JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Povu ezije líder polítiku sira atu díalogu

Povu ezije líder polítiku sira atu díalogu

Povu Timor-Leste (TL), ezije líder polítiku sira atu halo díalogu, hodi hakotu ona impasse polítika ne’ebé eziste kleur ona iha nasaun doben ida ne’e, tanba impase polítika ida ne’e,  impede prosesu dezenvolvimentu hotu.

 “Povu ki’ik oan sira iha baze, ho halerik, no haraik aan tomak, husu ba ita-nia na’i ulun sira, líder polítiku sira, atu bele nahe biti bo’ot, hodi tu’ur hamutuk, ko’alia ba malu, husi fuan ba fuan, atu bele hakotu ona impasse polítika ida ne’e, tanba povu mak kontinua sai vítima, ita bo’ot líder sira la’e, presiza mak díalogu entre nai ulun sira maibé, kuitadu, iha parte balun hakarak diálogu, iha parte balun lakohi díalogu, ida ne’e mak sai problema ba rai ida ne’e”, deputadu Alexandrino transmite preokupasaun povu nian, liu husi sesaun plenária, Tersa semana ne’e.

Deputadu ne’e haktuir, eleitor sira mós kestiona maka’as, tanba líder polítiku sira hato’o kompromísu oi-oin durante kampaña maibé, ikus laiha realizasaun.

“Iha tempu kampaña, partidu bar-barak tu’un ba iha povu nia leet, ko’alia ba povu nia susar no terus maibé, to’o tempu ne’ebé sira hetan tiha oportunidade, sira ba fali baze hodi rona povu nia susar no terus, tanba ne’e, komunidade kestiona. Komunidade barak mós kestiona kona-bá estrada no bee moos, sira mós kestiona kona-bá auto estrada no aeroportu, laiha benefisiu ba povu ki’ik ne’ebé nunka hatene sa’e aviaun, tanba sa mak governu la tau matan uluk ba estrada rural ne’ebé bele fasilita povu kbi’it laek sira hodi lori sira-nia produtu asesu ba merkadu, atu hetan netik osan ruma hodi sustenta moris maibé, halo fali buat ne’ebé la fó benefisiu direita ba povu ki’ik nia moris. Alende ne’e, sira mós kestiona kona-bá saúde nian, iha postu saúde Tilomar Kovalima, tinan 3 ona ambulânsia laiha, inan feton sira ne’ebé isin rua to’o, obrigatóriu hulan de’it, ida ne’e realidade, postu saúde Tilomar iha duni ambulânsia ida maibé, fó apoia fali hospitál referensia Suai nian, ne’e signifika katak, iha hospitál referensia de’it ambulânsia laiha, tanba aat hotu no labele ona atu utiliza, entaun orsamentu 2019 nian ne’e, minstériu saúde tau tiha ona osan atu sosan ambulânsia multifunsaun 4 no ambulânsia babain n’e 10, aumenta mós proposta husi deputadu sira husi Ermera, hamutuk sanulu resin walu maibé, to’o agora atu aprezenta tan ona orsamentu foun ona mós laiha rezultadu, osan ba iha ne’ebé?, povu nafatin halerik ba buat sira ne’e hotu. Tanba ne’e, husu ba governu tenki tau atensaun ne’e, ne’e urjente”, hateten da Cruz.

Lee hotu :   Dom Norberto fo korajen ba VII Governu ■Tenki prioritiza nesesidade povu

Reprezentante povu ne’e haktuir, povu iha baze mós kontinua halerik ba edukasaun ne’ebé di’ak ho kualidade, nune’e, la’os ema bo’ot nia oan sira de’it mak asesu ba edukasaun ho kualidade.

“Eskola balun meza kadeira laiha, estudante sira hakdasak de’it iha rai rahun laran, ida ne’e governu nia haree oinsa, liu-liu ministériu edukasaun, alokasaun orsamentu bar-barak maibé, povu kontinua halerik iha kintu kantu, tanba ne’e husu ba ministériu edukasaun, tenki tau matan ho seriedade ba asuntu edukasaun ne’e”,kestiona Alexandrino.

Hatán ba asuntu ne’e, Ministru Reforma Legislativa no Asuntu Parlamentares, Fidelis Magalhães hatete, preokupasira ne’e hotu nia parte rejista, hodi transmite ba ministru relevante sira iha konsellu ministru, hodi hala’o knár no esforsu atu bele responde preokupasaun hotu ne’ebé rekolla husi deputadu sira husi iha baze.say

Add to Comments Here!!!!

error: Content is protected.
Secured By miniOrange
You might also like:
Ofisialmente Timor-Leste iha ona Federasaun Tiru

Loron 16 fulan outubro tinan ne’e...

Governu TL sei asina akordu subsidiáriu ho Austrália

Governu Timor- Leste (TL) sei asina...

Pozisaun Vise Xefe Estadu Maior Jeneral F-FDTL, Lere aprezenta lista kandidatura tolu ba Governu

Mandatu Vise Xefe Estadu Maior Jeneral...

Close