ida ba komunidade ne’ebé durante ne’e moris ho hakiak animal liu-liu fahi.

Komunidade Luisinha Gomes, hatete, parte relevante persiza halo sensibilizasaun ba povu kona-ba moras hadaet ne’e, ou moras animal nian seluk  atu hakiak animal na’in sira bele halo tratamentu ba animal sira.

“durante ne’e fahi moras haruka ema mai sona, maibé la konsege salva, ami triste tebes tanba ami nia animal, liu-liu fahi barak mak mate, Estadu tenki halo nusa para promove eskola kona ba anival nian, atu halo tratamentu ba fahi sira ne’e, bainhira hetan moras, tanba ami povu ki’ik ne’e moris ho hakiak animal”, katak Luisinha.

Relasiona ho pestivirus ne’ebé ataka fahi no rezulta fahi barak mate, halo membru Parlamentu Nasionál mós preokupa, hodi husu ba governu halo intervensaun ho lalais, tanba populasaun barak nia ekonomia dependensia liu ba animal ne’ebé hakiak, hanesan fahi, Karau, Manu no seluk tan,  inklui animal mós importante ba kultura Timor-Leste nian.

Lee hotu :   Bolseiru 19 Cabo Verde deside fila mai TL

“Ita rona katak, ida ne’e perigu tebes, maske laiha perigu ba ema nia saúde, maibé povu ki’ik barak mak lakon sira-nia animal”, katak deputadu Abel Pires.

Nune’e mós, deputadu, Mariano Asanami Sabino, akresenta, presiza mós reforsa servisu Quarentena nian, hodi halo kontrolu maka’as ba produtu animal sira ne’ebé importa mai Timor-Leste.

“importante tebes para tau matan, tanba husi sira nia servisu mak hadaet moras mai tama iha ita nia nasaun”, dehan Mariano.

Entretantu, Diretur Nasionál Quarentena no bio-seguransa, Venáncio Oliveira reforsa katak, kazu animal  moras, la’os foin akontese iha Timor-Leste maibé bebeik ona.

“Kada tinan sempre iha moras endémiku hanesan, new castle diseases ne’e ba manu, hog cholera ne’e ba fahi, inklui Septikaemiadas epizootika ne’e ba karau”, relata Venáncio.

Moras tipu tolu ne’e sai buras iha Timor-Leste, to’o momentu ne’e  seidauk konsege prevene,  tanba iha difikuldade oi-oin hanesan, ladun iha kolaborasaun di’ak husi komunidade ne’ebé hakiak animal, nune’e difisil halo vasinasaun, orsamentu ne’ebé la sufisiente, rekursu humanu limitadu no seluktan.

Iha sorin seluk, Diretur Jerál Pekuária no Veterinária,  no mós doutór ba saúde animal nian, Domingos Gusmão esplika, animal moras hanesan, fahi  akontese iha Ázia tomak  maibé, parte servisu saúde animal nian seidauk bele detekta vírus ne’e.

Haree ba volume mortalidade fahi aumenta iha Díli laran, mak Ministériu Agrikultura no Peskas rekolla amostra husi fahi atus resin ne’ebé moras no haruka ba Australia hodi halo teste.

Nune’e iha loron 27 fulan Setembru tinan ne’e, Ministériu Agrikultura no Peskas relata rezultadu ba teste laboratoriál iha Australia ne’ebé konfirma katak, fahi sira ne’ebé mate iha Timor-Leste ne’e kauza husi peste suína africana, ka lian inglez bolu African Swine Fever.

Komunikadu imprensa Prezidência Konsellu Ministrus haktuir, moras ne’e fasil liu daet ba animal sira, no la fó impaktu ba ema nia saúde.

Lee hotu :   Krime kontinua buras, Luis Roberto ezije Governu reativa GAM

Moras ne’e eziste kleur ona iha mundu  maibé, seidauk iha ai-moruk atu kura no vasina hodi prevene moras refere.

“Maibé ita bele hadook moras ne’e husi fahi liu husi evita fó hahan sira ne’ebé mai husi uma kain, restaurante no warung, ita presiza antisipa tanba Timor-Leste mós importa produtu animal hanesan fahi moris, no na’an fahi husi estranjeiru, ikus kontaktu agente pekuária suku hodi bele fó tratamentu ba fahi.say

Add to Comments Here!!!!

error: Content is protected.
Secured By miniOrange
You might also like:
Oscar Lima : Pagamentu ba projetu tarde afeita ekonomia nasaun

Prezidente Kâmara Komersiu Industria Timor-Leste (CCI-TL),...

Promete bonkar mafia iha justisa Cárceres : Tempu badak públiku sei hatene

Ministru Justisa, Manuel Cárceres iha loron...

Dia 28/09/2019 || GMNTV LIVE STREAM || JORNAL AS 12

Close